【試機失敗：Facebook真係死咗（苦主揮手區）】
話說我尋日同大家做過一個「試機」實驗，唔係要呃Like，而係，真係死咗。
麻煩，再一次，如果大家喺News Feed睇到呢個post，都俾個反應，like又好留個言又好🙇♂🙇♂🙇♂
我真係唔知點樣先出得到、點樣又會被ban，所以如果你都中招，請討論一下你點做／用過咩方法去做，work唔work。
事緣由上星期開始，Facebook已經將唔少Post detect為spam，原因不明，初時我以為係個post唔夠長、某啲圖係「meme」圖俾網民用得太多致死，原來唔係，疑似真係bugs。
直至前日，我有一段時間任何post都出唔到，全部都俾佢話係spam，最後，就算俾我出到，一切scheduled post reach都唔多過5個人。
然後，尋日同大家做個實驗，發現原來唔schedule，就咁直出，係冇問題，一直到今日嘅post，我都係直出，都冇問題。
如是者，我又做第二個實驗，不如將個post save as draft，然後到咁上下時間post出嚟，reach都係1個人。我試吓將佢delete咗直接重出，大概Facebook detect到你同一堆字、同一張相，reach都係0。
因此，我可以證實，已死。
補充少少，In case你冇run開page唔知係咩，好簡單，reach就係你出完一個post可以「觸及」到嘅人數，而organic reach就係指你唔落廣告下，一個post可以「自然觸及」到人數。當我依家有約萬個follower，平時一般「自然觸及」人數約有一半，幾千人咁，但依家係，0-5人。
我初時以為係俾hater搞事，又或者呢兩日比較敏感俾人block，但原來唔係，睇外國forum好多用家都死咗，甚至已經超過一星期出唔到任何嘢。如果夾硬係咁同佢鬥出，仲會俾Facebook將成個account ban埋。睇大家嘅內容，似乎唔關政治事，而係Facebook唔知搞乜有bugs。
一般嚟講，Facebook有bugs應該好快搞掂，今次搞足幾日（睇外國網民似乎已死咗一星期）。香港暫時我搵唔到有人嗌救命求救－－如果有朋友知道有「同道中人」、識得點搞，請告知。
我唔肯定Facebook係咪detect到任何曾save as draft/ schedule post字眼都出唔到街，暫時諗到折衷方法係，我用google word打定draft，定時定刻再上相，人手出post。目前我睇唔到有任何會好返嘅曙光，已report Facebook但當然冇人覆我，暫時嘗試一下用呢個方法。出post未必可以好似平時咁密咁定，請見諒。
如果再唔得，可能真係要用IG，或者落Blog再用story出，而暫時我另一page 有故事的旅人 （澳洲首都不是悉尼） 係冇問題，或者我諗吓將兩邊合拼？唔知道。
大家仲記得的話，我幾個月前曾經講過，想逐步將文搬去Blog度，唔再點用Facebook出，結果俾人插爆，但係如果Facebook輕到Organic reach係0的話，我出嚟都冇意思。
以下呢幾個，係我呢幾日出咗，但大家都睇唔到嘅post：
10/6/2019:
【多謝蜘蛛俠！香港都做到「玩具大戰」！】bit.ly/2K8NNZy
9/6/2019:
【「雷神（又名MIB）」X「蜘蛛俠」搞事式宣傳】
bit.ly/2wO6CZ2
8/6/2019:
【《Black Mirror》Season 5 - Worst of the worst?】
bit.ly/2EZRk8g
【以恩寵之名：「O先生」成功打破自己「一好一劣」的紀錄】
bit.ly/2X0sijA
ig 觸及人數 意思 在 徹底解說Facebook、Twitter、Instagram如何計算互動率 的推薦與評價
回顧一下Facebook與Twitter互動率的計算方式，前者的分母為「觸及人數」，後者則是「總曝光次數」。而且，每個帳號也可以依據不同目的自由選擇「分母」。一般來說， ... ... <看更多>