話個秘密俾你知。。。
有一晚，小林爸好肚餓想食宵夜，小林媽唯有衝入廚房去解決佢嘅要求 😑，當我拎住一碗熱騰騰嘅嘢行出嚟時，小林爸已經好大聲講咗一句；「嘩！好香呀！」，之後佢餓狗搶屎咁食，可能佢好肚餓啦，食完先至嚟問我：「老婆，點解你可以咁快整咁大壇嘢出嚟嘅？又唔係隔夜餸吖？」🤔。。。
男人真係易呃，小林媽笑爆個嘴！😆 話說前排有個朋友送咗幾包嘢比我食，有龍蝦湯啦，有南乳花生豬腳啦，有慢煮沙嗲牛展同埋紅棗醬汁燴豬軟骨，一包大約一人份量，可以成包掉落去熱水度煮熱，好方便，要知道煮呢啲餸菜要花一定時間，小林媽覺得用嚟做一人宵夜真係好掂，好好味，又好滿足！
之後，小林爸好雀躍咁試哂咁多款，款款都好好味，之後再拓朋友入咗啲貨，以備不時之需 (意思係當小林媽發脾氣罷煮嘅時候 😤)。最重要係香港製造，而我又睇過包裝上寫住不含味精同防腐劑，味道真係有如品牌個名，有星廚嘅味道。不得不同大家分享，用嚟煮麵真係一流，特別係個沙嗲牛展，入加通心粉，絕對好味過茶記嘅感覺！豬軟骨加埋湯米粉好好味！兩款做撈麵亦都得！小林媽最鍾意食豬腳，佢個皮就算翻熱咗之後食落去都好爽韌，可以周時補補骨膠原 🥰。
好嘞！今次開心分享完畢！
#今次唔使食譜仲要唔使煮㖭 😆🤩
#一包可以KO屋企個衰佬
#一人餐唔使搞咁多嘢都食到星廚味
