朋友:「你想找個怎樣的男友？」
我：「最好就有車，又有時間陪我啦～不過在新加坡好難找啊」
朋友：「簡單啦，找個揸Uber 的男人就可以了，彈性工作時間又一定有車！」
係喎，找有車的男人其實只要按一下手機就一呼百應。
週末又 call 車，來到新加坡我開始用比 Uber 和的士平少少的 Grabcar economy。按一下，五分鐘後，銀色車連同入面那個「一定有車的男人」就自動送到我家門口。架車乾淨又舒服，oh oh 司機好後生，倒後鏡看來幾靚仔的！他好有禮貌，聽歌又有taste，perfect！點知他一開聲……
司機：「Where you from?」
我：「Hong Kong!」
司機：「Oh my girlfriend also from Hong Kong!」
唉，有女朋友的……
司機：「She scold me everyday!」
港女嘛，what do you expect?
他女朋友跟我英雄所見略同，明白在新加坡找男友最緊要有車，出街方便好多。似乎有車的男人在新加坡一早被其他女仔Grab 晒，怎麼辦呢？
煩惱的還有我的新朋友――NUS 畢業的靚女：「我最近又收到政府的信提我要結婚，叫我去相睇。踏入三十歲後收這些信收得越來越密，我不去相睇時他們又叫我 declare 自己是否喜歡女人……」果然是全能的新加坡政府，Tinder 都慳返，直接用人口資料催人結婚，結完又用各種津貼引你生仔。
她又「提醒」我，要嫁新加坡人才可以抽 HDB (公屋)，嫁外國人就冇份抽，要自己買樓。香港讀者不要誤會「公屋」是我們黃大仙下邨那種，這裡的HDB隨時有貝沙灣的質素，Pinnacle 就是當中的表表姐。嘩，如果嫁個靚仔 Uber/Grabcar 司機，抽中住Pinnacle，真是living happily ever after了！
經朋友講解 Singapore Game 的玩法之後，現在我每看見本地女仔拖住鬼佬時都心有餘悸，唉…她不能抽 HDB了。
回想我一直「玩」開的香港遊戲，好多人都質疑是一出世就定輸贏，但我始終覺得很有玩味。靠着緣份和自己努力，每日患得患失的生活有另一種吸引力。有人討厭香港遊戲搬到新加坡，也有本地人不想玩Singapore game，家家有本難唸的經吧。
Instagram: monoglam.co
