【#狂迷投稿】 文： 謝信
「如果房嚇×金都，結果會不會各自有好報：男人係咪咁撚無用」
⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄
先問大家一條電影常識題，上一套以Room做戲名嘅電影係咩
.
係2016年嘅《抖室》，故事係講禁錮講成長講母子關係。咪住，如果只係得呢個答案你只係啱左一半，因為2018年仲有套《荷里活爛片王》入面拆解嘅《瘟疫》英文都係叫The Room，哈哈
.
入正題，當大家狗衝去睇人殺屍嘅時間，我好慶幸有朋友揀左去睇《For Sama》，紀錄片係講一個記者媽媽喺2012-2016呢四年嘅阿勒頗(敘利亞)入面點養大個女點同個女生活，有評論形容片中每格畫面都係新聞頭條而且youtube上有段佢攞奧斯卡最佳紀錄片嘅得獎感言(必睇)
.
好，真係入正題，咁我揀左睇咩呢
就係《房嚇》同《金都》
.
箇中原因唔解釋喇，但估唔到嘅係我竟然揀左兩套觀感咁反差嘅電影而好彩個次序係先《房嚇》後《金都》
.
睇完房嚇之後本身係諗住出篇屌到佢上天花嘅文但睇埋金都再消化下竟然發現兩者間有幾多位可以一齊講就忽發奇想忽下忽下就變成咁
.
兩套戲嘅開頭係似嘅，雖然你話一套講屋一套講婚姻但喺香港你分得開咩
不得不讚朱柏康係幾識演，而好睇嘅係今次三個主演都撞得幾有火花，當然由stephy(作為一個同方生有過段咁長感情嘅經歷)去主演就除左可以俾觀眾睇到呢個角色嘅生命仲側面窺探到當年佢自己嘅心路歷程
.
當中最能代表到嘅我諗就係最後一個人食麵個shot，同一個shot第一時間其實令我諗起《空手道》嘅，一諗起《空手道》就諗起係喎，呢套係2017年電影，而佢同方生嘅故事已經係2016年完結先發現somehow原來由果時開始，佢已經喺大眾面前轉換左個堅強嘅形象
.
諗起呢度就要多謝方生(哈)，然後就可以講下呢篇文嘅topic做乜鬼
.
緣於係我首先發現《房嚇》入面嘅女主角好廢而呢個廢好明顯係編導故意嘅，片長100mins但個女角對劇情嘅推動作用係過左一半先睇到而且仲只係句好撚on9嘅對白(他有靈魂)，不過呢句話有幾撚on9恕大家真係要睇過先知而之前係做乜撚嘢呢
.
以下劇透
.
由30mins開始，本來平鋪直敘嘅戲黎到第一個灣位，喺呢分鐘之前男主角本來查緊間屋背景，呢分鐘之後佢就傻撚左叫埋女主角一齊用間房發癲，就係呢幕呢下我已經決定要屌到佢仆街，你個灣有無轉得咁離譜呀上一秒仲查緊死左人下一秒就今朝有酒今朝醉？(呢個係第一個令我心諗男人係咪咁撚無用，成篇文之後會有第2，3，4次話你知個副題點解係咁)
.
好喇，到40mins，你呢頭明明暗示完個女主角去要一個bb，果頭人地如你所願喇又發神經話唔係想咁，係，你無腦嘅，無諗過咁暗示完人地會用間房嘅，到上一秒屌完人唔要得下一秒又落唔到手(男人係咪咁撚無用×2)
.
其實跟住落黎成套戲個節奏係點呢，由於我係count 住time睇嘅關係(因為預左要屌柒佢)所以發現到電影係好撚有心咁隔5分鐘就搞啲嘢黎玩鳩下大家啲情緒而呢啲位係無撚用過腦全部唔合邏輯的
.
因為到45mins男主角又忽然查番背景喇，走去搵個關事嘅人問嘢但到左50mins又發癲拆房之後隔兩三分鐘對住個bb又要殺又唔殺呢時候女主角終於唔再做紙版講左句對後面劇情有影響嘅嘢就係話「他有靈魂」。。。
.
唔殺個bb咁點呢，咪會大囉，之後劇情講下女主角點做人媽咪點教個細路，呢段時間呢keep左片長20mins左右中間無講男主角病發噃，因為根本無描寫到佢!只係用左一個鏡頭拍佢畫晒陣咁窘住自己但女主角喺編導入面嘅設定係廢架嘛無佢劇情點發展呢於是乎到左77mins佢又發癲今次癲到竟然要對住個細路爆個真相出黎，嘩咁你之前講咩挑動到佢情緒會令我地好危險係咩黎架，而且呢幕偏偏可以同《抖室》入面Brie Larson點引導個仔知道真相有個對比(男人係咪咁撚無用×3)
.
之後劇情就入最後直路啦，後面果啲想營造嘅恐怖根本一啲唔恐怖架喇，不過94mins 果句hey mon叫係有個記憶點，而最撚離譜嘅係故事設定到個男咁on9個女又無作用但都係最後武士，係一啲事都無呢兩個人只係發左場幾個月嘅惡夢就無穿無爛出番黎，後面懶係伏線就不值一提啦
.
本身就係想咁出篇文插佢，睇埋金都之後令我有宜家呢個諗法，如果金都個故事係發生喺房嚇入面，成件事會唔會負負得正呢，首先，雖然朱柏康個角色都有跳制嘅時候，第一下就係突然見到張(搞離婚紙？)果時同佢戲內都俾第二男主角形容為痴線，但佢肯肯定醒過房嚇男主角先，如果環境換一換，有無可能佢地就可以開開心心咁結婚呢，I mean至少搞結婚呢part唔會就搞到「結冰」吖，而且同樣嘅災難亦唔見得會發生喺佢地身上，因為呢套戲嘅女主角係好強而呢個好強係對比男主角嘅廢嘅，係呀，呀朱柏康你喺金都入面係演個廢男友架所以會有(男人係咪咁撚無用×4)不過一陣先講，所以我又會諗如果stephy個設定係似房嚇個女主角咁，咁係咪會開開心心？
.
但如果個設定真係咁，咁就唔係《金都》啦，睇金都好睇就在於見到女主角果種灑脫，喺不婚主義抬頭嘅今日其實宜家我地先有一套呢類題材嘅電影係遲左喇但係不婚主義代表住咩，佢背後其實有咩哲學support令愈黎愈多人信奉(唔通剩係因為窮咩)，喺電影入面都睇到少少嘅
.
其中一個中心思想當然就係「自由」啦
唔係話電影話自由先係不婚噃，如果focus第二男主角條線就知電影係話：
不婚係自由，結婚都係自由
呢個先係真理呀，自由咪就係唔係下下都一定要結婚或者一定唔結婚架嘛，中間果個「唔一定」咪就係自由囉
.
戲入面stephy點解因為自由最後揀左「結冰」呀
因為佢一直俾人置於一個「你無得揀」嘅位吖嘛
最明顯個表達喺邊呢，就係當stephy俾朱柏康攬住左之後佢問我地係咪呢世都係咁架喇，呀朱生竟然話係仲以為自己果下好 warm呀，大佬呀，對住一個連求婚都會計住當係付出左好多嘅男人(男人係咪咁撚無用×4)，仲有乜鬼嘢自由呀，即係從此以後你咩都要付出晒囉因為我唔係唔會付出但我付出少少都會成日數住成日講架
.
that's why stephy最後一個人食麵個shot係咁有意思，不婚主義如果focus喺女性身上當然包括埋一啲獨立堅強嘅字眼啦，有時覺得唔關男女平唔平等事嘅，呢啲都係正常吸引異性嘅特質啦
.
完!
.
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 討論電影由你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
不婚主義英文 在 常春藤英語- #原來英語可以這樣學 你知道bachelor 常見的用法 ... 的推薦與評價
不婚主義 的男∕女子 a bachelor / bachelorette party 男∕女性的告別單身派對 a bachelor's degree 學士學位. Bachelor of Arts / Science 文學士∕理學士 ... <看更多>