米媽的小小招牌週遊記💕
話說原來申請一些牌照是需要有公司，有辦公室，合規格有儲倉，圖則，甚至要有招牌。
米媽曾經諗過，點解人地賣果啲唔駛既。啲網店點會有咁多野。而家先知道原來唔係唔駛而係個投資太大，大家都未必會做。米媽有同米爸商量過，為左米媽以後可能或者有機會會賣既食材湯包，前期要置辦咁多野，根本無可能。米媽亦唔想產品價錢離地，大家買唔到，但又唔想無牌照地賣，米媽做唔出。
米爸最後一句話，你搞網店係為左有個地方去介紹你最中意既野，賺蝕其次。要做既就做到最好，對黎買既人我地要負責任，特別食落肚既。即使個手續個程序好困難，成本高都唔應該唔做。 所以，為左間小小無野賣住既網店，米爸及家人全力支持米媽去追逐自己既堅持同夢想。 米老爺俾米媽免租用office 🥰🥰
他日有機會或者有錢交租。😂😊💕
做咁多野只係為左一間網上既小小網店。🥰
米家叫米媽唔駛擔心辦公室，即管用，有咩即管講，會配合。想賣咩就賣咩，最緊要有信譽，按規矩去做生意。 米媽好開心，因為擁有一個架步唔易，而唔需要擔心個租金而勉強自己去賣野。只為興趣只為夢想仲想以後有機會賺到少少用黎幫人🥰 （發緊夢🤣）所以牌照申請都係米媽加埋朋友幫手一手一腳搞。😊
好喇，要添置招牌喇，米媽格左好多間價，唯一一間平啲，但要自取，送貨好貴，而米媽呢個路癡睇錯地圖以為好近，係落雨天，由山頂行落山兜左牛頭角一圈終於搵到，拎住個招牌，落雨點點，又無帶遮，再拎住個招牌行勻成個觀塘返公司。 雖然有啲辛苦，但內心好雀躍好開心。係第一個屬於自己既招牌呀。
拎返公司拆開後，自己同自己影張相，再癡上去。🥰🥰
米媽一直既座右銘，本著良心去做，就算賺錢，都係本著君子之財，取之有道。💪🏻
爸爸👨🏻，你在彩虹🌈上有看到女女有努力地過生活嗎， 我無因為自己環境好左而好食懶飛，無因為夫家有錢而懶懶閒做少奶奶，無因為有工人姐姐而雙手不沾。我仍然係果個同你一樣好勤力好熱愛生活好熱愛分享，想盡力地去幫人去做自己想做既事。 爸爸， 你會在雨雲上微微一笑為我撐起雨傘嗎。
米家，多謝你地無條件做我既後盾。要有幾愛先會無條件支持。 係米媽既福氣。
你地成日會話，究竟我做到幾多。 其實我唔知自己做到幾多，我淨係知道，米媽除左家庭，同幫人，分享，做自己想做既野，真係無娛樂的。因為我娛樂唔起，奢侈唔起，每日都在努力過。手機連睇一下劇既時間都無。 因為，我真係好努力。為家人為仔女無悔，為自己想做既野無悔，為分享為悔，為follow up大家既問題無悔。 如果你曾經因為米媽既分享，米媽既回覆而有共鳴，記得話我知，米媽會好開心。
#小小絲房菜招牌
#一個女人仔拎住佢落住雨托返公司😊
#一人辦公司就係為左申請個牌照以後賣得安心
一人辦公司就係為左申請個牌照以後賣得安心 在 靜思語：人要學習經得起周圍人事的磨練而心不動搖 的相關結果
只要再試一下，多做幾次，懂得虛心檢討，懂得自我調適，個人或企業都. 會有很大的成長空間。痛苦只是短暫的，凡事只要養成習慣就好了。 有信心不一定會成功，沒有信心一定 ... ... <看更多>