［尋晚Kelly 鬧得我好啱］拔絲香蕉（＊）啲朋友，拔絲K唇
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，已成失業人士。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝
1. 其實應該裸跑，唔好叫任劍揮（畀人話歧視），叫露kation，買樓記得留意三樣嘢。露cation，露cation，露cation。
2. 真係辛苦晒，雖然我由頭到尾都唔係好明做乜九巴要賣廣告。係咪賣咗會多啲人坐？可能為形象，但係咪形象好啲多啲人坐？兩電有冇賣廣告（好似都有），但地鐵都賣好多廣告。仲有煤氣都賣廣告，「條女宣佈 煮嘢時侯到」（年代久遠，可能記錯歌詞），幾好聽的。
3. 又，吾友對Stay-cation呢個字相當反感，認為港女得不能再港。咁固然呢隻字唔係香港發明，但不改佢嘅港味。
4. 又，遊巴士河嘅嘢，我都有做過。嗰時讀港大，有一期成日坐103（蒲飛路嘛），真係咪講笑，官方時間話一程80分鐘，但我話你知計埋塞車一定唔止。我有個同學坐巴士生咗個仔，返到港大個仔都可以擺滿月。至於惡名昭彰嘅51，53同 64K我都常坐（兩架都至少坐過十次）。我諗我係一個巴膠。
5. 仲有，中學時我仲做過一樣嘢，「其實覺得冇乜嘢不過又可能畀人公審」。話說我中六七住天水圍，但中學在屯門。咁呢，天水圍在第4區，屯門在第2區。日日返學嘅學生當然係買月票。而當然係有234區嘅「中央通」買的（中一至中五我仲住屯門時就買123區「屯門通」）。之但係，唔知係我有錢，定我老母富貴，定因為我要周圍幫人補習（唔係哪有錢溝女），當時我係好型咁買12345嘅「全線通」。然後就威咯，當其時我就有舖癮，叫做「坐輕鐵溫書」。唔好玩啦，自修室呀，屋企呀，都係溫唔到書的。咁我坐個單丁位咪得。最爆係乜？最爆係我一坐就兩三粒鐘（所以先要講全線通月票），元朗坐到屯門碼頭，唔落車然後又返返去元朗咁。「咁其實係霸住個位嘅」「所以都驚畀人公審」「但月票梗係咁用」。不過幾奇怪當年居然坐個單丁位都溫到書，應該因為當年我仲係好瘦（好似140磅，唔好忘記我六尺一喎）
6. 又，呢壇嘢好似上個月已搞，今日又見好多媒體報，辛苦晒。可能之前曝光唔夠？「可以諗下搵我賣廣告」「其實唔貴」，「不過好多job 我都turn down」（＊＊）
（＊）果然100歲唔死都有嘢學，我剛剛先知道拔絲香蕉係魯菜！我以為係乜？一路以為係京菜！「不過有人話根本京菜就係魯菜嘅subset」．詳情可睇黃麗梅嘅「中國八大名菜」—而我唔明點解有一輯叫「中國八大名菜之食盡東南亞」，件事好似「香港十隻白虎露毛照」一樣咁paradox
（＊＊）唔係扮清高或懶巴閉，但係事實。咁當然係為錢，人人有個價，但，你又唔係畀幾球嘢我。
＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折
＝＝＝＝＝＝＝＝＝＝＝＝＝＝
香港發明 在 香港發明。揚威海外 - YouTube 的推薦與評價
香港發明 。揚威海外# 香港發明 #梁振英. ... <看更多>