【好耐冇見！你幾耐冇睇過3D？】
喺我記憶入面（冇實際記低），對上一次出現3D電影，係《星球大戰：天行者崛起》，但當時除咗IMAX外，3D場次都已經唔多，繼而除咗《F9狂野時速》一類戲獨有3D 4DX，已經唔知幾耐冇見過3D呢樣嘢——早前突然變成美好集體回憶嘅UA，據講開創咗全球首個地區3D眼鏡要俾錢先河，搞到IMAX眼鏡都要俾錢後，就冇再出現3D片。話曬3D氾濫過度，觀眾有得揀都唔會揀3D，片商都唔願意入3D版，但近期如《爆機自由仁》、《尚氣與十環幫傳奇》你不難想像係有凌厲3D效果，戲院都只提供2D。
事隔近兩年，竟然係《007：生死有時》再有3D版本，除咗3D 4DX，亦有IMAX 3D版，而海報上都寫有3D版本，唔知會唔會先試吓水溫，再睇吓反應出唔出返3D。雖然，《007：生死有時》呢類戲唔係玩大型電腦特技，搞3D好似有少少無謂，但觀眾睇到悶悶地，又會唔會想重拾返戴3D眼鏡感覺？
《007：生死有時》唔單止係史上首套有3D格式，都同時係首套用IMAX拍攝嘅007電影（上兩集只係後製IMAX格式）。不過，睇返資料，似乎都唔係有用3D拍，都係後製3D。
睇IMAX就一定架喇，你又會揀2D定3D？
‼️電影網店全新貨品已上架，低至$5起，快啲嚟搶購啦：https://bit.ly/3qLPkpk
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
ua電影 在 文化本事- #ua結業【與十字牌牛奶是兄弟公司？UA擅革新憑 ... 的推薦與評價
UA 擅革新憑《阿凡達》奪「全球最高票房影院」】 UA... ... 消息一出頓成全港熱話，近年電影市道雖然低迷，UA仍是陪伴港人多年的成長回憶。回顧香港影史發展，上世紀二 ... ... <看更多>