我條腸很健康！
（內有恐怖圖片，慎入！）
這個復活節假期，收到很多戰友慰問我有關照大腸的情況及報告，為免大家擔心，我還是跟大家說說吧！
首先，我想說，我條腸不知幾健康，而且仲好靚㖭😆（見圖）大家可以放心！這次檢查，我發現很多朋友都對大腸鏡檢查有很多誤解。
誤解一：大家都擔心瀉水會好難飲，而且會飲得好辛苦？
原來瀉水有好多種，我的腸胃科👩⚕️醫生就幫我準備好一款比較美味（橙味）的瀉粉，當日我飲咗2包，每包用150ml 水開，隨後，要多飲1.5-2L水，只要你唔好一次飲得太多，而且，如果真係覺得口寡寡，揾支保礦力或者無渣的蘋果汁送下口，就舒服好多。
誤解二：會唔會瀉得好辛苦？
如果你預早計劃好照腸，在照腸3天前乖乖依照醫生吩咐吃得清淡且低纖，就不會瀉太多，那個晚上我瀉了大約12次左右，是可以控制到的瀉，若想快D完成，你可以落床行下，令條腸蠕動得快D，我果晚大約12點就已經痾完。之後不知瞓得幾好（如果利物浦⚽️當晚不是要出戰歐聯應該仲瞓得好d）。另外，我個很貼心的醫生仲叮囑我要帶備濕紙巾抹Pat Pat，抹時要印下印下咁抹，咁個Pat Pat就唔會抹到開晒花。
誤解三：照嘅時候會唔會唔舒服？照完後，麻醉藥過了會唔會好痛？
檢查當日，就好次發咗一場夢咁，我同一時間做埋胃鏡，全程只是45分鐘左右，麻醉師打咗D奶白色的藥水之後，唔洗1分鐘就瞓咗，醒咗之後，有個靚女係我耳邊講話我無事，哈哈…..原來係👩⚕️醫生大人！照嘅時候無感覺，麻醉藥過後好快醒返，仲可以打死🐯又唔會好暈，都無任何唔舒服添。
有D戰友問，你50歲喇咩？做咩要去照大腸？
一睇就知我未到50啦！問題係，自從食咗情緒藥，就有便秘尼個副作用，間中大便還有少少血絲，畢竟，早D檢查，可以放心D。提提大家，如果你有家族有腸癌病史、大便間中有血或不正常，就要向醫生查詢需唔需要做檢查喇！
整過腸胃檢查咁順利舒服完成，都係要多謝醫生大人的手勢好和法國醫院的醫護人員照顧，無言感激🥰
