剛剛過完聖誕，而除夕又殺到埋身，越來越多姊妹來找我問戀愛攻略。其實都幾有趣，我以為求姻緣梗係搵月老，問我呢隻千年狐妖有咩用？我自問無咩特殊技能去助攻，但係，我都叫做有「少許」戀愛經驗，可以同大家分享一下，有關「約心儀對象的疑難」。
常見問題：我心儀的對象怎樣也約不到出來
其實，這個很明顯，就是人家跟你的節奏有落差，你喜歡他更多於他喜歡你。節日是最好的重要性測試，因為24、25同31日就係得呢三日，任何人都會將這幾天留給最重要的人去過。要是你連開三個slot，佢都話已經有約，咁證明你已經不在三甲之內。呢個時候，發佢老脾係無用，因為你鍾意人，但人地隨時只係當你朋友，在人家眼中就會變成「條友咩事啊？無端端約我食飯，然後又發我老脾，傻架？！」
你唯一可以做嘅，就係調整自己的節奏：佢鬆你就陪佢鬆，佢唔搵你你就唔好日日搵人；佢緊你就加多兩錢肉緊，但佢一搵你，你就貼實少少。我唔信嗰套「熱烈的追求」，人地無意思的話，門都唔會開俾你，你點追點求都係無意思，追求同騷擾，就是這麼殘酷的一線之差，各位姊妹切記。
當然，也有例外的，想當年我單身時風華正茂，男孩們還是對我寵愛有加：推了晚餐，他們約午飯；午飯約滿了，還有一個說早上駕車來接我去食早餐；連早餐都被約了，尚有一個說有間不錯的餐廳吃下午茶... 他們待我的好，可說是呵護備至，但是請留意：到最尾我都係揀左同我食晚餐的那個男人拍拖。
證明夾硬約，還是會約到的，但也只是禮貌上的應約，搞到我一日四餐食足一星期肥左幾磅，咁又何苦呢？
追加問題：唔係呢，佢話佢好忙，好多野做，約極都約唔到之嘛...
打令，你唔係信呀嘛？佢咩野大人物呀？而又邊個大人物的時間管理可以差成咁？除非佢飛左去公幹，否則真係完全成個星期都擠唔出一個時段俾你？聖誕加新年呢個星期，成間office有幾靜，大家心中有數，啲嘢佢做左都冇人得閒approve，佢可以有幾忙？
我話俾你知，一個人，尤其是係一個未開始交往的男人，佢要見你嘅話，玉皇大帝都攔唔住，我曾經遇過一位做金融的朋友，大時大節佢想見我，咁我都覺得佢ok，佢咪訂左間office旁邊的酒店，當晚佢開完一個會就衝過黎，半個鐘後又衝返去公司繼續開會，來來回回跑左四轉，直到凌晨三點先上到我張床。我都唔好意思問佢單deal搞成點，訓啦～ 癡線，擇日先再deal我啦下～
咳... 說遠了，我講返應對的方法先。面對呢種「好忙」嘅大男人，你唯一可以做的是：俾自由佢。
我唔係叫你走人，而係你畫一個充足而極度合理的死線俾佢，例如：喂，你推左我幾次，不如咁啦，我唔會再問你架啦，你話返俾我知未來一個月你邊日得閒，我就你啦！
佢有一個月的時間去找一個空檔給你，通常呢啲大忙人都很尊重自己的承諾，基本上一定會搵到的，你睇上星期呀律師仔咪自己迫到自己特登請一日假黎搵我食飯？唔係我迫、亦唔駛我迫，我畫一條時間線給你，在我的這條線內，你完全自由自主，要是你自己搞砸了，不能怪我吧？
要是他真的一個月也找不到空檔給你，怎麼辦？就優雅地轉身離場吧！你都這麼努力，也這麼有誠意了，要是他還不領情，這種人就算還你追到，也只會不停地傷害你。你花了九十九天證明了你的愛，就用最後一天來證明你的尊嚴， #不要忘記我不會是個笑話 。
#愛你的人是不需要你為他下跪的
#原本想寫Q&A
#結果淨係答一題都爆字數
#算了各位姊妹自己執生啦下
#其實我唔太識追人
#我淨係識得傻更更企喺度俾人追
#太懶了
#鍾意我嘅我都未搞得掂
#點敢開新戰線
#搵人食宵夜咩
#其實以上方法做朋友都係一樣
#待人接物與待人接吻
#看上去還是很相似的
不要忘記我不會是個笑話 在 [閒聊] 奇幻自衛隊的gate開在中國會怎樣- 看板C_Chat 的推薦與評價