關於 中國移動4g香港覆蓋 ，我們在網路上蒐集到這些相關的討論、資訊與評價

香港5G全速啟動

上星期三（4月1日）是香港5G正式啟動的日子，三大電訊商csl.、3香港及中國移動香港正式推出5G服務，標誌着香港的流動數據上網服務展開新里程。

5G帶來的各種好處，筆者較早前已說了很多，在此暫且不再重複。5G推出之後，用戶利用可連接5G網絡的手機（例如三星S20系列），便可以極速上網、下載檔案及影片，以往需要5至10分鐘才可以下載一部2GB的4K影片，現在只需十數秒便可以完成。

各大電訊商都不約而同推出5G服務的迎新優惠，客戶只需付出與4G服務相若的價錢，便可升級上5G，數據量比原有的計劃多了一倍以上，更加送很多贈品或現金優惠，如此難以抗拒的價格，無非希望用戶盡快轉用5G服務，增加電訊商在高端用戶的市場份額及收入，務求打響頭炮。

5G服務推出首階段，覆蓋範圍暫時未算完整，筆者相信仍要多等6至12個月，才有接近八成的地方有5G覆蓋。不過，早前我們經常說在大埔、馬鞍山和赤柱等地，會因為現時5G黃金頻譜（3.5GHz）與地面衞星站有互相干擾，可能變成5G禁區，但有電訊商已經利用新的3.3GHz（只供室內使用）、4.9GHz頻譜或重用現有頻譜（例如2.1GHz）作為5G用途，有機會在大部分地區解決5G禁區的問題。

一般用戶如果轉用5G，除了感覺下載速度明顯快了很多之外，也會意識到一些平日需要較大量數據流量的手機應用程式，運作頓時流暢了很多。

相信在不久的將來，電訊商將會推出各種5G相關的增值服務，大家亦有更多機會應用物聯網和車聯網的解決方案，屆時就會有更深感受，知道5G如何改變我們的日常生活，帶來什麼好處。

方保僑_香港互動市務商會會長

名家筆陣：港明年迎接5G時代

上星期中國工信部與三大電訊營運商，舉行了5G商用啟動儀式，標誌着中國已正式進入5G的年代。

中港將分別進入5G年代。

利好物聯網發展

中國移動、中國聯通及中國電信等，分別推出了5G月費套餐，入場月費為128元人民幣，下載速度為500Mbps，包括了30GB數據，但是通話分鐘比較少，中國電信和中國聯通均為500分鐘，而中國移動則只有200分鐘。

較高容量的套餐就由298至598元人民幣不等，數據分別由100至300GB不等。惟以上皆不是無限上網套餐，超出數據用量後，中國聯通和中國電信的每GB收費均為3元人民幣。

有內地網民指，以5G的高速，不消一星期便會將30GB數據用完。我想指出，其實這個想法是錯誤的，舉個例子，現時以4G下載一部2GB的影片，大概需時4分鐘，同樣若以5G下載，則只需幾秒鐘。

然而，大家要知道，觀看這條2GB的影片可能需時約兩小時，利用串流觀看根本不需要即時下載影片，所以推出5G服務最重要不單只是速度，而且在每平方公里的範圍內，4G只可以連接幾萬個裝置，但是5G可以連接100萬個裝置，有利日後物聯網及車聯網的發展。

實現不可能任務

而5G的低網絡時延（Low Network Latency），更可以實現以往很多不可能的任務，例如遙距微創手術，以及利用5G作即時高清，甚至4K電視廣播。

香港真正推出5G服務，應要待明年第三至四季，我相信屆時的5G入場月費，應該與現時的4G服務相約，因為5G服務推出初期，覆蓋範圍應該不會太全面，相宜的服務價格可以吸引更多用戶轉用5G。等待5G覆蓋較為全面後，才會稍為調整價錢，同時4G服務價格應該亦會再下調。

香港有很多喜歡測試新產品和新服務的用家，所以我相信隨着5G服務真正推出後，屆時有更多手機支援，以及相應5G的增值服務陸續推出，5G的市場應該不愁客路。

過分，欺人太甚!!!我都中過中國移動招!!!唔會再用!!!

『究極黑心。中國移動香港』
超級憤怒，完全是欺騙我們這些普通市民，希望大家分享，推上報，免再中伏！
　
在1月份的時候，聽朋友說中國移動香港有個Plan滿不錯的，就是類似一卡兩號的計劃，100分鐘的中港通話分鐘，有6GB的4G LTE上網流量，當中有5GB可以在中國使用4G LTE。聽起來非常不錯，因為我常常需要在國內工作（四川成都），電話打得不多，主要都是上網為主。起初都有點擔心，因為中國移動在大陸這邊的3G速度非常慢，只有2.5G的，但我問過成都這邊的朋友，他們說中國移動的4G覆蓋滿不錯的，速度也不錯，所以我最後也決定簽了兩年（兩年有discount！）每個月大概是$HKD300左右。
　
我用了半年左右，期間也推薦了不少常常往返兩地的朋友使用，因為很方便！但在昨天（7月1日）一直連不上4G，我想應該是有些技術上的問題出現了，我就打去客服問問情況，他們竟然說7月1日開始就取消了四川成都這邊的4G支持（其他大陸地方不清楚是不是同樣情況）。然後重點來了，如果我需要開通4G，我需要每500MB額外付$HKD25，真心嬲！頂你比個3G我把托呀大佬，我搭車call個Uber都唔拿得呀！（這兩天真的用過，收爆都Call不到，沒誇張）我要享用我原本應該有的5G流量，我要每個月額外比多HKD$250！！！！你話搞笑唔搞笑？！
　
客服話其實之前短訊已經有通知過，我都心虛一下，我朋友都簽左呢個約，咪一齊搵下係咪真係有所謂既通知，我搵到1月份既短訊都未見到有，嬲上加嬲，你呃人！點先？其實門市係簽約個一刻同我講，大陸既4G LTE用到7月1日就無架啦，我就一定唔會簽囉!不過門市又係醒目既，所以咪無同我講到，合情合理，唔好理咁多簽左先，博你班粉腸唔知!
　
然後客服就話有另一個部門負責呢件事會再同我聯絡，我裝作冷靜咁用心聽佢講完一大輪，結果就係公司決定，你地呢班賤民奈我唔何，你插我都無用，因為我都係打份工，其實唔關我事，我無插佢，因為真係唔關佢事。又話原來合約寫左，大陸只係包2G同3G，無話包4G，係呢一刻我已經深深知道，呢一切都係一個局，我亦無打算番去睇番個份水蛇春咁長既合約，因為我知道，佢早有預謀，拎得出黎大我就應該係真。痴線！咁重要既野，門市都可以唔同個客人講清楚，我清清楚楚記得，問過係咪大陸都有4G，係我先簽，不過無啦，呢D野死無對證，我只好乖乖地比佢地屈。最後佢就打完場，話唔想再有爭論，有兩條路比我揀，用或者唔用，用既話就每個月可以平２０蚊，即係我用5G流量既話只需要比多$230，嘩！好抵呀頂你！唔用既話就可以CUT左佢，我都明既，我地呢D一單半單客對佢黎講真係無所謂，大把水魚等落搭啦係咪先？
　
成件事就係咁完左，我知道自己被人搵左笨，原本以為中國移動香港服務咁好，認真想係香港要吸多D用戶，而家先發現，黑到爆，本來決心要轉台，但係...唉！一大堆卡片呀（派左N張出去），綁左大陸電話號碼既帳號，全部都廢晒，大陸既號碼唔可以帶Number轉台...你話可以點？轉又唔係，唔轉又唔係....好嬲呀!!!!

香港5G手機太貴？ 呢個情況好快會改寫！小米即將在香港推出 小米10 Lite 5G手機，預期賣價港幣兩千幾，用上唔錯嘅高通Snapdragon 765G 處理器，你又會唔會入手呢？

之前都介紹過中低價位嘅 5G 手機，但香港一直都未推出行貨，呢個局面即將會唔同喇！因為小米透過官方嘅 IG 透露，將會喺 2020 年 6 月，喺香港推出之前發佈嘅 Mi 10 Lite 5G 手機，根據海外嘅定價，同埋我哋收到嘅消息，賣價應該都係二千中至尾左右，配置又係點呢？

小米 10 Lite 採用嘅係高通 Snapdragon 765G 處理器，雖然唔係頂級嘅 U，不過7系嘅處理器性能亦都相當高，一般日常使用，甚至打機都唔成問題。屏幕用上咗 6.57 寸 AMOLED True Color 20:9 嘅水滴屏，支援屏下指紋辨識技術，亦都支援人工智能面容解鎖功能。手機支援最新嘅 5G 技術，不過就未有支援 n79 頻段，就算 CSL 同埋中國移動香港，喺 5G 結界區用咗呢個頻段補足，呢部機都用唔到喇！不過又唔係咁大問題嘅，因為香港各大電訊商都準備用現有嘅 4G頻譜以 DSS 或者 Refarm 嘅技術加強覆蓋，呢部機正好支援n1、n3 同埋 n7頻段，而且有 4.5G 作為強大嘅後盾，相信影響唔會太大。

相機方面，小米 10 Lite 配置咗共 4 個包括 4800 萬像素嘅主鏡、800 萬像素嘅超廣角、200 萬像素嘅景深、同埋 200 萬像素嘅微距鏡頭，屬中上級數，不過就唔支援光學變焦。睇返官網嘅試相，效果唔錯，微距同埋夜拍都有幾好嘅表現。另外，小米 10 Lite 配置咗 1600 萬像素嘅前置鏡頭，支援 HDR，亦都加入咗流行嘅 120fps 慢動作拍攝功能㗎！

Mi 10 Lite 保留咗 3.5mm 嘅耳機插，亦都加入咗 NFC 功能，以及支援紅外線發射，方便配合應用程式控制屋企嘅電器。4160mAh 嘅電量，絕對足夠一日使用，亦都支援 20W 有線快充技術，俾你喺低電量嘅時候都可以快速叉電。

相信 Mi 10 Lite 嘅推出，5G 服務喺香港將會進一步普及，如果你一向用緊中階性價比高嘅手機，呢部 Mi 10 Lite 5G，唔知會唔會係你嘅選擇呢？

《Z世代達人》
麥卓華
redmi 10x 5g redmi 10x pro mi note 10 lite xiaomi mi note 10 lite