遇上勁抵親子Staycation ❤️週末暑假好去處
Click入YouTube 睇片啦！記得開聲睇🥰
每次去 #staycation 除咗可以充電，就係調劑生活，每次去完玩，呀媽就會積極做家務、呀爸會勤力返工，唔止大人開心，連小朋友心情都好好多，會主動做功課😛
今次我哋就去咗西環區嘅 #香港萬怡酒店，點解黎？因為呢度見到 #無敵大海景、有 #自助餐、仲有小朋友 #帳幕 同 #兒童專享擺設 ，想舒舒服服就係去酒店😍
其實我哋今次呢個Dreamy . Fancy. Sleepy package 房價 HK$968(已連服務費) 起，包咗
- 免費MoMo Café 早餐(兩大一小)
- 免費MoMo Café 雙人自助午餐
- 兒童帳幕及兒童專享擺設
- 精美小禮品乙份
- 延遲退房時間至下午3時
- 12歲以下小童可享自助午餐半價優惠
房間環境：
房間係落地玻璃，有自動調節嘅窗簾，黃昏可以睇日落🥰起身見到海景身心舒暢，房間同廁所都幾乾淨，有兒童牙刷、兒童廁所板，雖然係企缸，不過有需要可借嬰兒浴盤，而房間好多角位都有防護，十分細心。
兒童專享：
酒店有一份小禮物俾小朋友，想知係咩就睇我哋video 啦☺️
帳幕上面有一串星星燈同掛旗佈置，打卡必備❤️，帳幕入面有兩隻公仔，小朋友可以攬住訓，不過帳幕嘅size係唔夠小朋友訓，只係玩樂用途，所以Hailiah話喺入面訓係吹水嫁咋😂另外有個好多得意圖案嘅投射播放機，一開成間房都充滿童真，好靚😍有8款主題，而我哋就揀咗夢境公主，望住佢轉呀轉好治療。
食物方面：
第二日就去咗二樓嘅MoMo Café食自助早餐，幾乎每款食物都有蓋遮蓋住好衛生，早餐有麵包、沙律、點心、穀物早餐、仲可以自助揀配菜，有專人煮粉麵同煎蛋，同埋部份熟食等等⋯⋯早餐豐富同吸引，早上6點至11點就食得。
而午餐自助餐係包2個大人，小朋友都係俾半價，由12:30去到3點，午餐有海鮮、西冷牛、燒味等等，特別一點係送刺身拼盤多到食唔哂！雪糕係Movepick 仲有好多特別嘅味道， 焦糖燉蛋都有呀，仲可以隨着自己嘅喜好加入配料，不過自助飲品就少啲，凍飲係紅茶，我就唔飲得啦。
老公話呢個價錢自助餐有呢個質素真係好抵！佢特別鍾意自助早餐嘅setting ，小朋友就梗係鍾意房入面嘅帳幕啦，我話鍾意有得late check out 唔洗趕頭趕命丫嘛，想知我哋玩咗啲咩？click 入youtube 睇吓啦！
Details >> Courtyard by Marriott Hong Kong
#親子 #放假好去處 #放電 #happy #家庭樂 #小朋友 #親子blogger #hkkol #influencer #酒店 #旅遊 #渡假
