【中大校巴四十四年】（巴士大典話中大1973年開始有校巴）
有關《新假期》開敬文canteen名搞到假期中大學生搭唔倒H Bus一事，我覺得個人宣洩下係無問題，不過搞到要聲討就無乜謂：一來新假期唔會因為你鬧佢而唔再報、一般食客亦唔會因為你鬧而唔再黎，二來用呢個標準係咪以後所有傳媒報導中大有乜好嘢都要鬧？西傳何其多問你吊得幾多個？真係想少啲人黎，最直接方法就只有拍番條片話番個真相比大家聽，其實間嘢無乜特別又難食，我諗仲實際。
之後見倒黃世澤特別寫文小七《新假期》之餘，又列舉過去「功績」：
//所以一度假日校巴收外人五蚊學費，呢個政策我有份訂，主要係要趕絕班龍友搶校巴資源，因為校巴唔係俾你班友咁用。//
當年我又適逢其會，咁又同大家回憶下舊史。
話說當年中大校巴資源遠遠比而家緊絀，假期校巴可以衰到45分鐘一班之餘仲要有時脫班，大熱天時一袋二袋有時都無計照行上山；後來起好蒙民偉，上UCNA先唔駛咁地獄。本來都相安無事，直到有日中大無撚端端宣佈，假期校巴除非有買一蚊張嘅乘車券，否則無論你有無學生證、職員證，一律都要比五蚊先可以搭車。
呢個消息一出，當時中大學生溝通主要渠道嘅cuhk.forum立刻嘩然，因為就算你係學生或者職員，只要無買乘車券都一律要比五蚊，反而熟門路嘅外人就只要買咗券就照比一蚊，當時大家都要揪出「捉蟲入屎忽」嘅始作俑者，到今日終於真相大白。
仲記得當日校方堅持用乘車券嘅理由係「司機要CHECK埋證係加重工作負擔兼壓力」、「延誤上車時間」，果陣我抵唔住頸寫公開信要求負責人搵個公開場合測試一下究竟CHECK證要花幾多時間有幾辛苦，又諗住搞聯署運動收集民意；但去到呢一刻果位一直堅持無券要收五蚊嘅八婆突然跪低，改稱乘車券照用，但有證亦只需比一蚊順利解決，後來聽聞就係因為上上級覺得件事搞大咗唔值得死撐，於是叫下面個雞毛司令收皮，證明中大管理層同一般政府部門一樣，都係欺善怕惡。
之後收費制度去到07年9月直頭改為全天候收費，改為非職員／學生無證一律收三蚊，於是亦發生終結核爆：首先好多外判職工抗議佢地同其他中大職員一樣係為中大服務，剩係佢地要比錢係歧視係剝削，然後仲有中大人揭發原來校巴收費一直違法！即係咁，如果一個講法治嘅人對於鼓吹一件違法嘅事沾沾自喜，咁……
又據巴士大典所指，中大校方當時曾經打算分做訪客、學生教職員兩條隊做分流，但後來可能因為巴士路線因應中大擴建而大幅重組，件事又不了了之，改為響遊覽中大守則列明不準乘搭校巴：咁當然呢樣嘢係無人會理，所以如果因為某種原因令校外人士搭校巴人士暴增，最直接抗議方式唔係對住《新假期》瓜瓜嘈，而係要求校方嚴正處理校外人士濫用校巴問題。
中大校巴 證 在 【中大校巴四十四年】（巴士大典話中大1973年開始有校巴 ... 的推薦與評價
本來都相安無事，直到有日中大無撚端端宣佈，假期校巴除非有買一蚊張嘅乘車券，否則無論你有無學生證、職員證，一律都要比五蚊先可以搭車。 呢個消息一出，當時中大學生 ... ... <看更多>