Search
【經濟展望】IMF料中國人均GDP 2025年全球第70位
https://bit.ly/3kKgI3I
國際貨幣基金組織（IMF）估計，在截至2025年的25年間，隨著經濟的蓬勃發展，中國的人均GDP將超越全球56個國家。根據彭博對10月IMF世界經濟展望的資料分析，到2025年，中國經過購買力調整的人均GDP預計相當於25307美元，將在全球排名第70位，接近全球最富裕的三分之一國家之列。
#IMF #2025全球人均GDP #G7 #金磚國家 #貨幣危機 #債務危機
［錢買唔到快樂？］印呢個圖一巴打埋佢度啦。幾時移民阿富汗呀你？
（https://econ.st/2C2WGRO）Money really can buy happiness and recessions can take it away
TL：DR—人均GDP越高咪越開心咯，有幾難明呢？唔順超嘅，移民去阿富汗咯。
1. 個圖好簡單，x 軸（打橫）就不同國家，2018人均GDP，美金，log scale （＊）。冇寫籮綿奴定 PPP（計及物價水平），但似係PPP，因為巴西籮綿奴應該唔過萬元美金（＊＊）。Y軸（打楝），就開心指數，自評，10分滿分。
2. 首先講個覓佛多奴治，似乎係適合嘅。開心好抽象，但應該就係好主觀嘅嘢，自己覺得開心咪開心，他人即地獄，所以自評就最簡單。
3. 至於講錢買唔買到快樂，亦冇乜比GDP per capita更好嘅量度，特別係要你比較不同國家。留意坊間好多一知半解嘅人，鍾意講GDP唔代表乜，係呀堀爛地又多啲GDP（真係？），兩個經濟學家去食屎又增長GDP（係喎，咁點解冇人食？）。會講GDP「唔代表乜」, 「唔係完美」。仲有喎，「人均就此post已完啦」「李嘉誠一個頂我幾十萬個」「每人平均有一粒睪丸」
4. 固然「GDP唔係完美」係事實，但，經驗所得，十居其他呢啲鍾意講「唔代表乜」嘅人，就係不學無術，反智。到你叫佢講下「唔用乜去量度更好」？佢就屌你，「做乜要教精你」「我係咪要知點大炒巴塞先可以批評皇馬冇用？」。係呀，同佢講美斯，佢都話幾多個西甲「唔代表乜」，「拎咗世界盃未？」。德國隊亦係「捧盃唔代表乜」。畢菲特又係「有錢唔代表乜」，埃汾就「CFA唔代表乜」「萬幾人like唔代表乜求其一個女仔露波都幾萬人」。總之佢本人就「最代表乜」
5. 係呀，GDP又唔代表乜，又唔反映快樂。又話上Facebook 上Google之類應該好快樂，但因為免費，又冇計落去（如果係咁香港人應該好快樂）。但事實就係，有錢就有快樂。
6. 好，發完勞蘇，正題。基本上一個圖講完，你仲要話「唔代表乜」嘅請便。有錢啲嘅國家就係開心啲。個相關性都似乎幾強。總唔見你移民去索馬里（我有個推友話香港慘過索馬里，索馬里好有希望，我成日問佢幾時去，我話助養埋佢，一個月一百蚊美金幾好洗。結果佢Block埋我）
7. 阿富汗呀尼日利亞唔多開心應該冇乜心質疑（亦冇乜人理）。但，右上角嗰堆，有時你聽啲人講唔同嘅嘢。「日本人迷失廿年卅十年唔開心」（＊＊＊）—係喎，但日本人GDP仲係世界前列，廿幾三十（睇你點計）。至於開唔開心，就你問下佢地。「但日本好多人自殺喎」。冇錯係，但，邊個話你知社會開心就冇人自殺？涼薄但理性講句，自殺率再高嘅地方，都係佔極少數人。你在阿富汗根本唔使自殺，日日都有得死。同樣地，都知北歐自殺率高啦，但芬蘭當然富有，一樣十分快樂—但整體十分快樂一樣可以多人自殺，係兩回事。至於坡國美國，聽聞坡國啲友就奄尖腥悶（是真的），美國就多憤怒中坑。但一樣，你問佢地，都係整體快樂嘅。當然你唔信個調查，就冇計。Gallup喎，OK，又唔代表乜
8. 好簡單，人均GDP最高嗰10%嘅國家，差不多所有人都係有錢開飯嘅（當然你話食米芝蓮三星係人權就算啦下）。最低嗰10%，得四成日夠錢買嘢食。冇嘢食都好開心呀可？仲可以減肥呀可？真係歌仔有得唱，淑女想收腰早餐晚餐都要少難為在遠方飢荒吔蕉當豆苗
9. 同樣地，你唔講錢嘅，但都見到人均GDP，同好多non monetary嘅嘢好有相關（咁你可以話因為呢啲嘢先安心搵錢嘅，但，真係？）。人均GDP高嘅地方，放心出夜街（印度有民主有言論自由講英文添，女士幾時搬過去？），貪污唔普遍（你去一次柬埔寨或古巴就知），啲人會捐錢畀慈善機構（又唔代表乜嘛），有事覺得會有朋友親人幫（又唔代表乜）。全部係好東西。全部都係人均GDP越高越有啲嘢。咁你鍾意去索馬里嘅，be my guest
10. 但當然了，有時，又真係「GDP高唔代表乜」。以下幾樣嘢，係人均GDP高同低嘅地方，分別不大的：例如話足夠休息（我在瓦努阿圖啲土人真係隨時訓著，約九點就九點半先到的，但當然入鄉俗），會幫陌生人（台灣六都以外，啲友真係好有人情味架，去邊同都同吹半粒鐘水，問路佢帶埋你行，因為實在太得閒，冇乜嘢好做），仲有，買得起樓。呢啲東西，GDP高嘅地方，唔會明顯高。
11. 又當然，另一個方法，就係「誰會珍惜當你還擁有」，亦係人世間最惡搞嘅一樣嘢。加你10%人工，當然開心，但未必持久好耐。但到減你10%呢，痛到不得了。同樣地，你睇得到，金融海嘯嗰時，快樂指數直線下降—仲話唔關事？！你估真係有錢人仆街你好開心咩（因為有錢人根本冇仆街）。
12. 當然了，其實如果講金融海嘯，最唔開心，就係冇咗份工，或者冇飯開嘅人。
13. 最後補兩點。你知啦，香港人咁巴閉，乜都要講返自己嘛，講下香港。
14. 好似話在好多調查中，香港人嘅快樂指數，都世界排名極低。即使用返Gallup嘅覓佛多奴治，香港都排名極低（https://bit.ly/301DE6h）。當然未係低到阿富汗喀布爾，黎巴嫰貝魯特咁。但講緊同巴基斯坦卡拉奇，利比亞的黎波里差不多。原因不明，可能係同貧富不均有關？應該有其他研究做過。畢竟快樂主觀，人地有錢過自己係最慘嘅事，齊齊仆街先開心。
15. 另一原因，我估，當然亦都係因為香港嘅人均GDP已經太高太高。咁上次寫文（https://fbook.cc/3C3z）都寫過，同你人工差不多，高到一個點，個marginal return係好低的。咁所以，好簡單，減你50%你咪知到咩係幸福。正如放長假覺得唔係特別爽，到你返工嗰日你咪知。
16. 況且，唔同其他地方比，可以自己比。你可以問下，香港人同香港人比，咁你2009有冇開心過2007丫？2020有冇開心過2019？
17. 咁仲有，大家可以埃汾bashing，明明台灣就窮過香港，埃汾仲要去？有個講法話，從來只有係啲人移民去更富貴嘅地方，唔會掉轉。例如啲中國人印度人想去美國咁。差矣，你講緊係其中一種。掉返轉，亦唔少鬼佬退休去泰國（你懂的）之類，錢好洗好多嘛。
18. 亦即係，香港人均GDP高撚過英國加拿大澳洲紐西蘭添，根撚本你去邊都係去更窮嘅地方！屌你以為英國好有錢？咪正係因為香港人均GDP高過英國，先會有咩香港人移民去英國拉高人均GDP（https://bit.ly/3gS5eKa）咯。有幾難明？香港人差不多去邊撚度都拉高人均GDP架啦！
19. 而最重要係，拿，你可以睇真啲，唔好貶眼：
20. 頂你！台灣同香港嘅人均GDP，根本就差唔多！係咪好神奇呢！已FC！（https://bit.ly/2W8WkzJ）
21. 係架，舊文我已經寫過，台灣人均GDP，PPP計，根本高過韓國日本英國澳洲加拿大紐西蘭！（https://bit.ly/3gS5GIm 台灣人均GDP高過日本韓國？是真的，但點解？）係咪好神奇呢！同香港唔爭太多（OK，都爭16%，但排名真係唔爭好多，亦見到香港人幾撚咁有錢）
22. 但，明明台灣人工，遠低於香港，亦遠低於韓國日本英國澳洲加拿大紐西蘭。咁所以呢，你就真係可以質疑，「人均GDP」唔代表乜。係喎，邊個話你知「人均GDP」同「人均收入」或者「中位數人工」好有關係？你易乾阿SIR咁教？咁就唔好睇佢，科水睇埃汾啦。
23. 呀最後，開心大發現，原來香港開心度5.4，但索馬里摩加迪沙開心度都有5.3！似乎我真係錯怪吴推友。邊位諗住移民過去？
24. 拿，畀你見到，呢啲開心度，就真係「唔代表乜」！好簡單，你睇邊條索馬里托布或乜，嚟到香港，會想返返去丫。在香港5分好過返索馬里6分啦，下話。不過呢份好似只係做城市，唔知同Economist係咪同一份嘢
（＊）log scale都唔知係乜嘅友，你應該疏遠佢。真的，唔係數唔數學問題，而係佢係冇學習能力的。學校冇教？好多年前唔記得咗？學校有冇教你扑嘢吹蕭呀？
（＊＊）同樣地，好好嘅例子。好多問題，唔好咁懶，自己搵到答案。
（＊＊＊）再講一次，唔少人認為，咩「日本迷失廿年卅年」根本係一個騙局，事實日本人不知生活得幾好。我好似講過好多次話寫，而家應該決定變咗收費文章。香港人咁關心日本，照計有市場。If you're good at something, never do it for free.
——————————————————————
收費短片第三擊，暫時斷次買。80蚊，講足半個鐘，有圖有表有筆記。
都係一周思考課題，當然唔會就咁報新聞呃錢，係講有乜啟示。
今次內容簡介，可以睇呢度（https://bit.ly/3iGuMeP），或者睇置頂post（https://fbook.cc/3BqP）。
i. 首先係講，2020年，好可能係同2009年走勢相似，會話你知點解。
ii. 仲有講我對移民嘅睇法，點解多人話移民但唔會令樓市跌。
iii. 仲有之前講過Facebook，結果爆鑊，同你分析之後又點。
iv. 最後同你回顧返第二季表現，如果錯過咗嘅之後點好。
以下係報名方法：
【最新李聲揚收費影片】題目:「回顧第二季，有咩啟示？」。
影片下方會有內容撮要，唔想睇片可以睇字
影片/課程編號：CC004
播放平台：https://homebloggerhk.com/web-class-player/
付款及收看步驟：
1/點擊報名收看 [ 影片/課程編號：CC004 ]
2/利用信用卡網上付款
3/及後有登入資料可以立即收看
查詢：whatsapp 63832145
2020年是內地提倡的「脫貧年」，總理李克強公佈「6億人每個月的收入也就1000元」，一下子把輿論關注都轉移至貧窮問題之上，這個論述的神奇之處，或許在於對內可以聚焦經濟不談國際政治，對外又可以繼續論證「發展中國家」享受特殊差別化待遇，笑到最後。
話說Netflix紀錄片新影集《歷史課101》（History 101）有一集談及中國崛起，提到中國經濟發展速度驚人，已經是世界第二大經濟體，但原來卻仍然未成為像英、美這樣的發達國家，而這點經常備受國際質疑。
翻查資料，內地進入WTO將屆滿20年，不但在全球經濟體之中排名第二，人均GDP也超過1萬美元，2019年更超越美國成為世界上擁有富豪最多的國家。
但原來世界貿易組織（WTO）定義「發展中國家」與「發達國家」，是沒有標準的，全憑成員國自我宣稱，WTO現時共 164 個成員，有近三分之二的成員國仍屬發展中國家。
而按照組織規定，發展中國家享有更長的承諾執行期限、技術援助，以及各項有利貿易的措施等，一共有155項「特殊與差別待遇」，保留「發展中國家」可謂利多於弊。
要支撐觀點，似乎就只可以打「貧富懸殊」這張牌，而在國際關係緊張之際，李克強就首次拋出這個「6億人每個月的收入也就1000元」數據，引起內地網民熱論。
中國的經濟，外人向來無從判斷，只能靠一系列蛛絲馬跡去評估，最後就提幾個值得深思的話題，一個是搞「中國財政赤字貨幣化」發行1萬億的疫情特別國債，第二個是暫停買美國大豆和豬肉、澳洲大麥和牛肉。到底政治問題抑或外匯問題，對中國更重要？
「6億中國人收入僅1000元」背後有盤算
https://bit.ly/3gIsjj2
亞洲國家中以新加坡排名第6為最高，人均GDP為84,501美元，再來便是15名的 ... 美元）；中國則位居70名，人均GDP為13,630美元，接近世界平均值。 ... <看更多>
中国人均GDP, 以美元名义值计算, 1970年: 111美元, 位居161名(全 世界 187个经济体)2020年: 10511美元, 位居64名(全 世界 196个经济体)IMF预计, 2035年, ... ... <看更多>
中國人均gdp世界排名 在 蔡依橙的閱讀筆記- 「請教校長，挪威人均GDP有47000多鎂 的推薦與評價
以下連結是全世界的GDP「總量」排行，會發現用各種數據來看，台灣都贏過挪威！以IMF 的統計， ... 上，全世界排名都在20 附近！ ... 【中国经济】中国人均收入世界排 ... <看更多>