關於 不過好好食 ，我們在網路上蒐集到這些相關的討論、資訊與評價

明太子烏冬雞肉定食🇯🇵 𝒥𝒶𝓅𝒶𝓃𝑒𝓈𝑒 𝒹𝒾𝓃𝓃𝑒𝓇
.
.
2021第一餐飯😳😍雞肉棒、雞軟骨和雞翼由👦🏻主理😂雞肉棒食譜之前都post過！姐姐放假要睇住👶🏻明太子忌廉烏冬食譜同之前個意粉一樣！只係換咗做烏冬！好肥不過好好食🐖🐖🐖
.
.
❤️

#betiskitchen日式 #betiskitchen雞

每年媽咪都整好多糉，真係端午食到中秋，有段日子食到懷疑人生，不過我有位朋友偏偏反其道而行，每到端午前後一定問：「Auntie有冇包糉呀？可唔可以留兩三隻畀我？」

得得得，我畀夠10隻你！

某年端午節食完飯，我媽咪塞咗兩大袋糉畀我，由於一早答應同呢位朋友夜啲出去飲嘢，所以我千萬個唔願意咁拎住兩袋糉出去。

「蘭桂芳？」

我：「唔喇！柒呀！荃灣吖，楊屋道有啲bar冇乜人㗎！」

結果兩條友喺荃灣楊屋道酒吧飲嘢，開頭好地地，後來佢飲多兩杯就開始失控：「好掛住媽媽。」

講講下，男人老狗竟然喊咗。

面對兩袋糉，仲有一個喊到收唔到聲嘅男人，我再次慶幸冇出去蘭桂芳。

我朋友好細個已經冇咗爸爸，所以佢媽媽長期做兩份工養大佢，一份係快餐店洗碗，一份係嗰啲洗衣工場，都係時薪形式，總之佢媽媽係keep住每日做十幾個鐘。

兩母子有輪公屋，但你知香港啲公屋係輪好耐，所以佢哋有段時間住過家維邨對面嗰啲舊樓劏房。據佢所講，劏房環境已經比細個嗰陣好好多，兩母子最惡劣試過住一啲類似籠屋板間房嘅地方，有道友會無啦啦瞓喺條走廊，每日又會見到啲「鄰居」因為爭共用嘅廚房同廁所而嘈交，總之問題天天都多。

住嘅地方同當時讀嘅小學有一段距離，經濟條件又唔好，所以佢冇坐任何保姆車或者交通工具，佢媽媽每朝都會陪佢行好遠嘅路返學校，細細個唔識咁多嘢，會羨慕人哋一放學就喺門口上保姆車，佢曾經問過媽媽：「點解我冇得坐車嘅？」

佢記得媽媽答：「我哋行路咪仲開心，可以睇好多風景。」

後來漸漸長大，佢意識到自己同其他小朋友嘅屋企環境有好大分別，印象最深刻一次係啱啱升F.1，住得近屋企嘅同學會返屋企食飯，住得遠嘅就會成班人去附近茶餐廳食，而佢雖然住得遠，不過冇錢去茶記，只會喺屋企拎啲白麵包返學，再坐喺公園長凳自己食，咁始終F.1嘅小朋友仲係好細個，有一位同學真係笑佢連飯盒都冇錢食，難得嘅係我朋友完全唔在意，佢只著眼於每日見住媽媽做十幾個鐘，一年365日都冇休息，明明病緊都照捱，所以佢答應自己要努力讀書，賺錢養阿媽。

我朋友F.3已經識得喺惠康貼張紙幫人補習，唔知有冇人記得，以前惠康係有個notice board畀人任貼廣告，最多人貼就係幫人補習嘅廣告，好多中學生大學生都會喺嗰度貼張紙搵學生，咁佢起碼唔使問媽媽拎零用錢，讀到預科同大學嗰陣，佢更加搵埋part time做，後來終於輪到公屋喇，只係媽媽享受到嘅時間並唔多，因為當時媽媽有病，身體好瘦好弱。

佢出嚟社會第一份工係做一間搞event搞talk嘅公司，經常性要飛，不過人工算好好，有次佢出trip去完日本買咗啲草餅返嚟，媽媽勁鍾意食，仲不停問：「日本係點㗎？係咪好靚㗎？」

「好靚好乾淨㗎！我請你去日本旅行好冇？」

佢記得媽媽當時好開心，猛咁話自己大鄉里，成世人冇坐過飛機，唔知會唔會好驚，但又好想個仔帶佢去見識下。

好可惜，等唔到。

佢媽媽走嗰日係端午節，佢記得公司當年有組隊玩龍舟活動，但由於媽媽嗰幾日身體狀況好差，所以佢冇出席，幸好公司同事全部體諒同埋support。

識咗佢之後，呢條友每年端午都搵我出嚟飲嘢，佢怕自己屈喺屋企會好掛住媽媽。

當年佢喺酒吧崩潰，我將一袋糉畀咗佢：「咪喊啦，我阿媽叫我畀你㗎，媽媽糉，畀唔畀面先？」

我朋友成袋拎咗返屋企，即晚就打返畀我：「食完你阿媽啲糉，我更加掛住自己媽媽，當年上咗公屋之後，媽媽有一年都包過糉，雖然入面啲料唔名貴，不過好好食，食你阿媽啲糉就諗起當年嘅味道，我好想請媽媽去日本，由細到大佢都好辛苦，自己唔食都畀我食，捱到好多病痛......」

其實當年嗰袋糉，我媽咪唔係畀佢，純粹我亂作，只係想有人分擔下，順便安撫下佢情緒，估唔到之後每一年，呢位朋友都追住要食我阿媽包嘅糉。

佢而家事業有成，結埋婚做埋老豆，端午節唔會再搵我出去飲嘢喇，但有一樣嘢始終風雨不改，就係拎我阿媽啲糉，頭先仲特登揸車入嚟屯門問我拎。

「你媽媽啲糉嘅感覺同味道，出面真係買唔到。」

好啦！我喺自己屋企隔空陪佢食啦！

全家都想食我（上）
　　
深夜，饑餓。

但我知道，呢個島上大部份人，都好似我一樣咁餓。

我住喺一個以旅遊業為主嘅離島，生活一向平靜。

直至前排，通往呢個島嘅唯一一條大橋斷裂，空中亦出現奇怪嘅氣流......大概係咁啦，起因我都唔太清楚。
　　

總之，呢個島變成孤島，人出唔到去，物資入唔到嚟。

同大部份現代化嘅地方一樣，島上有網吧、有酒店，無農田、無牧場。

超市嘅物資被搜刮一空，大部份人都食晒存糧後，大家都開始捱餓。

我合埋眼同自己講，快啲瞓著啦，瞓著咗就唔駛再被饑餓折磨。
　　

呢個時候，奶奶躡手躡腳咁行入我間房，搖醒咗我老公，帶佢出客廳，細細力掩上房門。

我覺得好奇怪，就伏喺地下，偷聽佢哋講咩。

「阿仔，我哋嘅食物已經食晒。」係老爺把聲。

老公答：「係我無用，令你哋捱餓啦。」

「唔可以怪你，島上所有人家都係咁......」
奶奶欲言又止：「你有無諗過你老婆啊？」
　　

佢哋講起我，我更加專心咁偷聽。

老爺嘆氣：「新抱身體不嬲弱，呢排饑荒瘦咗好多，再咁落去，佢唔捱得幾耐。」

「咁我帶佢去睇醫生？但係島上已經無藥物。」老公好迷茫。

奶奶單刀直入：「反正佢都會死，不如我哋食咗佢，至少我哋三個可以活落去。」

老公驚叫：「咩話？」
　　

老爺淡淡然咁講：「你唔餓咩？唔駛擔心，你阿媽廚藝好，一定會煮得好好食。」

「捱過饑荒，你仲可以娶過個老婆，你死咗就乜都無。」奶奶努力勸說。

佢哋商量咗一輪，最後老公居然話：「唉，我聽日出街搵吓有無嘢食，如果無......我都係逼於無奈，希望老婆唔會怪我。」
　　

我倒抽一口涼氣，即係跳上床扮瞓。

老公入房瞓低，佢好溫柔咁摸我塊臉，喃喃自語：「對唔住。」

我個心好亂，趁老公瞓著咗，鼻鼾都扯埋，我躡手躡腳咁出咗去，一路跑番娘家。

好彩，我娘家同夫家喺同一棟大廈，好快我就逃番娘家。
　　

阿媽聽到我嘅遭遇，淚流滿面，大鬧我老公係禽獸。

阿爸安慰我：「唔駛驚，你返到屋企啦，唔好再返去。」

乜嘢愛情婚姻，喺生死面前，全部都靠唔住，佢哋係一家人，我就係食物！

好彩我仲有父母，有最錫我嘅人，最緊密嘅血緣關係。
　　

可惜，父母屋企都已經無嘢食，我返去我以前間房，諗住瞓。

可能係今日嘅遭遇太動盪，我瞓唔著，隱約聽到父母竊竊私語，我下意識開始偷聽。

阿媽義憤填膺：「真係無良心，我哋養咗廿年嘅寶貝囡，佢哋居然想食咗佢！」

「係囉，我哋養到個囡咁大，點可以畀佢哋食。」
阿爸沉默咗一陣：「身體髮膚，受之父母，要食都係自己食。」
　　

「你講咩話？我哋得一個囡，你點解想食佢？」阿媽聲音顫抖。

阿爸好快就答：「因為我肚餓，你唔餓咩？」

我好似等待行刑嘅犯人，屏息以待阿媽嘅答案。

阿媽沉默咗好耐，然後話：「我嘅親生骨肉，你想我親手殺佢？無可能。」
　　

嗰一刻，我直情想唱「世上只有媽媽好」。

點知，阿媽下一句係話：「隔離屋祥叔祥嬸，佢哋都有個仔，不如我哋拎個囡同佢個仔換。」

「佢個仔弱智㗎喎。」阿爸答。

阿媽嘆氣：「用嚟食啫，又唔係要做人世。我估佢哋都想食咗個仔，但始終係自己骨肉......換嚟食，無咁心痛。」
　　

我嘅心情......我已經無晒心情。

我聽到阿爸講：「好啦，聽日我去問吓祥叔。」

好似歷史重演一樣，趁佢哋瞓咗，我躡手躡腳咁逃出去，逃出呢棟大廈，逃出呢個曾經溫暖嘅家。

逃跑係成功咗，但係夜色茫茫，我真係唔知去邊好。
　　

呢個時候，我隱約聞到一陣烤肉嘅氣味，餓到頭昏眼花嘅我，下意識就向氣味嘅方向走。

我見到，三個大隻佬喺度烤肉，有講有笑。

我嚟唔切思考，已經俾佢哋捉住咗。

「今日咁好彩，啱啱食完一個亂跑嘅細路，又嚟咗一個女人，唔怕斷糧啦。」
其中一個男人哈哈大笑，拎住染血嘅菜刀靠近我。
　　

我心頭一片冰涼，原來，我最後都逃唔過俾人食嘅命運。

早知係咁，我就應該認命，俾老公食、俾父母食，至少佢哋可以活得耐啲。

突然間，另一個男人擺擺手：「老二，咪住先，唔好殺佢。」

老二呆一呆：「老大，點解啊？」

「我哋食完佢，下一餐又點？依加家家戶戶緊閉門窗，出街都三五成羣帶晒武器，好難搵到食。」
老大答：「佢一個單身女人，不如拎佢做魚餌，叫佢去敲門，求人畀嘢佢食。」
　　

老三唔明：「呢個時勢，邊有人會做好心畀嘢佢食？想食咗佢就差唔多。」

「想食佢，都要呃佢入屋。一開門，我哋三個就衝入去！」老大已經計劃好。

我忍唔住講：「喂，我無講過要幫你哋。」

老二冷笑：「你唔肯，我哋咪依加食咗你囉。」

老大拎住一舊烤肉行埋嚟，好溫柔咁講：「你肯做魚餌，我哋有肉食，一定分你一份。」
　　

食物嘅香味從鼻端直衝上腦，我實在受唔到誘惑，一口咬落舊肉度。

係人肉......不過好好食，可惜得一舊。

事到如今，我都無得選擇，我只好聽佢哋吩咐，去到某家人門口，敲門大聲叫：「有無人啊？」
　　
將專頁設定為「搶先看」/ "See first"，最新故仔馬上睇！
　　
下集：http://bit.do/feduZ
　　
登山遇險，邊個係鬼？：https://goo.gl/8qseYB
月老的愛情故事：https://goo.gl/yDXyTd
　　
#短故 #短篇 #小說 #陳美濤 #廣東話 #粵語 #tomatochan #全家都想食我

超簡單嘅芒果糯米糍！整得唔喺咁好睇，不過好好食！可惜冇買到椰絲啦！
材料：糯米粉130g，粟粉30g，砂糖50g，椰漿60ml，牛奶200ml，芒果兩隻，油15g
▼▽▼▽▼▽▼▽▼▽▼▽▼▽▼▽▼▽▼▽▼▽▼▽▼▽▼
屎嫂廚房最精彩的Play List
https://www.youtube.com/playlist?list=PLTLZJvW-j6ro64K0IzEJnudcCM2fI0Eay
▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄
更多屎嫂廚房影片
✚ 冬至『羊腩煲』才是王道！
https://youtu.be/WkNrtv9lYr0
✚ 有驚喜！『史萊姆棉花餅』
https://youtu.be/YYoxWVFMl-U
✚ 暗黑地獄料理『Oreo飯』
https://youtu.be/DsBmwmQYm14
✚ 『雪條PK賽』地獄級
https://youtu.be/L0GRt_M9fME
✚屎嫂廚房 - 腸仔心心蛋
https://youtu.be/GrdP3NGZLC4
▄▄▄▄▄▄▄▄▄來追蹤阿屎和屎嫂吧▄▄▄▄▄▄▄▄▄
▶ 阿屎FB：http://fb.com/EdwardSlimeKing
▶ 阿屎Instagram：EdwardSlimeMax
▶ 屎嫂Instagram：Slime_So
▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄