乜5人唔係唔帶套嘅咩🤔
其實可能你會問，點解5人龍門係唔帶套？因為5人多數都唔接實，個波又咁硬，距離又近又咁快，接到嘅機會相對低。但5人足球龍門用手發球係講手感，所以有人係唔帶套，令到手感再細緻啲。
但如果見到有朋友帶套，又唔好笑佢。因為個波咁硬咁重，即使唔接齋擋，都好L痛。除非受過訓練，慢慢習慣。如果唔係都係帶套。起碼有啲野隔一隔緩衝下。即使連泰國職業隊都會有龍門帶套。帶唔帶只係個人喜好同選擇。
不過如果你係要打5人龍，強烈建議要紮手。個波射埋黎咁勁。即使擋波，手腕都好難夠力鎖實。而且個波咁勁，好容易受傷。所以啲龍門都係紮手腕固定關節。同埋夠力頂一頂。多數紮手腕會由前臂近手腕開結紮，包到上晒手腕。令到去擋波嘅時候，力量會分散至每一個部份。
至於手指，多數都係紮晒，你諗下擋或者接得唔好，一篤魚蛋。唔止傷，有機會甩骹或者斷手指。咁為左自己唔傷同好力啲都會紮左先。
即便帶手套，都要紮手。令到隻手夠力啲，傷嘅機會又少啲。
始終打5人，個波同7人11人係完全唔同。
Nike5 又接受緊報名，如果想試下打5人龍門都要練定，因為動作同運用係有啲唔同。所以要重新適應下。
希望呢啲分享可以幫到大家多啲了解5人龍門🙏🏻
#其實5人龍門真係好勁 #至少唔怕死先 #H3SportHk
