【山城戰線要人！聽日5點前填授權票/填出席Form】
關於中大校友評議會選舉，我想講幾句。
首先，我要同大家鄭重道歉，由於我辦事不力，未能夠順利參選評議會主席一職，我深感抱歉。我一路諗緊，到底我應該叫大家點投票。李軒朗、盧俊宇參選常委，我一定會義無反顧全力支持，因為佢地嘅信念、對中大事務嘅理解，我相信佢地都能勝任常委職務。至於主席一職，我一路思考緊點樣去同各位交代點樣投票。經歷上年中大畀警察圍攻，我覺得山城戰線必須要全力以赴去打，主席應該要由開明派去打。楊于銘係我一開始願意支持嘅人選，但後來種種事件令我抱有極大懷疑，所以我收回對佢嘅支持。奈何今日我冇辦法參選，所以只能二揀一。相對而言，楊于銘係比較接近開明派校友嘅立場，亦都願意作出承諾。佢嘅失言，我冇可能完全擺埋一邊既往不咎。但係大敵當前，我願意因為佢作出承諾，而含淚支持。各位中大校友，我地如果有足夠票數推佢上去，自然有足夠票數拉佢落嚟。所以，最後我呼籲大家投票支持主席楊于銘，常委請全投李軒朗同盧俊宇，令開明校友聲音可以帶入評議會！
請各位中大校友廣傳下面訊息：
三步跟住做，守住山城！
有咩問題亦可隨時PM搵我幫忙：
1️⃣首先填表格出席/授權：https://bit.ly/31ZpIfO
2️⃣7月10日下午5時前以郵寄、傳真或附件方式電郵送抵中大校友評議會秘書。
郵寄：「新界沙田 香港中文大學富爾敦樓 3 樓 301 室校友事務處 轉 中大校友評議會秘書」
傳真：(852) 3942 1026
電郵：convocation@cuhk.edu.hk
3️⃣7月18號下午3點到李兆基樓6號演講廳出席投票
中文電郵附件 在 請查收附件中文在PTT/Dcard完整相關資訊 - 小文青生活 的推薦與評價
關於「請查收附件中文」標籤，搜尋引擎有相關的訊息討論：. 【詢問】email請查收- 自助旅行最佳解答-202101272021年1月27日· Google Playhttps://play.google.com › tw ... ... <看更多>