諗緊今個復活節去邊玩？唔洗R爆頭喇！一定要去 We Go Mall 玩餐飽啦！
我帶左雷囡s去邊咁好玩？ 咪就係馬鞍山全新嘅 We Go Mall 囉！ 呢個最新嘅室內親子主題商場。唔單止有親子餐廳咁簡單！
呢度有15,000呎超巨型主題親子玩樂區。又有好多機動遊戲：
#昇空直升機、#夢幻高空旋轉韆鞦、海盜船。
仲可以做小神車手，細b可以自己玩 #電動車。大啲嘅可以同埋爹哋媽咪一齊玩碰碰車！
雷囡s第一次玩，真係超興奮,笑到卡卡聲！
仲有夾公仔機。好似好易夾，雷大囡用左4個幣夾左2次就中左一隻喇！仲送左俾阿妹，家姐真好。
雷囡s最興奮就係 #15呎高迴旋木馬樂園充氣裝置。
有超長充氣滑梯、障礙賽、跳足一日唔肯走。家姐玩得超興奮，估唔到連人仔細細嘅雷小囡都咁大膽，sir左唔知幾多次！佢地玩到唔捨得走，媽媽捉雞仔捉到暈！玩完覺得自己瘦左！
好玩成咁全日任玩都只係$120！做埋會員仲送一款機動遊戲或夾公仔。真係可以玩足一日！最重要係室內，落雨都唔怕冇嘢玩啦！
聽講樓上空中花園仲有個「寶狄與好友奇趣歷奇公園」互動親子主題專區，不過今次冇時間去試。睇落好似唔錯，而且復活節期間仲收埋左過百隻彩蛋俾小朋友大尋寶！ 我下次一定要有雷囡s去玩先！
而且呢度好多間餐廳都有做兒童餐，玩到攰又可以去食飽飽，充完電再繼續！兒童餐最平$28起，款式多！多個國家美食都有齊，玩足一日食足三餐都冇問題啦！
重點推介：
都薈．廊 Metro Café (G02號舖)的英式雪糕車兒童下午茶
夢幻粉藍色雪糕車下午茶層架，雙層下午茶，有鹹甜點，睇到都勁夢幻令人流口水...不過限量供應，我太遲去已經冇貨，大家想食記得留定！
Shop G07都薈軒．亞洲 Metro Asia
夢幻房車兒童餐 (東南亞)，有無骨迷你海南雞配被餅，醬汁好好味，雷囡s都好鍾意食。仲有好多甜品糖水，下午茶去都唔錯㗎！
仲有好多間餐廳都有兒童餐，咁就唔洗怕冇野啱小朋友食啦！
提提大家，於場內電子消費滿HK$200或以上*即可換領「復活節DIY禮品包」乙份，以及「都薈．廊 Metro Café 意大利雪糕買一送一」優惠券乙張。小朋友玩到冇晒電想引佢地行去搭車，或者想引佢地返屋企，就靠呢杯雪糕喇！
意大利雪糕真係好好食，雪糕綿密紮實，奶味香濃。係真正足料嘅意大利雪糕。一定要試！
放晒電嘅雷囡s就因為有呢杯雪糕，乖乖行去搭車車，全程唔洗我抱。安全到步。
詳情請參考佢地網頁
We Go Mall
We Go MALL《復活節親子遊園》
日期：2019年4月13日起
時間：中午12時至晚上8時
地點：We Go Mall 地下中庭及1樓遊樂區
查詢：6380 2399
開放時間:
平日(星期一至五) 中午12時至晚上8時
星期六日及公眾假期上午11時至晚上9時
收費:
木馬彈床樂園 HK$50/15分鐘; 全日彈床任玩HK$120; 全日任玩彈床加電動車HK$180。
極速小車神:
a)電動車HK$40 (10分鐘) / b)碰碰車HK$40 (5分鐘)
至FUN機動遊樂區 HK$40 (一節）
4月特別推廣優惠：
顧客凡購買全日彈床任玩套票並成為會員，即可換領夾公仔機4個代幣或免費參與機動遊戲乙次。
#馬鞍山WeGoMall #WeGoMall #復活節親子遊園
一日樂fun券買一送一 在 臺北市兒童新樂園Taipei Children's Amusement Park 的推薦與評價
感謝有您#換我挺您7月1日起至8月31日期間為了感謝有「醫護軍警消」這群防疫英雄的守護只要#醫護軍警消出示相關證明文件即可享兒童新樂園#一日樂fun券買1送1優惠而#一般 ... ... <看更多>