《又係你呀陳生？》
我唸大家細細個都聽過「狼來了」呢個故事，又或者大個左，身邊既女人就會同你講：「一次不忠，百次不用」呀咁。呢兩樣野其實都係用黎形容一d曾經奶鑊既經驗，第二次你仲敢唔敢試？你當我kai子咩？！
因旗下Hoegaarden（又稱「福佳」）同Stella Artois品牌而聞名，曾經响7月來港招股，點知收晒票至黎撻Q，結果擱置上市既啤酒商百威亞太（1876）呢期又捲土重來，翻兜大家。唔知大家仲會唔會落搭呢？
話說關於間公司既背景同基本因素既分析我响上次招股既時候已經分享過晒（傳送門：https://bit.ly/2kTt3d6）今日想highlight既只係上次同今次既不同：即係包括集資額縮左啦，由上次既650-764億降至341-378億；發行價又郁左啦，由40-47降至27-32既；而入場費亦都相應調低埋，由4747降至3030。呢d都係大家較容易响報紙度睇到既。
至於鮮為人知少少既就包括：公司响第一次招股既時候係無基石投資者既（唔知上次係咪因為咁，所以湊唔夠飛、埋唔到欄呢？）今次佢地就學精左喇，先行配售左俾GIC。响擱置上市之後，集團又將原計劃放响上市公司入面既澳洲業務賣左俾Asahi。有關既出售相當於令上市公司既去年純利由14.1億美金降至9.59億，簡單講，賣左d賺錢野。
跟住就黎到戲肉喇：首先，上市公司少左忽肉，但係賣貴左，由原來既38.5-45倍市盈率（都已經高過同業）升至47-52倍（話唔定，呢個先至係上次話唔嫁、今次又嫁既主因！）唔合理渦。再講，公司既資產包入面有44%（相當於67億美金）都係「商譽」（goodwill）另外仲有11%（17億美金）係無形資產。你又會唔會覺得間公司空洞左少少？
空洞，其實可以用更具體既數據演繹出黎既。假設上市價係30，而每股資產淨值係0.35既話，即市賬率（PB）有85倍。咁到底85倍係一個咩概念？目前全港藍籌最高PB既係舜宇（2382）有12倍，而第二既係騰訊（700）有8倍。科技股可以「發夢」值得享有較高既估值我明，但係做啤酒有咁既估值我係絕對唔明！仲有一樣野想提提大家。
就係今次既集資所得將會百分之百、完完全全用黎償還債務，而無一蚊係用黎拓展或者併購既。你自己上網search下，到底過往有幾多公司會咁樣做？用四、五成所得黎還債已經俾人tag左「千股」喇，依家公司即係擺明搵你俾錢填氹，即係同你個衰老公响出面爭落人地條貴利數問你度水一樣——無既，你鍾意幫咪幫囉，我自問就無咁多銀兩喇。
#百威亞太 #招股上市
stella artois 7 11 在 限量換購 Stella Artois... - OK便利店Circle K Hong Kong 的推薦與評價
限量換購 Stella Artois 全新Collectable Artois 限定酒杯 】 Stella Artois 聯乘本地人氣藝術家PEEP ， ... 推廣日期: 2023年4月5日早上7時至2023年4月10日 ... <看更多>