【龔成問答信箱】(Q21661-Q21680)
Q21661:
老師您好,本人已經第二次請問老師,十分感謝老師既無私指導;本人有閱讀唔同股票書本及購買老師既書,真係獲益良多,若老師繼續出新書,本人一定購買!
現本人再持續更新自己的投資計畫及就老師早期的建議及書本上的知識,望老師賜教!
背景:
本人28歲,月入大約3萬,能每月約儲1萬5。
現時有現金5萬和儲蓄保險(供5年,已供4年,每年5萬,即已供20萬,回報率由5.5%下跌至4.5%) ,現股票投資左約55萬,按老師的水桶模式投資法的方式,
手持股份共14種,詳細如下:
快速增值(潛力股)(成本:25萬)
1. 比亞廸(500股,39.3買入)
2. 小米(600股,11.8買入)
3. 比亞廸電子(1500股,38.79買入)
4. 贛鋒鋰業 (1000股,88.07買入)
5. 平安好醫生 (1000股,88.02買入)
平穩發展(增長股)(成本:18.8萬)
1. 恒基地產(3000股,29.87買入)
2. 盈富(1500股,24.87買入)
3. 金沙中國(800股,34.6買入)
4. 長江基建(1000股,36.64買入)
5. 安碩恒生科技(500股,16.81買入)
收息資產(收息股)(成本:11萬)
1. 中華煤氣(2050股,12.71買入)
2. 置富產業信託(6000股,8.61買入)
3. 中國飛機租賃(5000股,7.33買入)
4. 港燈(500股,7.95買入)
幸好,經細閱及留意老師的Facebook的建議,本人成功以低價買入比亞廸及小米,其他股票亦參考老師的書籍,
潛力股獲超過40%及增長股有25%增長(約等於20萬獲利),令本人的第一個一百萬的目標非常接近,十分開心。
提問:
1. 本人知道年紀算年輕,應大量投放於潛力股,請問比例可以為潛力股:增長股:收息股 = 7:2:1?這樣是否風險能夠分散嗎?
2. 持有14種股票是否過多嗎?如是,我應該賣出那些股票?
3. 比亞廸及小米分別於39.3及11.8超低價買入,相信現在無可能會再跌至我買入價,如我現再增持比亞廸及小米,咁我係咪等同放棄手上既利潤嗎?
定我應該發掘/ 增持其他潛力股如中國生物製藥(1177)/ 贛鋒鋰業(1772)/ 比亞廸電子(285)?
4. 如果我成功儲到一百萬,以我現在的收入,我是否應該沽出所有股票提現,做500萬按揭買樓嗎?本人計劃購買馬鞍山的二手樓宇的,可實現與男朋友同居的目標或將屋租出去?
龔成老師︰
1) 你現時比例,大致係可以。但留意中華煤氣(0003)和中國飛機租賃(1848)算是平穏增長股,而非收息股。
而收息股增長力較弱,唔建議你再加注。你主要投資在平穏增長股和潛力股,長線比例維持大約各5成就可以。
中國飛機租賃(1848)本身質素不算差,但又未到好好,主要原因是負債太高。佢利用高槓杆的模式,進行飛機租賃等業務。
其實佢業務有獨特性,在行內有規模,有長線投資價值。但投資注碼不能多。只能小注。
現時大市只係合理水平,現金佔比重大約3-5成。故新資金唔好盡用,要留有部份,等大跌市出現,才加大力度掃貨。
至於儲蓄保險,由於就快供完,你可以照供埋佢。但未來時間,你將資金集中係優質股,個效益相信會更好。
2) 以你組合金額計,有少少多,但這些股票都有質素,不用沽出。長線,你集中翻係10隻左右,咁就可以。
3) 表面上看來,你再入貨,會拉高左比亞廸(1211)及小米(1810)的平均價。但這2隻股票,都係好有質素,長線相信會繼續上升。
你本身的概念有錯,你停留在過往的買入價,而我地應該著重將來的增值。例如投入該資金後,怎樣為你組合帶來長遠的增長效果。
如果你手上持貨過少,反而會影響成個長線增值效果。因此,我地應以平均配置角度去考慮,只要現時價格合理,而你預定投入這些股票的資金,又未用盡,你係可以考慮加注。
但現時比亞廸(1211)及小米(1810)都係偏貴,前者要回到$135才算較合理,而後者最好等回多1,2成才考慮加小注。
當然,你講的另外3隻股票,都有投資價值。但只有中生(1177)勉強算係合理區頂,其餘都偏貴,相入貨要等等。
4) 如果你有實際自住需要,係可以考慮。但大前題,最好在置業同時,都留有一定優質股作增值,這樣才可以維持成個財富組合的平均性。
若你係為投資,以現時租金回報率計,值博率回投資股市咁高。因此,我唔建議你唔洗太急去置業。
除非你發現旬盤,租金回報率高,又有唔錯增長潛力,你才考慮出手。
------------------------------------------------
Q21662:
龔sir,你好!本人今年36歲,與媽媽及11歲兒子住綠表公屋,為家中經濟之柱。每月收入$22000,剛好夠生活上各項開支,沒有多餘錢儲蓄。
本人家庭有兩個物業,一個是自住綠表公屋,每月供$13000,還欠按揭$190萬,還餘14年,市值$300萬。
另一市區唐樓劏房單位,於數年前花$50萬裝修,每月供$9000,還欠按揭$120萬,還餘13年,市值$700萬。劏房單位共約收租$21000,差不多夠供兩物業的按揭。
本人多年來積極理財創富,為退休作準備。但現在流動資金不足,生活上有點壓力,加上又有負債要清還。
持股 939@20000股,3@4000股,700@100,3690@200。股票加現金約$30萬。另有40萬負債要清還。
兩物業都不能加按,每月只夠開支,請問我可以如何處理目前的財務問題(不想賣樓,因供完後,收租足夠退休生活。)懇請賜教!
龔成老師︰
你現時物業不用沽出,因為一間係自住樓,另一間租金回報率都理想,可長線持有。
但你現時財富組合,已經好偏重係物業。所以係累積財富時候,我地會優先投入係其他資產類,例如優質股,以免太集中單一資產,而造成風險。
你現時持股票,都係優質股。但建行(0939)增長力較弱,主要係收下息。以你年紀,應以增值為主,先去累積一筆財富。
你可以將部份建行(0939)沽出,換碼至以下有增長力之股票,並長線持有。
另外,你現時生活只處於收支平衡,唔係咁理想。你要審視翻自己開支,有無一些不必要部份,盡力去刪減。同時間,你睇下有無一些兼職、網上小生意等,去提升收入。
最終目標,每月能空出一定資金,去月供上述有增長力的股票。
而負債,你要睇翻佢利率高唔高,如果較高,就應先清還,才開始投資計劃,會較理想。
------------------------------------------------
Q21663:
龔sir, 你好。本人現在正上緊你的股票班,想好好學習股票投資,但是我有一個買樓上的問題想請教你。
我犯了一個錯誤,我在2019年高位時買入筲箕灣新樓,現在市價已經下跌了多過10%。
我現在供樓上沒有問題,樓是自住的,但是看到筲箕灣升值潛力不大,租值亦不算高,想請教未來應該如何部署?
是否應該等平手才考慮賣出而再投資其他升值潛力較好物業?買樓有需要止蝕嗎?謝謝!
龔成老師︰
香港島的物業,始終都有一定投資價值,因為長線供應相對較少。
筲箕灣其實不差的,但新樓一般有溢價,因此較易出現樓價下跌的情況。
你現時的物業,持有就得,問題唔算大的。
同埋,這個物業是你自住樓,所以你只要供得起,咁就可以。
由於你成個財富組合,已經有物業類,相信佢佔你成個組合,都會係一個較大比重。
所以,你再有新資金,應先考慮其他優質資產,好似優質股類,避免太集中單一資產,而造成過度集中風險。
------------------------------------------------
Q21664:
Hello 龔先生,本人見最近一直跌市,買了以下股票,請問是否應該放左先,先止蝕。。還是一直keep 住,因有啲股票已跌穿很多。謝謝你
股票號加買入價:
2638 $7.61 (500股)
2800 $28.44 (2500股)
700 $618.4 (500股)
1972 $23.1 (400股)
1398 $5.33 (4000股)
388 $435 (應在什麼價格再入市較適合呢)
1810 $24.75 (400股)
3067 $17.12 (300股)
3088 $10.34 (200股)
9988 $222.7 (200股)
3690 $290.17 (200股)
1211 $157 (500股)
見中國股一直下滑,在以上的股票,我有需要先離場嘛,很多都跌很多了,求指教
龔成老師︰
唔好受大市氣氛影響,同埋唔好將個焦點,放左係買入價,或者帳面賺虧身上。
你要明白一個概念,我地持有一隻股票與否,關鍵位是企業質素、前景,不要被買入價影響。因為我地買股票就是買企業。
買入價,你的賺蝕,只是一個心理因素,該企業長遠的發展,才是我地是否值得持有的重點。
如果企業有質素,但股價短期下跌,就不用擔心,照持有就可以。
如果企業無質素,但你現時蝕錢中,繼續持有只會令你財富繼續貶值,因此要賣出。
如果企業質素轉差,就有可能要減持,因為這股佔你組合的比例,未必值得太多。
你現時持有股票,都係有質素,不用理會這些中短期波動,可長線持有就可以。
但有個較大問題,就係你現時股票,潛力股佔左大多數(0700, 0388, 1810, 3067, 3088, 9988, 3690, 1211)。
這類股票,增長潛力高,但同時間波動性都較大。若你係年青人至中年,可以佔最多5成。但若你偏年長少少、投資經驗較弱,比重要再向下調。
未來時間,你要慢慢調節翻個組合比重,令潛力股比重重回正常水。你可以唔一定要沽持股,用新資金去令成個組合平衡翻就可以。
港交所(0388)現價都仲係有D貴,最少回多1,2成,先考慮加注。
------------------------------------------------
Q21665:
龔sir, 你好
1) 我今年25歲,由中學畢業已開始做freelance、投資及工作存錢,現存股票及現金大約存到400K
打算在30-33歲置業,距離現時有5-8年投資時期,想問如在現價,將大部分股票及現金投資3067或吉利可行嗎?
2) 另外個人工作問題想請教一下,現時人生有兩份工作選擇 工作A為現時工作,月薪約4-5萬,比較難有大的升幅。
工作B為新的工作機會,月薪始約3萬,穩定的政府工。 工作B到35歲先會回到月薪4萬,40歲大約5萬元,45歲6萬元,大約最多可到退休前升至9-10萬。
B的強積金亦較A多,但發展機會不大,個人覺得十分難選擇,希望能分享小小建議,謝謝 感激不盡!!!
龔成老師︰
1) 這2隻股票,都有質素。吉利(0175)現價算合理區中上,而安碩恒生科技(3067)則在合理區上部,現價都可以先首注。
但我地唔好成個組合,只集中係1,2隻股票身上。
最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能高於組合30%,同一股不能高於組合15%。要平衡,建立後長期持有,不是買賣賺差價,而是成為你財富組合一部分。
你25歲,建議你用「平穏增長股」 + 「潛力股」作組合。
如果你現時無太多投資經驗,潛力股這類風險較高的股票,你就不要持有過多,最多維持2-3成好了,甚至先集中係平穏增長股類。
現時大市只在合理區,現金和股票應各佔一半。餘下一半現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
2) 單從薪金長線升幅去計,工作B會係較好選擇。但每個人人生目標,都不一樣。有人希望安穏收人工,有人希望工作有突破。
雖然工作A人工較少,但長線能在工作A中,學到一些有用技能或經驗,令你能增升到另一個層,其實你可以選工作A。
當然,這個世界並不只有工作A和工作B。你要認清自己去向,放自己在一條合適的跑道。就算而一刻可能人工較少,但可以累積經驗,令你將來工作或者事業有更大發展,我地都應該要考慮。
總之,你要先了解自己長線目標,未來5年、10年、20年係想過點樣的日子,才計劃今天的路,該如何走。
------------------------------------------------
Q21666:
龔Sir你好!先交代下背景,我26歲,最近一年收入減至約$15000-20000,暫時無經濟負擔,每月可草$10000,希望滾大資金今年年底開始做生意及將來置業。
2019年中,我由約15萬本金開始投資,之前從股市中賺了約20萬,加上每月儲蓄,2021年年頭時資產約50萬,但最近3個月帳面蝕了接近10萬,我有d唔知點算好。
我留意了你專頁一段時間,見你話要控制現金比例,慢慢分注入市,但我今年2、3月時入市太心急了,在比較貴的時候入了很多貨,去得太盡,
留的現金不多,希望老師比下意見我,現時應該止蝕減持還是可以繼續長線持有?
現時持有:
9988阿里巴巴 $250 x 200股
1810小米 $26.8 x 800股
3067安碩 $17.85 x 3200股
6862 海底撈 $59 x 1000股
1579 頤海 $90.6 x 2000股
520呷哺呷哺 $15 x 3500股
1858 春立醫療 $53 x 500股
持有現金:約5-8萬
另外,最近我亦心郁郁想入285/3690作長線持有,我應該點分配同安排呢?
謝謝!
龔成老師︰
首先,你年底要開始新生意,由於時間太短,不宜投資。這部份所需資金,要先扣起,才開始投資計劃。
現時大市只在合理,最理想係現金和股票比例,大約各一半。
雖然你現時股票比例較多,而且有部份出現帳面虧損,但唔代表一定要沽貨。
我地持有一隻股票與否,應用其質素作考慮。如果質素係無變,依然優質,就算中短期出現股價波動,我地都唔洗太在意,長線持有就可以。
你現時有股票,都有長線投資價值,照持有就可以。春立醫療(1858)這股不確定較高,不宜有太多,暫時不要再加注。
比亞迪電子(0285)質素不差的,有潛力。睇佢過往發展都正面,有技術,而前景都唔錯。
考慮到近期的增長,現價算係合理區頂部,可小注。
美團點評(3690)有潛力的,過往一直虧損,到近一年,開始有正現金流,這是一個實質的利好因素,因為之前一直在燒銀紙,現時初步見到成效,不過,估值的方法好虛無,因為現時的市盈率仍過百倍。
如果有利好消息,佢可以上好多,但如果估值修正,股價可太跌。
只可以話,潛力是有的,現價唔算平,之前明顯貴,之後回翻好少少,大約合理區頂。若投資,一定不能大注。小小注,是較好的做法。
但你成個組合,有一個較大問題,就係你全部都係潛力股。佢雖然有增長潛力,同時風險都較高,不宜持有過多。
你算年青,潛力股可佔約5成,餘下應用以下平穏增長股。若你投資經驗較淺,潛力股比重,要再調至3成以下。到你學到一定投資知識,才慢慢調高。
未來時間,你要加大翻平穏增長股部份,令組合更平衡。
------------------------------------------------
Q21667:
你好啊,阿sir,我曾經上過你堂,亦都關注你既fb好耐。但最近實在係忍唔住,有個問題好困擾我。
我今年32歲,穩定工作都係得兩萬一個月。大約得廿幾萬股票,有十幾萬現金
我家人話人地個仔買到樓有出色,有大志,有骨氣。為左各式各樣事情,為左佢既面子問題,日嘈夜嘈,唔知係米我心裡質素既問題,我真係覺得好難受。
我依家諗緊好唔好賣走哂d股票再同我家姐買樓?但我本身積蓄又唔多,人工又唔高,依家股市又跌緊,我真係好迷茫。
龔成老師︰
首先,每個人的人生規劃和價值觀都不同,所以唔需要同人地去比較,最重要係盡最大努力,做好自己。
你是一個成年人,成件事要用獨立思考,去理性分析,唔好過份受別人影響,因為只有你自己,才最清楚自己目標和個人能力。
講翻你現況,如果你無客觀置業需要(例如要結婚,需要一個屬於自己家庭的生活空間。),我地就用投資角度,去分析而件事。
首先,你現有資金不多,現時香港整體樓價唔平,租金回報率唔算吸引。所以,投資在優質股,相對值博率會較高。
如果你有自住需要,長遠可考慮買樓,先買細價樓先,但你如果與家人合資買樓,要好小心,因為日後總會出現麻煩事。
當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
以你現時30歲去計,可用「平穏增長股」和「潛力股」,去創造一個增值平台。建議你用每月5成儲蓄,其餘先儲起,用一邊月供一邊儲蓄的策略。
選股上,你可以投資在平穏增長股︰盈富(2800)、金沙(1928)、恆基(0012)、平安(2318)、中銀(2388)、港鐵(0066)、煤氣(0003)、長建(1038)、粵海(0270)、領展(0823)。
增長力較強的,可選安碩恒生科技(3067)、比亞迪(1211)、阿里(9988)、騰訊(0700)、港交所(0388)、舜宇光學(2382)、小米(1810)、中生製藥(1177)、福壽園(1448)、GX中國電車基金(2845)。但佢地波動性和風險會較高,你要自己平衡。
如果你現時無太多投資經驗,潛力股這類風險較高的股票,你就不要持有過多,最多維持2-3成好了,甚至先集中係平穏增長股類。
若你有一定投資經驗﹐潛力股比重可以相應調高,佔組合約3-5成,視乎你投資經驗多寡和了解這些股票程度而定。
現時大市只是合理區,你現有十幾萬現金和每月所儲倒的資金,就等大市出現一定程度的下跌,才大力度掃貨,然後長線投資。
到你累積到一定金額、有生活需要,或者樓市值博率開始吸引,你才再考慮樓市部份,咁會較為穏當。
------------------------------------------------
Q21668:
龔sir,必瘦站甘高利潤行業,而業務簡單,我覺得之後會好大競爭。
但我諗唔到必瘦站護城河在那裏,怎樣去在內地競爭,按理護城河應該系品牌,但佢品牌又唔覺有咩好口碑。
龔sir認為佢既護城河在那?
我之前4蚊入左10萬股,覺得roe好高,業務又簡單。
龔成老師:
其實佢旗下有好多過品牌,同埋都算儲多一定的客戶群,當客戶用開佢的產品,而又覺得不差,就會一直用,這是好多美容都有的模式。
佢已經建立左一個唔差的營運模式及網絡,要打進都不是絕對容易。
另外,佢有不少較新的美容儀器,這是較細公司未必有資源做到的。即是在某些產品上,其實有優勢的,這是中小型公司無的。你長線持有就得。
------------------------------------------------
Q21669:
老師你好,我係你學生,聽完你堂絕對認同你嘅理念,本人現50歲對投資完全不懂,現只有一層已供完樓,每月可動用4萬作投資以部署60歳退休,
想以月供股票形式供股,但手續費都吾平,請問有什麼方法可以再減低成本?1928、2388、0012、0066、0388以上股票如供.股的話,如何分配比例??
多謝老師
龔成老師︰
你現時已有一個物業,係財富增值角度,未來資金,我地應集中翻係股票身上,去令成個財富組合更平衡。
以你50歲年齡,其實已開始為退休做準備,但同時,財富仍有增長力(但不是進取)。
由於你對投資完全不懂,對價值點定平貴,未必太了解。我建議你先利用月供模式,去建立一個股票組合。雖然成本較高,但可以減低買貴貨風險。
當然,你一手手買都可以做到月供效果,只要你現金平均地慢慢入市(如保持住每月定額買一手)就可以。2個方法都可以,一手手買更節省了銀行月供收費,但你必需確保自已可以有自律性地進行。
假設你用月供,你每月可以先用一半資金,即係$20000。其餘就先儲起,去等大跌市機會。
比例上,可以每隻佔20%。但就隨著年齡增加,你要慢慢加入一些收息股,去令組合更平穏。到退休時,收息股應佔全組合的100%。
收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)等(記住,股價略波動,不能太過大注)。
------------------------------------------------
Q21670:
龔sir, 你好我係股票新手,看了你的教學片一段時間,未睇你的教學前買入的股票都係跌得好多,一路唔敢放,但一直冇升返,甚至繼續跌,
剛睇完你最新的片提到劣質股票應該賣出,不知可否給我一點意見?
以下這些是劣質股嗎?請問我應繼續持有,等回升再放出,還是止蝕較合理?謝謝你寶貴的意見
以下是我持有的股票:持股量不多
00410 , 買入價$3.81
01382,買入價6.12
02007,買入價17.6
00005,買入價63.7
龔成老師︰
SOHO中國(0410)集團主要從事投資房地產開發、物業租賃和物業經營。
這企業過往生意增長力不強,同時無乜錢賺,如果扣除了投資物業重估因素,見佢有時出現虧損。投資價值不高,可考慮沽出。
互太紡織(1382)這股不差的。佢主要從事紡織產品之製造及貿易。
佢與主要品牌擁有人如Calvin Klein、Liz Claiborne、Maidenform、
馬莎、黛安芬、UNIQLO、VF Intimates及Victoria’s Secret。
以及中國著名品牌如安踏體育與愛慕已建立了緊密而長期的關係,令集團能夠獲得穩定之購買訂單。
佢成品包括超過5000款設計及規格,並暢銷世界各地,出品布料廣泛應用於各類紡織品,而成衣包括男裝、女裝、童裝、運動服、泳衣及內衣。
業務穩定,但增長力不高。這股可以作為收息股,但就唔好對股價有太大期望。
碧桂園(2007),業務都算不差,但負債高,風險略高。由於你現時只係小注,持有係可以,但唔好再加注。
匯控(0005)質素比過往減少左,但不是無質素,但你預佢只係收息,唔會有太高增長力。
------------------------------------------------
Q21671:
Dear 龔成老師!本人今年约50歲,巳有一物業约6百萬已冇按揭,收緊租金,及约有股票200萬左右,現金不多。
我仍和家人居住,但想找多点空間。現仍在職,每月收入约萬零蚊。如想退休,現在是否可行?
or 待多少年才可達到財務自由呢? many thanks
龔成老師︰
其實要睇你本身,對退休生活的要求。
由於你已有住居所,自住部份已經無問題。另外,你有一層收租樓,為你提供穏定現金流,可以支援退休生活上開支。
若你現時即時退休,你可以這200萬換成收息股,以6%股息率計,你每月就可以從這200萬收息股中,獲得1萬現金流。
如果這1萬,再加上你租金收入,係足夠支持你生活,基本上你已算是財務自由。
若你覺得未足夠,我地可以用這些股票,去繼續增值。我假設投資回報有10%(連股息再投資),10年後大約會增值至500萬。
同樣,我地將這500萬換成收息股,以6%股息率計,你每月就可以從這500萬收息股中,現在可以獲得2.5萬現金流。
如果你希望搬出自住,可能你需要收回放租單位,那你就要扣除收租部份收入,去計算你財務自由時間表。
你可以用以上方法,審視一下你退休方向,從而對投資計劃作出調整。
------------------------------------------------
Q21672:
龔Sir,你好! 我是你去年九月投資班的學生。 想請教,騰訊已在$600以下, 我已留意這隻股票一段時間,
我用你提供的價值網去分析, 安全邊際以去到合理, 股價的中位數是大約$580,低位是$540。問題是中央政府的政策長遠會否令到騰訊難以發展。
現在是否合適時候購入? 還是分段購入或者其他策略? 謝謝回覆!
龔成老師︰
近期不少中央政策,都反映大型企業,可能面對內地監管進一步收緊,因此風險度增加左。
不過,我相信長線對騰訊(0700)影響唔會太大。內地政府不是不想佢賺錢,只是想規管佢。
佢已建立好完整的賺錢模式,加上大數據資料支持,長線發展係正面。但由於現時監管多左,你預都可能影響少少賺錢能力。
現價算係合理區頂部,無貨可先小注,其長線持有。或者你想穏陣D,用月供去儲貨,都係可以。
------------------------------------------------
Q21673:
龔Sir 你好,我是股票班學生, 剛上完第二課, 獲益良多, 聽完你對銀娛比對澳博既地段的長遠發展後, 我有以下想請教:
我看過你三本80後投資, 當中談及買樓最重要是地段, 地段, 再地段, 而香港買樓, 地段大家都知道是港島, 九龍市區, 啟徳發展區之類, 價格亦非常高,
但我套用到銀娛的理論, 現時東涌樓會不會是有濳力升值的地段? 東涌或屯門值得投資樓市?還是都是以高尺價買回一般人所共知的市區樓? 例如以大概500-600萬的預算。謝謝老師
龔成老師:
東涌的確有很多地發展,但你都要明白,最核心的區域,很難有太大改變,中環是核心商業區,九龍是第二個核心商業區,當中的發展及配套十分成熟,要取代根本很難。
最多只是,日後明日大嶼的發展,政府表平將會是香港第三個核心商業區,如果這計劃落實,東涌及屯門,的確會受惠,但你都要明白,當發展商業地的概念,配套成熟可分重要,這比起旅遊因素更加重要,加上澳門本身好細(澳門整個地方,也不及香港島的大小),地域因素始終較少。
而香港,當從事商業活動,就要考慮更多因素,商業活動往來,以及考慮人們近工因素,客戶等因素。
另外,東涌的供應始終較多,因此在整體的投資價值上,只是中等。
------------------------------------------------
Q21674:
龔sir,你好~有些關於事業上的事想問下你的意見
是這樣的~
現職工作自從上級離職後,工作量變得十分繁忙,亦十分吃力。
工作上又要兼做上司的工作,又要做本身的工作。身體亦出現了壓力大的徵狀例如:心口痛,個人比較想休息,調理身體
你覺得係呢個經濟環境,祼辭會不會很不智?另,如果裸辭後在家,家人很難相處,與家人相處不來,會否覺得兩頭唔到岸?如果你係我,你會點選擇呢?
龔成老師:
最好當然是找到另一份工作,先決定辭職,這是較穩健的方法。
另外,你亦可以在這刻,同步發展副業,利用放工等時間,當見到副業有發展時,就辭職。
當然,如果你本身已儲左一定的資金,而你身體開始支持不到現時的工作,就可以考慮辭工,休息一段時間,尋找自己發展方向,再出發。
------------------------------------------------
Q21675:
Hello 老師你好,我一路有留意你既專頁 不過投資上仲係新手,想請教老師我黎緊既儲蓄同投資方向
我宜家30歲, 月入大約$23,000, 家用$5,500,
出年有機會買樓同結婚 未知會唔會生小朋友 不過買樓會由男友支付 結婚亦無須洗費 但想保留部分資金作日常及將來生活洗費
以下係現有股票既平均買入價, 另外有現金100萬, 希望將來可以有機會自己有能力買樓收租,
請問老師以下股票係咪可以繼續持有,同埋點樣既投資/儲蓄既策略,可以令我既資產有所增值(月供股票較好?),謝謝
已有股票:
0002 $74.1@500
00012 $33.6@1000
00388 $539@200
02388 $21.3@500
02800 $26.95@1500
03067 $19.82@100
09988 $259.56@200
龔成老師:
如果買樓等支出,都會由男友處理,你現時的資金,就可以集中在財富增值,雖然你打算日後買樓收租,但這動作不用急,第一,你資金不算多,第二,你男友方面會買樓,如果以你地作為一個整體去考慮,你地不用太急同時買兩層樓,可以買完第一層樓後,隔多5-8年才買第二層,會比較好。
因為能有效平衡經濟週期、樓市週期等風險。
因此,你這刻可以好好利用這段時間,去進行財富增值,現金$100萬都可以部分投資股票,提升財富增長率。
現時的股票,有質素的,你可以長期持有。
至於現在的$100萬,你暫時可動用$30萬,分注投資股票,餘下資金再等機會(如果不懂分注買入,或無信心,就月供)。同時,你可以將每月儲到的現金,例如$10000,月供股票。
平穩增長股:潛力股
7:3
(如果你投資實力較強,可增加潛力股比例)
平穩增長股:考慮盈富(2800)。
另外再加:銀娛(0027)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
潛力股:安碩恆生科技ETF(3067)
另外再加:阿里(9988)、騰訊(0700)、港交所(0388)、舜宇光學(2382)、小米(1810)、GX中國電車基金(2845)、中生製藥(1177),但就要明白波動性比上述會高左,同時風險大左,你要自己平衡。部分要等回少少先入。
現時大市波動,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q21676:
龔sir,感謝你的回覆。我屬於可以承受較高風險嘅類型,想計劃將每月儲蓄的$8000作以下 月供:
0066 ($3000)
2800 ($2000)
餘下$3000月供1830 或3067 又是否合適?
比亞迪近期回調咗好多,心思思想再入貨,而家$145係咪好時機?
等我8月出約滿酬金後,就會報讀你嘅基礎班課程呀,到時會唔會繼續有優惠價呢?
龔成老師︰
以你50歲計,用$3000去供安碩恒生科技(3067),都勉強可以。但你要明白,這類潛力股風險較高,當你越近退休之年,比重就要慢慢下調,去做平衡。
而必瘦站(1830)長遠有發展,本身有一定的質素。但本質上較波動,無貨可以接近$4時,開始小注,但月供就唔係咁建議。
比亞迪(1211)近期回左唔少,現價可以月供,但直接買的話,最好等到$120才開始。
另外,由於佢同3067一樣,都係潛力股。以你年紀,潛力股最多佔組合2成左右,就好了。
現時大市只在合理區,資金唔好盡用。最好留有部份,等大跌市出現時,可以用來掃貨。
至於股價班(基礎班),現時造緊優惠價$8800,相信今年都會有這優惠的,放心。
------------------------------------------------
Q21677:
你好龔成老師,本人30歲,每月收入大概$16000,現金流有20餘萬,每月儲$5000,手持30餘萬股票如下:
941中國移動:1500股@49.7
1211比亞迪:1000股@157.1
1343偉源:[email protected]
2318中國平安:1000股@85.5
6622兆科眼科:2000股14.7
我想問一下價格是否都不合理?
我想入手27銀娛,這樣組合是否適合我年齡?
持有以上或加持,想35歲能夠達成100萬的目標是否做到?感謝
龔成老師︰
你現時持股,大部份都係有質素,買入價太致都可以,你可長線持有,但要留意以下3隻。
中國移動(0941)有質素,但只係收息股,增長力唔會好高。而你係偏年青,應先做好增值部份,因此此股不要持有太多。
兆科眼科(6622)係一間眼科製藥公司,致力於療法的研究、開發及商業化。
由於未有盈利,風險度會較高,加上企業規模不大,因此投資值博率未算高。
當然,由於規模不算好大,若果企業之後成功,可以好勁,但失敗對股價都有很大影響,因此是有潛力,有風險類。
只可以話,這類股,唔建議大注。你現時小注投資下好了,不要加注,同時要明白當中的風險。
特別要留意的,就是偉源控股(1343)。這類股票要十分小心!過往股價曾經極高!
過往5年,生意都無特別增長,中期業績更生意下跌,並出現虧損。
這股在過往,一年盈利只有幾百萬坡元,一年盈利平均只有波幣$3000萬,佢增長力一般,從事建築工程等業務,這類股一向估值都不太高,市盈率可能只有8-10倍。
過往曾被推高至近市值$40億!超誇張的價!
加上這股上市年期不久,上市時市值細,這是無原因之下上升,與之前的問題類股玩法一樣,小心!
現時市值$1億、$2億,表面唔貴,但這類股,根本對小股東不利!投資價值當然不高!
銀娛(0027)是平穏增長股,適合你年紀,現價合理,可分注或月供儲貨。
我假設投資回報有10%(連股息再投資),你每月投資$5000 + 現有資產50萬(現金和持股),5年後大約會增值至110萬,故這樣安排相信很大機會達至你的財務目標。
但大前題係,你要做好月供,和好好整理好股票組合。質素差的,要換走。再加入一些合適又有增長力的優質股(以下股票,都適合你,可以參考下。),才會較大機會做到。
另外現時大市只在合理區,20萬現金唔洗急住入市,可以等大市有明顯回調,才出手,並長線持有。
如果你現時無太多投資經驗,潛力股這類風險較高的股票,你就不要持有過多,最多維持2-3成好了,甚至先集中係平穏增長股類。
------------------------------------------------
Q21678:
成哥,今次有一個腦袋急轉問題,我而家巴士司機工作十年了,如一日,好想離職,而家進修 英文程度小三,
以前唔讀書今年35歲了,股票投資美股,$60 萬。$20 萬現金。$10 萬比特幣,前路忘忘,求指點
龔成老師︰
當你覺得對現時生活不滿,落實行動去改變,係一件好事。
除了進修外,你可以再想清楚,你希望未來5年、10年、20年係過怎麼樣的生活。如果你想過這種生活,具體你要點做,才去有效率地重點做好準備。
其實你可以嘗試做小生意,一開始不要投入太多資金,慢慢成功先加大投入。
投資方面,以你35歲,投資應以增值為主。美股都有不少優質股票,你可以睇翻佢地質素,同增值潛力,去決定是否持有。
而20萬現金,你可以先儲起,等大跌市時,才出手入平貨。
至於虛擬貨幣,我不是這方面的專家,所以我太大意見。
以本質來說,這是人為創造出來的,絕對不是「資產」,有沒有真正的價值,如何定義真正的價值,未知。
這些人為創造的貨幣,因為關注度由很少變得大,價格會大升,但這背後是否有真正的支持,我不知道。只能說,投資這些貨幣,投機味好重,可能大賺,亦可能蝕到一文不值,因為,當中有沒有價格,我不知道。
但這不代表佢無價值,佢可能好勁,只是我自己不知佢好勁定好差。
佢長遠的價值,取決於「有多少人用」,即是說,雖然無真實價值,但可以有「交易價值」,如果長遠好多人用,的確可能有高價值。
因此,這些虛擬貨幣,由於我無法作出專業分析,所以,我不會投資。
但如果你分析到佢長遠的交易大,大家都持續關注,就有價值,就值得你投資。
------------------------------------------------
Q21679:
老師,我係學生黎,因為最近我做緊一份功課,係關於小米股票,我唔係咁明點計算佢地流動比率,速動比率. 感謝老師
龔成老師︰
流動比率 = 流動資產 / 流動負債
流動比率︰主要用於分析短期償債能力的高低
速動比率 = 流動資產(但要扣除埋"存貨"部份) / 流動負債,
速動比率︰是比流動比率更嚴謹的要求,主要用於分析企業持有可用作償債的高流動性資產。
這些數字,你可以在年報中找到。你唔肯定自己計算指標是否正確,可以到一些財經網站(例如中銀網),可以找到這些指標,來比對自己計算結果。
------------------------------------------------
Q21680:
老師,我每月七除八扣只可儲到$3000,目前成副身家得廿幾萬,持股狀況如下:
003。 32%
066。 21%
1810。 8%
3067。 5%
可用現金60000。 34%
應該如何好好分配同調整以上資金比例呢?
龔成老師︰
首先,任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於30%,而單一企業不要高過15%。
(而這個%,是建基於股票組合上,並不是整個財富組合上,例如持有股票值$100萬,單一股票最多$15萬)。
你現時持股都有質素,適合年青至中年人士。但你個別股票,好似煤氣(0003)、港鐵(0066)都佔比過重,令風險過高。
你可以沽出部份,換至其他優質股。或者透過新資金,去慢慢平衡翻個比重,都可以。
現時大市只在合理區,餘下現金我地就等機會,有大跌市,才出手入貨。
另外,你要努力審視翻個開支,有無地方可以改善。盡力空出更多資金,去提升財富增長力。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有5部Youtube影片,追蹤數超過80萬的網紅果籽,也在其Youtube影片中提到,東涌小漁村成結界 被塵封30年終逃過填海 村民:喺度生就喺度死 東涌有個被塵封的小漁村──馬灣涌村,有近200年歷史,人稱香港小大澳。在四周高樓大廈的映襯下,這個小村顯得格外寧靜。由東涌逸東邨步行過去只需5分鐘,就能走入結界,窺探這個小村的生活。 在馬灣涌村長大的阿威,爸爸本是農民,後來經營村內...
「東涌去大澳的士收費」的推薦目錄:
- 關於東涌去大澳的士收費 在 龔成 Facebook 的最佳貼文
- 關於東涌去大澳的士收費 在 一一。細說愛生活 YatYat Family Life Facebook 的最讚貼文
- 關於東涌去大澳的士收費 在 貓町媽媽 親子 玩樂 扮靚日誌 Facebook 的最讚貼文
- 關於東涌去大澳的士收費 在 果籽 Youtube 的最讚貼文
- 關於東涌去大澳的士收費 在 Willy Lee Youtube 的最佳貼文
- 關於東涌去大澳的士收費 在 Handline Fishing Youtube 的最佳解答
- 關於東涌去大澳的士收費 在 梅窩去大澳的士幾錢 :: 國光客運公車時刻表查詢網 的評價
- 關於東涌去大澳的士收費 在 預訂船票,在碼頭須出示電子憑證 - Facebook 的評價
- 關於東涌去大澳的士收費 在 預訂船票,在碼頭須出示電子憑證 - Facebook 的評價
- 關於東涌去大澳的士收費 在 【香港本土遊】坐香港水上的士去大澳2022 | 中環直航大澳新航線 的評價
東涌去大澳的士收費 在 一一。細說愛生活 YatYat Family Life Facebook 的最讚貼文
如果覺得露營過夜太大負擔,來個Day Camp又如何?
老實講,露營比Staycation帶的物品還要多,加上我只是野餐初哥,離露營還有點距離,不如試下約埋朋友去Day Camp感受一下?
呢日我哋同 貓町媽媽 親子 玩樂 扮靚日誌 一齊岀發去位於大嶼山的 #浪人舍,一共有5個營,去完之後我覺得營地不錯,最多可以10個朋友share一個營:
⛺️帳篷蓬樓底高,乾淨企理
每個營都有獨立洗手間同淋浴間 #有熱水
💨營內有小型冷氣機、大風扇及小型雪櫃
#冷風很足夠 #雪櫃有雪格沒有冰格
💦營外有獨立洗手盤
🍳有電磁爐及煮食煲
🍖有獨立燒烤爐
☀️提供野餐墊、可以帶毛小孩🐶🐶
我們先入東涌買燒烤食物和用品,超市有些已醃好的食材及燒烤用品,記得買塊大燒烤網🛒,然後岀發去大嶼山塘福泳灘旁的浪人舍。
浪人舍其中一個岀名的地方是秘境沙灘🏖️,好處是人跡罕至,我們可以包場,但缺點是沒有防鯊網🦈,要特別注意安全。而且營地位處禁區範圍,只能坐巴士或搭專用的士到達,但大家應該都寧願辛苦一點,可以去到一些較少人的地方,香港人真係好怕迫🙈
我們放好行李就換衫,帶上全副海灘裝備(玩沙玩具+浮床)就岀發了,步行5分鐘到秘境沙灘,之前連續落了幾日雨,水不算十分清,但沙十分幼細,而且沒有垃圾!#可惜忘了拍沙 可以盡情地享受私人沙灘
#旁邊就是政府泳灘🤣
玩完之後回營內的私人洗手間沖身,也順道洗一洗衣物,見大家玩完水玩到肚餓,當然把握時間BBQ 🍖
一一從未用過傳統式的燒烤叉,正好趁機會試試💖
#燒烤網最大作用是短時間內燒熟一大堆美食醫肚,必定要有😆
食飽選擇坐的士回東涌,兩個小朋友放盡電,回家立即倒頭大睡🤣過了一個很盡慶的野外體驗🌴
後記:營地有吊床、木鞦韆,外面不時有🐮牛牛巡邏小隊和大大pat的牛💩,對小朋友來說都很新奇
#一一不停問點解啲牛周圍poopoo😂
詳文分享營地環境、去玩須知👉🏻
https://mamibuy.com.hk/talk/article/101547
⛱浪人舍 Ochill
📍大嶼山塘福泳灘旁 #梅窩與大澳中間
📞Whatsapp查詢54814374
收費方面平日至假日 $250-350/小時, 10個人一個營、平日租8小時人均最平都係$200
場地為一一媽媽的朋友提供 #9折優惠
不限時段、人數、優惠永不過期‼️
🚌東涌巿中心巴士總站內11號及23號巴士往大澳(25分鐘到達,塘福村落)
🚌星期六/日及公眾假期可坐11A號巴士往石壁
2分鐘到達目的營地
*如需於富東廣場買食物,亦可於富東廣場站上車*
🚌梅窩2號或4號巴士直到塘福村總站
2分鐘到達目的營地
🚙大嶼山的士電話📞90887771、60232738
#親子好去處 #日營 #野外露營 #獨立洗手間 #私人沙灘 #燒烤BBQ #玩沙灘 #朋友PartyTime
東涌去大澳的士收費 在 貓町媽媽 親子 玩樂 扮靚日誌 Facebook 的最讚貼文
🌈#giveaway #送浪人舍全日玩帳幕一個⛺️🌈
#讀者九折優惠
#獨佔沙灘 #騎獨角獸願望成真 #日營初體驗
🎞火子爸努力剪片中,等等我😉
一直好想去camping, 想chill住咁親親大自然🌿
之前去左大家都好好奇既新場 浪人舍 Ochill
佢哋提供 #日營,啱晒想體驗camping既朋友。
浪人舍位於大嶼山,佔地不算大,但環境好舒服💚
進入營地前還遇上牛牛呢🐮
今次日營體驗完成了我兩個小小的願望✨
✅一直想去camping,終於試到啦⛺️
✅想用超浮誇既浮床同水泡🦄😜
由浪人舍行5分鐘就有隱世沙灘,我哋好似包左個沙灘咁⛱,想點玩點影都得啦!
🏕營地
被彩色帳幕圍繞,超好打卡📸
場內有吊床(小火子超愛玩),梳化,搖搖椅,感覺優閒,面積不算很大,但可以容易掌握小孩去向,媽媽覺得不錯。
⛺️帳篷
提供 #獨立帳篷,我們今次使用既係小火子最愛既紅色帳篷❤️ 帳篷設計帶點 #印第安風情,很可愛。帳篷內有 #座地式空調,#雪櫃,#獨立洗手間,有 #花灑,可以用暖水沖身。至於具印第安風既 #圓形床 除左打卡一流外,兩個小朋友仲跳得好開心😆
⛱沙灘
玩水打卡是今次的 #重點項目💦
浮床與水泡都是 #自備 的,用 #電泵 充好氣後就衝沙灘囉😎(上述物品都購自玩具街)
我們到訪那天天陰,如果天氣好沙灘應該會更美。
可能天氣關係,水不算很清但沙就很幼。
🦄獨角獸浮床真的超好拍!
但在海中就容易因為大浪而會反,充當道具吧😜
但近岸都很淺水,很安全的。
來輯沙灘照,小孩盡情玩沙玩水就消磨了一個下午。
🥓營地bbq
營地提供燒烤爐,如果想燒烤就要 #自備食物與工具,我們先於 #東薈城Taste 購買食物所需物品,那間Taste超大,物品頗一應俱全,但如果想食物有咁多選擇,可以考慮去富東街市。
建議一定要買 #燒烤網,基本上食物都是放上燒烤網快烤,輪流負責烹調食物,就可以遠離火爐,邊歎食物邊談天,chill啊🥰
如果不燒烤的話,帶備飯團,每人帶一些食物,在營地野餐也不錯!
⚠️Camping注意事項(以今次體驗為主)
首次camping的人的 #不專業分享😜
✨戶外地方比較多蚊,一定要有蚊怕水;
✨食物及玩水用品需要自備,我帶了細行李箱,朋友帶了野餐車,多人一齊玩負責帶不同物資比較輕鬆。
✨帶備充足飲品,營地對面也有士多,但我早一晚先把飲品雪成冰,消暑一流!
Camping初體驗,海水加汗水💦
玩完一日的確要休息返三日😂
但可以同家人朋友喺咁靚嘅環境,
享受輕鬆嘅時光,老土講句回憶無價❤️
⛱⛱⛱⛱⛱⛱
⛺️浪人舍
📍地點: 大嶼山塘福泳灘旁(位於梅窩與大澳 中間)📲WhatsApp查詢: 54814374
⚠️如何前往:
🚇地鐵東涌站B出口
🚌東涌巿中心巴士總站內11號及23號巴士往大澳(25分鐘到達 - 塘福村落)
🚞星期六/日及公眾假期可坐11A號巴士往石壁-2分鐘到達目的營地
🔸如需於富東廣場買食物,亦可於富東廣場站上車🚌梅窩2號或4號巴士直到總站
🔸塘福村總站2分鐘到達目的營地
☎️大嶼山的士電話:90887771/ 60232738
🚕的士: 由東涌站至浪人舍約$120 (4人座的混能的士車尾箱可放置更多物件)
💰收費:
大嶼山平日至假日 $250-350/小時 for 10個人一個營、平日租8小時人均最平都係$200
🥳🥳🥳🥳🥳🥳
❤️讀者福利:
🔸貓町媽媽讀者預訂浪人舍營舍有 9折優惠
🌈讀者9折優惠
不限人數,不限時段,沒有限期
🌈Giveaway:
送出一個「全日玩8小時免費名額一個」一個帳篷可供10人使用,任何日子可選
想得到呢份禮物,做齊以下步驟就有機會啦!
1⃣讚好 貓町媽媽親子玩樂扮靚日誌 及 浪人舍Facebook專頁;
2⃣讚好及分享此post,並設定為公開🌎;
3⃣ Like最近期的5個post;
4⃣留言想同邊個去浪人舍並tag 3位朋友。
🎁遊戲截止日期:
2021年7月19日23:59 ;結果將於3日內公佈。
📣得奬通知
得獎者請自行PM聯絡貓町媽媽親子玩樂扮靚日誌,將會通知得獎者領獎方法。
📍條款及細則
1️⃣暫時只接受香港參加者;
2️⃣於專頁活躍度較高的參加者會較大機會比選出;
3️⃣如有任何爭議,本Facebook專頁將保留最終決定權及一切權利。
#giveaway #送禮 #回饋讀者 #禮物 #浪人舍 #Ochill #chill返日 #森呼吸一日小旅行 旅行 #山林饗宴 #大嶼山好去處 #香港好去處 #燒烤樂園 #寵物友善 #親子友善 #家庭渡假 #朋友聚會 #日間派對 #黃昏派對 #香港打卡#beach #hongkong #travel #bbq #lantauisland #kidsfriendly #petsfriendly
東涌去大澳的士收費 在 果籽 Youtube 的最讚貼文
東涌小漁村成結界 被塵封30年終逃過填海 村民:喺度生就喺度死
東涌有個被塵封的小漁村──馬灣涌村,有近200年歷史,人稱香港小大澳。在四周高樓大廈的映襯下,這個小村顯得格外寧靜。由東涌逸東邨步行過去只需5分鐘,就能走入結界,窺探這個小村的生活。
在馬灣涌村長大的阿威,爸爸本是農民,後來經營村內開業48年的東昇樓海鮮酒家,然後由他接手至今。阿威見證這條村由風光到冷清的歲月,他說:「這裏以前有個露天戲院做樣板戲;也有士多收費看電視,那時最愛看超人;更有理髮店、商店等,現在大家都去商場了。」
村內的老商店都十室九空,仍有營業的只有寥寥數間,其他的新店舖都是由後來搬進來的租客經營。同樣是馬灣涌村舊居民華仔嫂,一直在這裏經營冰室,這裏的餐牌很隨意,開口問有沒有就是了。阿威說:「你要吃公仔麵,她立刻拆開來煮,你點熱奶茶,她就即時沖給你喝。」華仔嫂表示這間冰室至少有70年歷史,以前大家都在冰室樓上住的。當問她為甚麼不搬走,還留在這裏,她說:「在這裏生,就在這裏死。」
果籽 :http://as.appledaily.com
籽想旅行:http://travelseed.hk
健康蘋台: http://applehealth.com.hk
動物蘋台: http://applepetform.com
相關影片:
【假如沒有天價租】「福食」三老 唔靠綜援靠自己 (果籽 Apple Daily) (https://youtu.be/aUE2oQIDoV0)
【尋找以色列 - 足本版】日日炮彈聲送飯 港夫婦耶路撒冷開麵店女兒當兵「呢度係全世界最安全地方!」 (果籽 Apple Daily) (https://youtu.be/cyfMJ1OOPKY)
【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
【癌妻疑腫瘤增大再入院】林子博心力交瘁 感激汪阿姐報紙包錢相贈渡難關(壹週刊 Next)(https://youtu.be/gk83T58fTIs)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) https://youtu.be/7CUTg7LXQ4M)
【街市尋寶】慈雲山街市 二百幾萬機器鮮製$24午餐肉 肉彈味濃無添加日賣500份 (飲食男女 Apple Daily) (https://youtu.be/rTrYPzECHI0)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
【頭條動新聞】孕婦被拉跌 社會關注度不及細So與美斯《頭條動新聞》Ep.6 (蘋果日報 Apple Daily) (https://youtu.be/4MaqWS-XFEc)
#果籽 #小漁村成結界 #被塵封30年 #StayHome #WithMe #跟我一樣 #宅在家
東涌去大澳的士收費 在 Willy Lee Youtube 的最佳貼文
先去汲水門大橋底, 再上花坪石, 去花瓶頂, 最後去大陰頂睇日落?!!
路線: 青馬收費廣場 ➡ 大轉 ➡ 二轉 ➡ 三轉 ➡ 草灣 ➡ 花瓶石 ➡ 花瓶頂 ➡ 大陰頂 ➡ 欣澳
需時:3小時
長度:8公里
難度:★★★☆☆
風景:★★★★☆
交通(去程):來往東涌或機場的A線或E線巴士,於青馬收費廣場下車
交通(回程):於欣澳港鐵站離開
✩ Camera - Canon G7x, DJI Mavic Air
✩ Video Edit - Final Cut Pro X
Willy Lee
Instagram: https://www.instagram.com/willytylee
Facebook: https://www.facebook.com/willytylee
Website: http://www.willytylee.com
Email: willytylee@gmail.com
Leave comments and I will reply.
#香港 #風景 #户外 #打卡 #航怕 #郊遊 #遠足 #登山 #山系 #行山 #行山路線 #行山推介 #香港好去處 #行山好去處 #香港行山 #香港行山好去處
東涌去大澳的士收費 在 Handline Fishing Youtube 的最佳解答
全片紙皮一片紅『香港釣魚 : 艇釣』青龍頭 {粵語旁白+中英文字幕}
All False Kelpfish [Hong Kong HK Fishing : BoatGame] Tsing Lung Tao {Voice Over + CC}
時間:8:30 - 17:00
流水:初六
天氣:17 - 24度。東風4至5級。部分時間有陽光。晚上沿岸有薄霧。
地點:青馬
魚餌:沙蝦14兩、死蝦1斤、大眼仔1.5斤
工具:魚絲YGK FluoroCarbon 碳氟化合物3、4、6、8號,波子40g、子彈鉛65-80g,海馬鉤2號
釣法:手絲,大眼仔鉤頭
:影片字幕內容:
我哋趁住仲係石狗公季節
啲石狗公比較大條
我哋去埋今次釣石狗公
就差唔多釣曬喇
大家好我係Marco
歡迎來到手絲釣魚頻道
各位觀眾
記住你睇緊我釣魚嘅同時
畀返個LIKE我呢條影片喎
手絲釣魚
影片分享頻道
今日初六流,天氣溫暖
今日去釣魚嘅話
啲魚應該會好開口
以今日流水嚟講
釣汲水門大橋嗰邊
就應該釣唔到啦
青馬橋嘅橋底更加冇可能
今日我就用副YGK 4號魚絲
一開二兩門
3號奶腳,釣30 GRAM 波子鉛
今日我就準備咗沙蝦14兩
1斤嘅死蝦肉
同埋1.5斤嘅大眼仔
今次嘅沙蝦我就養過夜
我係用乾身
唔用水嘅方法呢養
我只係用兩塊濕布
下面之後有兩嚿冰種
記住啲冰種千祈唔好掂到啲蝦
或者裝蝦嘅容器喎
你睇我啲蝦過夜之後都幾生猛
到臨釣魚嗰刻都係發現佢只係死咗幾隻
今日我哋都準備咗大眼仔
我哋一早就走咗去楊屋道街市買
最早七點鐘就有貨到
我哋諗住買大眼仔嚟搏下有冇放魚釣
鱸魚就應該唔洗諗啦
都晏啲嘅時候
脫肉用嚟釣鰔都可以
今日Uncle連起兩條沙鯭
佢係用青蟲呢釣佢哋
我哋其實朝頭早都釣過大餌
試過去收費亭嗰邊
完全冇魚咬
用蝦肉就反而釣到啲細魚仔
今日除咗我、阿立、同埋UNCLE 嚟之外
仲有Warman 教練
我同阿Warman 教練已經釣過幾次魚
每次呀教練都釣到條斤頭魚返嚟
唔知今次呀教練釣條咩魚呢
要攞撈箕喎
不過呢條魚就唔似咁大條啦
呢個月份,青龍頭嘅釣況都係麻麻
係釣下石狗呀、鰔、瓜衫呀為主
間唔中有一兩個位都有啲雞魚釣下
如果你想嘅過嚟呢邊釣魚
都係預多啲細餌好啲
即係青蟲同埋南極蝦
我發覺沙蝦喱一排都唔好得食
你可以參考下我嘅分享
反正都係釣石狗公
唔知大家有冇留意到我已經轉咗個釣組
我用咗粒60 gram嘅子彈鉛壓底
在喺粒鉛上面一開二兩門
咁釣石狗公嘅時候就唔會咁易鉤石啦
用粒大啲子彈鉛
可以令到佢更加快落到底,可以釣到兩條魚
其實你每一次落艇釣
留意下個艇家用咩釣組
你就會學得到
究竟嗰類魚用咩釣組會釣得更加多,更加易
因為個艇家唔會主動教你究竟用咩釣組
要你不斷偷師
不斷學習就會學識點樣釣魚㗎喇
佢哋喺海嘅時間一定多過我哋
所以用嘅釣組一定係最精準
唔知你又同唔同意我講法呢
我哋臨收工之前
都會搵返水嗎釣返青馬橋嗰邊
睇下有冇啲大石狗釣下
反正下晝已經收咗風
有冇好似上晝咁大流
過去釣返一個鐘頭到就走喇
如果閣下想搵到我
或者其他網友嘅話呢
你可以去Facebook 度嘅手絲釣魚交流群
或者去Instagram follow我都可以
我亦歡迎大家喺下面留言
遲下,我希望可以安排更加多既網友一齊去釣魚
大家交流下釣魚心得
今次嘅釣魚分享我就分享到嚟呢一度
如果大家都仲未訂閱我頻道嘅話
記住訂閱返個頻道喎
開埋右手邊嘅啷啷
下次有新出嘅時候就會即時通知你啦
請按以下鏈結來訂閱此頻道
https://www.youtube.com/channel/UCO_5XP-qd-udNxBlzzSzgvw?sub_confirmation=1
建議下一部影片:
釣沙巴∙∙∙等『香港釣魚 : 艇釣』青龍頭 {粵語旁白+中英文字幕}
影片連結: https://youtu.be/gSGFRn3rNDo
你或許感興趣的其他影片:
⚓ 大角咀之大佬-江哥,阿神與馬友的初次接觸 青馬 - https://youtu.be/nGLqp3pD3_M
⚓ 大角咀另一位三寶,我與三大掌門高手,華山論劍 青馬 - https://youtu.be/mdIFvy5NlV4
⚓ 大角咀三寶之一,我哋齊齊去通佢∙∙∙秘位 港珠澳人工島 - https://youtu.be/3XCRbIW3qYI
⚓ 釣沙巴∙∙∙等『香港釣魚 : 艇釣』青龍頭 - https://youtu.be/gSGFRn3rNDo
⚓ 由Peter師兄親自教授用瀨尿蝦、三點蟹釣針墨 -https://youtu.be/uKTULrEyT-E
⚓ 初嘗橋墩釣老泥的滋味 東涌橋墩 - https://youtu.be/vCK35T-vArE
⚓ 夜水大戰港內大怪獸盲鰽+魔鬼魚 港內 - https://youtu.be/6rp3kBKB2IY
⚓ 爆釣港內鈍釣法釣黃腳鱲 維港 - https://youtu.be/gyrMS7paHQs
⚓ 朋友號第四屆 - 石狗公盃2020 高手雲集,戰況激烈 青龍頭 - https://youtu.be/WXkEFy_9trk
⚓ 夜水爆釣黃腳鱲 港內 - https://youtu.be/GDqB7mlJUQM
⚓ 爆釣烏頭 城西道巴士總站 - https://youtu.be/HmQdzc1vn04
⚓ 打石湖手絲釣大紅鮪 青馬橋/青龍頭 - https://youtu.be/J8OUNVPL0Uk
請繼續收看手絲釣魚:
::最新釣魚影片::
https://www.youtube.com/watch?v=86XUnbwt4YA&list=PLGiZ1ROtXQKExNJZVgre1uHJ7Egp7Pt7w
::人氣最高影片::
https://www.youtube.com/watch?v=S2zjubu0RoA&list=PLGiZ1ROtXQKERHSavbId7nu3x6P3beIna
::教學/分享::
https://www.youtube.com/watch?v=uKTULrEyT-E&list=PLGiZ1ROtXQKGfs0mbYx-liAEWl2mzOkb7
::船釣/艇釣::
https://www.youtube.com/watch?v=xPAs7oqs9SA&list=PLGiZ1ROtXQKEfkfSX9MrBxizaon-6PO8r
::岸釣::
https://www.youtube.com/watch?v=Sq_GqD58vN4&list=PLGiZ1ROtXQKH6TKzdiwPcRHFfvz2twTMM
::港水/日水/艇釣::
https://www.youtube.com/watch?v=Bb8qOp8db6g&list=PLGiZ1ROtXQKFRZsNEYgxWATB_c0INAMD3
::港水/夜水/艇釣::
https://www.youtube.com/watch?v=8oerq2R2HEA&list=PLGiZ1ROtXQKHqeeXVPSM-haFosg086CMV
::港水/日水/岸釣::
https://www.youtube.com/watch?v=uuWZPLRih4E&list=PLGiZ1ROtXQKHET2CpMVeszpsDX2m3daHB
::港水/夜水/岸釣::
https://www.youtube.com/watch?v=qtQvPjFYaQ4&list=PLGiZ1ROtXQKHOn4i4AtU0LqFmSAylTv_V
::最新烹飪影片::
https://www.youtube.com/watch?v=mrRzq68nVRo&list=PLGiZ1ROtXQKE6xSW8gEzznGnjR80d24ZF
::烹飪/湯水::
https://www.youtube.com/watch?v=G9a9_FWnayg&list=PLGiZ1ROtXQKGNTj43A2TmhUgRerY6u51O
::烹飪/蒸魚::
https://www.youtube.com/watch?v=qrthSSC64tg&list=PLGiZ1ROtXQKGV4S2hw-x0Olh2YYeARvLB
:所有烹飪影片::
https://www.youtube.com/watch?v=mrRzq68nVRo&list=PLGiZ1ROtXQKGR-ZLWtnIZLovTGjKXB2Cj
::觀賞魚::
https://www.youtube.com/watch?v=532IGTEYZIc&list=PLGiZ1ROtXQKEu4-7Sie9InJijA7EibCgO
::分享::
https://www.youtube.com/watch?v=NqT_BGO-aOk&list=PLGiZ1ROtXQKHNapvvF4I6TmTT2-U3WEtp
::年度回顧::
https://www.youtube.com/watch?v=8MLVEwrvJWs&list=PLGiZ1ROtXQKGaM7ciTpzbi-ZPnRfViGm1
::『Handline Fishing 手絲釣魚』所有影片::
https://www.youtube.com/watch?v=S2zjubu0RoA&list=PLGiZ1ROtXQKE5EikSUQx7Ngrj3aKQJnch
==================================================================
背景音樂名稱 : Woho, I Thought It Be Me & You (ft. Lily Hain) - Leonell Cassio
來源 : YouTube Audio Library
拍攝器材 : GoPro Hero 7 Black (with HyperSmooth Enabled)
解像度 : 1920 x 1080 60fps
剪輯軟件 : Corel VideoStudio 2018
本片以全高清拍攝,務求能捕捉每一個最好的畫面來送給所有訂閱者
==================================================================
YouTube Channel 頻道: https://bit.ly/2W1Y8bG
YouTube Channel Subscribe Here 訂閱頻道按此: https://bit.ly/2Cva0LT
Facebook Page 手絲釣魚 專頁: https://bit.ly/2VbU4IS
Facebook 手絲釣魚交流群: https://www.facebook.com/groups/616740025403230/
Instagram 官方賬戶: https://www.instagram.com/handlinefishing_hk/
標籤 Tag :
香港釣魚 ╱ 釣魚 ╱ 艇釣 ╱ 手絲釣魚 ╱ 香港船釣 ╱ 香港艇釣 ╱ 釣魚影片
釣魚新手 ╱ 香港釣魚 艇釣 ╱ 船釣影片 ╱
YGK 魚絲 ╱ 香港釣魚 岸釣
Hong Kong Fishing ╱ Fishing ╱ Boatgame Fishing ╱ HK Fishing ╱ Fishing Vlog ╱
handline fishing ╱ hong kong boat game fishing ╱ fishing in hong kong ╱ hong kong ╱ fishing 2020 ╱ fishing video ╱ boat game ╱ how to catch fishes
釣り ╱ ボート釣り ╱ 船釣り ╱ 魚釣り ╱ 釣りVlog
#Fishing #釣魚 #り釣 #手絲釣魚 #HandlineFishing #香港釣魚 #香港釣魚2020
東涌去大澳的士收費 在 預訂船票,在碼頭須出示電子憑證 - Facebook 的推薦與評價
香港水上的士「中環<-> 大澳」航線開辦消息富裕小輪旗下香港水上的士,由2022年5月29日起 ... 東涌線加11來回$88.4,單程時間31+52。 ... 收費都幾貴下,果然係富裕. ... <看更多>
東涌去大澳的士收費 在 預訂船票,在碼頭須出示電子憑證 - Facebook 的推薦與評價
香港水上的士「中環<-> 大澳」航線開辦消息富裕小輪旗下香港水上的士,由2022年5月29日起 ... 東涌線加11來回$88.4,單程時間31+52。 ... 收費都幾貴下,果然係富裕. ... <看更多>
東涌去大澳的士收費 在 梅窩去大澳的士幾錢 :: 國光客運公車時刻表查詢網 的推薦與評價
國光客運公車時刻表查詢網,梅窩去大澳幾耐,大澳去梅窩,梅窩去大澳船,東涌去大澳交通,東涌去梅窩的士幾錢,坐船去大澳,東涌去梅窩的士收費,中環至大澳船期表. ... <看更多>