昨天是環球無現金日，英國Barclays 銀行將位於倫敦、全球第一部ATM換成了金色慶祝。
在慶祝別人的周年紀念時，香港又有不少科技界人物跑出來說香港科技落後、說到用現金就是原罪似的。
這裡，我是部分同意的，香港在支付科技上比其他國家差了一截，英國這邊乘地鐵可以直接拍信用卡嘟一聲就過、apply pay也行，香港還是用著八達通，我不能否認八達通面世後，香港在電子支付就再沒有太大的進步。
但是，我並不認為責任是在現金使用者的身上，觀乎他們的理據，說得是我們執迷不悟，怎樣也要選擇用現金，這是我們的決定，自然是我們的錯。
（好了，黎到呢個moment，我唔再用書面語，我要爆啦～）
我真係想講我地先係受害者呀，_你！
我地係選擇用現金，但你有冇用過大腦諗下點解我地會用現金？難道我特別享受用一堆神沙扔死收銀員，然後被對方西臉的快感？講到尾都係被政府和大商家們迫著去用。你有冇睇過戲？每次上網買飛，係電子支付了吧？係「可以節省收款方人力資源和處理現金成本」的高科技系統了吧？結果俾錢時，佢收多我幾蚊做行政費。
然後我嬲到癲左。
喂，_你，個系統幫你慳左咁多資源，個仲好意思收我手續費？！講咩姐？去到最尾都係你地班hihi貪得無厭想要賺到盡，係呀，消費者方便左，咁我咪有cap佢水的空間囉？
上網買飛但俾戲院收手續費呢件事，在外國真的是駭人聽聞。香港商家凡事講開源，開個電子支付系統，是以榨到更多為目標，反而忘記了系統本身就是節流的手段，這種心態和生態下，電子支會點會做得好？
講完商家，政府唔好笑呀，下個到你！
講到底電子支付除了方便問題外，就是信任問題，市民就係因為越來越唔肯信你，而你又好吳若希咁成日問我地點解嘅，我真係睇到眼火爆。
放心？點同你放心呀大佬？全港市民的個人資料夠重要了吧？！選舉事務處可以成部電腦唔見左，而部電腦唔知點解可以有齊晒全港選民登記資料，呢單野點同你放心？更令人擔心的是事後官員一臉愛理不理，像一個死港女「我係做錯呀，但你咁惡對我做咩？我唔理，你同返我道歉！」，立法會特權法查有邊次成功過？大家不難想像，日後電子支付爆了大鑊，同一套戲碼將會重演然後不了了之。
唔講選舉，講返電子支付，大家仲記唔記得我地日日用緊的八達通，當年點樣將大家所有的個人資料賣晒出去？你今日仲收到安信兄弟問你借唔借錢，都係要多謝呢個支付系統，結果大家鬧完一輪、八達通捐四千萬俾公益金外，又有什麼大的懲罰嗎？
或者你會話，咁八達通關政府信心咩事先？八達通的最大股東係港鐵，港鐵最大股東係政府。
唔係官商勾結，係商即是官，萬一電子支付出了事，你除了可以好似中環星展銀行門口個呀婆日日乞返被昆了的迷你債券棺材本外，你仲可以做啲咩？你講我聽下。
#信任
#信你一成L都變形
#我們就是太信任你
#信你一定會跣我地一鋪
#有邊次唔係衰收尾
#值得婊揚
#我係科技界BOL
#上面原文我調轉左吳若希同蔡思貝
#算啦入埋佢數啦
#我心入面諗住煩膠結果就想起她了
