✨摘星名廚掌舵精緻中菜廳 - 采悅廳
．．．．．
呢間高級中菜館位於東涌喜來登酒店，由摘星中菜名廚鍾志強師傅主理，鍾師傅為現有既招牌菜式加入全新元素，令人眼前一亮
．．．．．
前菜采悅三小碟(圖4)有甜甜酸酸既玉葡萄(紅菜頭莓果醬冬瓜)、水晶花膠凍同江南醉鴨。然後到金黃焦脆既至尊炸釀蟹蓋(圖1)，雖然係炸，但食落就唔覺油膩，仲要有拉絲鮮甜蟹肉 🦀 再來杏汁花膠燉菜膽(圖2)，係我最鍾意既一道菜，花膠非常厚身入口感受到滿滿既骨膠質，杏汁味道亦超香濃，個人覺得係必點菜式之一。
．．．．．
主菜方面，一定要推薦招牌菜三十頭吉品鮑扣鵝掌(圖3)，吉品鮑份量十足而且好入味，中間溏心且口感軟腍，令人一食難忘！另外，黃豆酥白雪魚(圖5)同當紅脆皮雞(圖7)賣相亦非常精緻。火曈菊花菜(圖8)係菜膽切成菊花型配上熬製左8小時既雲南金華火腿上湯，靚到唔捨得食。
．．．．．
甜品方面，薑味繡球其實係薑汁豆花(圖6)，但師傅將豆腐做得超美，「繡球」係師傅將豆腐僅於90秒內切120刀而成，絕對係功夫菜呀。另外一道甜品係造型超可愛既西瓜凍(圖9)，大人細路見到都會超開心呀。
—
采悅軒 (東涌)
東涌怡東路9號香港東涌世茂喜來登酒店2樓
·
🥑生酮友好食品：❌
—
#small中式
#small東涌
豆酥 香港 在 【嚐嚐九九招牌菜系列】 三峽店嚴選菜餚-----【避風塘中卷 ... 的推薦與評價
避風塘料理方式源起於香港水上人家料理海鮮的獨特方式 ... 店以避風塘料理方式將中卷切段沾上麵衣油炸至金黃酥脆再與乾辣椒、特製香脆豆酥特製香脆蒜酥下去爆炒而成 ... <看更多>