［Financial statements are like a bikini, what they reveal is interesting but what they hide is vital］絕口不提半島蛋糕好唔好味
1. 話說之前二千蚊住半島同囡囡慶祝生日，咁當然要大寫特寫啦。(http://bit.ly/352a3uS)
2. 我有個日本通朋友，話我知，啲友呢（當年我仲未去過日本），如果在6算換到YEN呢，個成就感真係好大，大過你買嘢平咗同樣金額。呢啲mental accounting 正係人性。雖然我唔知其實啲友去日本使幾多百萬（YEN?）咁大把
3. 當然有人可以理解做，埃汾要等到兩千蚊先住得起，隨你，反正係事實。（「拿唔係正價住唔起，但唔抵」「咪即係住唔起」）。但你又唔會話埃汾要等到6算先買得起YEN。所以都真係有分別
4. 好啦，我仲特登為囡囡個生日蛋糕出個post嘛。講半島幾咁專業，分秒不差，仲有見我入住時都差不多十一點，主動問要唔要改遲。
5. 被cap圖呢個，早幾年我做CFA research challenge （只係大學生鬥寫報告，唔係出嚟輪流challenge分析員，你諗多咗）嘅mentor．當年恒管（之前恒商，而家恒大）呢隊幾位小友，真係盡得我真傳。「雖然我都仲係唔多習慣學生戴耳環」「仲要男學生」。不過當然關我叉事
6. 小友一睇，就發現我寫兩篇文講半島—但都冇講個生日蛋糕好唔好食！呢個先係重點。就等於福爾摩斯，Hound of the Baskervilles，話啲狗半夜好奇怪。對方話，冇喎，啲狗咩都冇做。福爾摩斯話：咪就係呢樣嘢奇怪。
7. 的確，個蛋糕唔多好食，亦證明我唔係半島嘅打手。當然，大特價房仲要免費嘢仲要夜晚十一點先check in，就唔應該咁多要求，絶非投訴R著數，我嘅消費體驗極之滿意。但有碗話碗，的確蛋糕麻麻地（但你畀幾錢先？我明喎）。
8. 小友果然觀察入微。最正係佢居然連我當年食飯傾計用邊個例子都記得。有前途。（comment有圖）
9. 個例子，就係某一年，我去中銀香港（2388）嘅業績會。咁分析員嘅嘢，梗係睇下自己啲數準唔準，睇下公司盤數點。如果call buy（當年多數人都係叫買入，包括我）咪睇下業績係咪勁，因為唔勁就會股價插，股價插就會唔多得閒。
10. 然後我拎起份嘢，都未使揭去最後一頁。第一頁（唔計冇內 容啲封面），就講個net operating income before impairment allowance同operating profit before impairment allowance（撥備前利潤，亦即係PPOP ，舊文寫過 （http://bit.ly/2PwpQNp） ）。
11. 咁我就知道今次仆街了
12. 原因？好簡單啫，因為如果純利創新高，就梗係第一頁大大力講純利創新高。公司嘅嘢，冇其他，唔好同我講你上咗幾多客，做到幾多生意，有幾多孖劇些牙。賺幾錢？話我知就得。所以好多時只睇top line（收入）同bottom line（純利）。
13. 亦因為咁你只見啲人講PE，市盈率，price to earnings. 咩公司用price to sales？有，冇錢賺嘅公司。而當年科網狂潮啲公司，唔好話earnings，連收入都冇。咁就唯有係price to eyeball，上個月有幾多click。記住下個月拎啲click 去交租，正如阿漆拎舊豬肉去找過夜數咁。
14. 留意返個時空，係2008年嘅中期業績，即係8月出。港股直通車固然一早撻咗Q，次按都開始多人講，貝爾斯登（Bear Stearns）已倒下。但大家仲未知道重頭戲，雷曼爆煲。雷曼係2008年中秋爆煲的
15. 所以當時啲分析員，都仲覺得，中銀唔應該受好大影響。結果唔係
16. 上面講過啦，第一頁講埋啲水蛇春咁長嘅東西而唔係純利，即係個純利一定唔好睇。事實在佢份嘢下一頁（http://bit.ly/36cWicK），就發現08年上半季嘅純利，低過07年下半年，亦低過07年上半年，都令人有啲意外。
17. 去到呢個位，應該聞到啲燶味了。你事後睇返，當時你去沽空啲金融股，實發達。但事後講咪易。
18. 雷曼爆煲後，去到中銀08年全年業績（09年3月嘅事），反而冇乜意外，大家都知屍橫遍嘢，未執笠咪執到。當然中銀都仲有出第三季的營運報告，所以大約都知嘅。季度營運報告唔係成盤業績，但都會講下大約點，同埋畀幾粒數，就好似早前第三季業績，話埋你知一季走咗300億存款咁（http://bit.ly/2PwpQNp）
18. 舉一反三，好多嘢都係咁樣運作。例如某某公司話自己係世界頭20大乜乜乜，咁你可以假設佢係排18或者19。因為如果佢排15就會話自己係15大。邏輯撚必戒，我地日常用嘅語言，係有語境，同埋仲有我地嘅經驗嘅，唔好你鎖埋門玩啲數學符號 XOR Contrapositivity
20. 同樣地，真係有人印卡片寫自己係乜乜乜碩士—咁即係呢條友唔係PhD（本人都係李聲揚碩士-但我唔會咁放落卡片或咁自稱嘛！）
21. 一樣，卡片印FRM嘅人，就係考唔到CFA嘅。係，我知唔同，「唔可以話CFA叻過FRM」。邏輯上嘛。但實務上我就冇撚見過有人考到CFA然後話「哎吔FRM好難架我考唔到所以冇考」。本人就係兩樣都考到，但只印CFA，考完FRM都唔印，吹咩。正如本人係MSc卡片都唔會印）。舊文都寫過 （http://bit.ly/2PnJz07）
22. 同樣地，嗰啲成日都要講自己中學係學霸嘅，就梗係之後工作上都一事無成，先要講幾廿年前阿叔點勁。唔止，直頭連大學成績都核突都唔見得人，先要講中學。我梗係講自己
vital net 在 【ESG】數位賦能，企業永續管理｜落實全面碳盤查 - YouTube 的推薦與評價
com/tw/ vital - net... 關於叡揚資訊成立於1987 年，是臺灣資訊軟體業的 ... 【ESG】數位賦能，企業永續管理｜落實全面碳盤查｜ Vital NetZero. 129 views ... ... <看更多>