《關於Career Coaching 的小分享》
從來無諗過會被邀請分享關於自己對career coaching嘅睇法，只因睇完《愚公計劃 Vol.5》文章後有感，有幸獲邀，說實在，真係受寵若驚，感謝久保邀請及信任。
不論生涯規劃或者職涯規劃，喺香港都仍然係一個相對新嘅概念。作為八十後，喺職場打滾咗一段時間嘅教育界小薯，同輩朋友間最長聽到嘅一句係：「如果當年畢業，有人可以咁幫我做職涯規劃，條路可能相對會容易少少。」
我算幸運，早年喺海外留學，外國打從高中開始已經有career或者academic counselling/advising，當然，十幾年前，career coaching/advising未有咁成熟，即便喺外國，career advisor當時嘅建議，只係流於講解要點選科、可以點從不同途徑或、需要咩學歷先可以達成我心目中理想嘅career。
上到大學，都係到Year 3 或者Final Year 先有教授更具體講，但都無得到好多具體soft skills或者好實在嘅advice。
反而，最令我深刻嘅建議，係高中時嘅物理老師，以及大學時期遇到嘅前輩朋友提供。明白作為父母一定希望子女出人頭地，有一番成就，我家父母亦然，父親大人以及家族中不乏長輩都希望、甚至要求我大學選科要以選專業為主，最好畢業後可取得專業資格、或做三師嘅其中一師都好。說實在，我打從十幾歲已經有明確目標，三師不曾係我心目中嗰杯茶，所以不理父親大人以及長輩反對，揀取自己興趣讀書。曾經有專業人士批我畢業後頂多只能做中小學教師、或者考個CRE去考個公務員已經算好彩，但結局無人能夠預計到。
高中跟興趣選科，大學更加篤定自己嘅passion，遇上最熱愛嘅未來路向。但無甚career coaching/advice，畢業後自己朝住目標曾經橫衝直撞，盲目咁衝，摸住石頭過河，到而家總算練就一套自己嘅方法。不能one shoe fit all，但總有些心得可以同大家分享嘅。
條路不算平坦，一開始罐頭式跟參考到嘅網上CV template同cover letter template寫，到前輩朋友點撥，要點tailor-make 每份CV同cover letter，不同Purpose要有唔同嘅排序，突顯自己唔同嘅selling point。慢慢有不少前輩伯樂偶然提醒，每次揾工就會不斷優化同revise CV。至於面試技巧，無人可以點教到自己，只好慢慢浸返來。到底要點present 自己，令到自己從眾多應徵者當中脫穎而出呢，都要自己摸索。有時候都希望當日有人扶持一下，等條路容易行啲。
慶幸自己年輕已經知自己想行咩路，又自己摸索到點行，有時後有朋友揾我分享職涯或者升學嘢都可以答到下咀俾下意見，又有幸被邀請過幫準畢業生做mock interview。如果大家真係想知多d，如果有機會，可以再詳細分享。
其實分享咁多自己故事，唔係想表達自己好叻好勁，而係希望帶出，知識固然重要，但soft skills或者如何將知識同技能internalize，然後再轉化，喺不同工作或者範疇應用出來先係最重要。而且，如果因為父母或者他人期望而走去打一份你無熱情、無興趣嘅工，真係可以好痛苦。要明白，讀嗰一科，未必一定做返嗰一行。
至於對於career coaching嘅想法，可能得罪人，唔啱聽，但一個合格嘅career coach，可能只會罐頭式做coaching，只係幫你揾到份工，但未必幫你揾到你嘅passion同終身目標，而出色嘅career coach，會幫你tailor made一個coaching plan，訂立短期、中期、長期目標，幫你揾到你嘅true passion同最適合你嘅一個路向，同會跟進、不時update，甚至為你達成目標而替你衷心地感到高興！
對我人生最大改變，係中學物理老師同某些前輩朋友或者真係關心我發展嘅大學導師或者教授，佢哋幫我發掘到passion，鼓勵我行自己想要嘅路，起碼，喺呢條路上知道有人支持鼓勵，即使未必有其他更concrete嘅建議，總算令我喺呢段路上堅持，雖然稱不上係成功人士，但每每我分享自己true passion時，眼中嗰種內而外散發出嘅光芒，我會一直keep住！我希望大家唔好因為他人反對或者冷嘲熱諷、或者介意他人點諗而錯過揾自己嘅目標同理想嘅機會！正如，唔好因為人哋一句IT狗，而睇唔起IT，其實IT都有好多範疇，例如識coding嘅，可以做programmer/developer，或者有d IT 嘅專業範疇，好似cybersecurity，其實都有價有市！同時，未有方向嘅朋友，都唔好氣餒，試下揾career coach或者做下coaching，發掘自己所愛！共勉之！
career plan template 在 Career planing template | Career development ... - Pinterest 的推薦與評價
Feb 11, 2021 - “A Career Path Template (Downloadable) https://t.co/TKz4nON4rY LET'S GET A PLAN.” ... <看更多>