【 #港式戀愛日常 - 女朋友問咩話係叫我見好就收】
是咁的，小弟女友時不時都會突然積極向上，平均每幾個禮拜佢就會突然同我講：「BB！我覺得我唔可以咁樣再頹落去，唔係我呢世人就白過」，下，唔通想飛咗我試新嘢，咁我就問佢想點啦～ 原來佢係話決定由聽日開始充實自己，每朝早起晨跑再返工，雖然我內心大笑咗幾聲，不過我表面上都表示G持嘅～
.
如是者佢跑咗2日，我今日起身竟然見佢仲瞓緊，我就拍醒佢問：「BB唔係話晨跑咩？」，然後佢嗯咗一聲，問返我咩話。拿，咁我咪再問：「我話，唔係要跑步咩？」點知佢突然捉起我衫領同我講：「太攰唔可以抖下㗎？問1次咪算囉！咁你問2次咪好威？」，然後轉身繼續瞓...
.
嗰下我終於明，原來女人問咩話，唔係真係聽唔到，係畀個機會你咪再講（又稱收皮）... 不過男人點知姐，我平時問咩話係真係想你講多次，女人心，海底針呀！
.
#之後佢就無再繼續跑步 #改為同我食早餐 #或者直接瞓到鋸鋸聲 #充實 #積極 #跑步 #香港 #戀愛 #曖昧 #情侶 #愛 #愛情 #愛情語錄 #女朋友 #男朋友 #女生 #男生 #拍拖 #拍拖活動 #搞笑
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
