［甚麼我都有預感］扯，騰訊配股，一早知啦！但知又點？（＊）
TLDR：拿，呢啲就大戶手影啦！「超你3月22號又唔講」「我當時都唔知」「但好過有啲人而家都仲未知」
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，已成失業人士。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
1. 係真喎，舊文（費事搵）已經教過你，數花嘛，睇花紙。CCASS嘛，當然識睇就唔睇官方，睇David Webb，有整理埋啲數據（https://bityl.co/6IhX）。而當然識玩嘅，知道係讀「思-CAS」，唔係C-C-A-S-S
2. 但真係的，睇圖，我唔知新聞有冇報啦。但你睇得返，3月22日，同埋3月26日，摩根史丹利增持騰訊股權。一日就多咗1%，一日就多咗2%。以騰訊一間市值6萬億嘅公司（你可以數下地球上有幾多間公司有呢個市值），係好大嘅數字。「唔知頭唔知路仲以為仲大利好添呀」
3. 但當然，你只要搵個有啲財經常識嘅人（例如本人Patreon）就會話你知，投行渣貨有好多種，可以係自己其他業務，可以係代客泊車。前者嘛，例如幫你包銷啦，或者發輪啦，記得嗰時瑞信定瑞銀，有隻匯豐輪，發到自己要增持匯控掃到5%樓上，對沖嘛
4. （定你咁戇鳩以為投行要「睇好」，「睇淡」隻股票？我寫過無數次，以前輪后出書都講，「輪商唔係同散戶對賭」，事實係喎—根本食撚硬你，使乜同你對賭？同人對賭呢啲太low了，桑哥開賭場，使乜賭贏你？我記得佢問蔡一傑（拍戲啦），蔡一傑都話，賭方面有其他專家啦）。我擺平啲官黑商，開個賭場根本就係印錢，使撚同你對賭。輪商情況一樣，做銀行都一樣）
5. 但講返代客泊車，nominee嘛，你用恒生買1137，買幾億都好，人地都係見到恒生係股東，唔係你。當然你可以轉出嚟自己名，亦可以要求恒生畀你去股東會。
6. 咁投行呢啲股權，明眼一睇就知代客泊車。正如之前我記得JP Morgan試過「增持港交所」去到超過5%，都係因為呢啲嘢又加埋自己啲業務咁，係喎，我可以有幾百個客，加埋夠5%嘛（＊＊），但當然呢啲情況唔當犯法。
7. 好啦，大摩呢3%，當然係代客。但邊個客？「其實都冇幾多客有3%客」。留意咪，咁你估有出有入嘛，啲貨邊度嚟？係Non CCASS嘅東西—係喎，股票唔一定要放CCASS 嘛，自己貼牆紙都得。咁，呼之欲出啦，咪南非佬.當然最後今次單配股都係大摩做
8. 另外，識睇，睇日期啦。2021年3月22日咩日子呀？哦你唔知，咁問下，2018年3月22 號咩日子呢？咪就係南非佬第一次減持，震散市場咯（https://bityl.co/6IiE）。嗰時話3年內唔再減持嘛，2021年3月22日咪剛好夠3年咯！即時做嘢啦！等多日都嫌耐
9. 咁點解當時冇人講？唔知，或者有但我同你都漏咗。事實David Webb個site每日都有報告，所有大嘅變動都會睇得到，但當然你同我呢啲有正常生活嘅人唔會去日日睇
10. 但咩人會睇？投行分析員，就當然應該知道啦。甚至2018年時佢應該mark定3年後嘅日子啦，如果係cover騰訊嘅，照計全部都會知就快夠期，就算佢唔知都會有客問過佢。
11. 但，就算你知又點？今年3月23號，騰訊630蚊，你去沽空呀？而家咪又係咁嘅價。況且仲要4月1號（長假前）一棍由610蚊抽到654蚊。所以，知咗都未必有用，況且人地轉咗貨，又唔等於即時要沽。根本可能就係見4月1號抽高咗，先決定呢個位沽落去。
12. 得著？冇乜架。但，你見ADR，騰訊都守在600港紙樓上，連個配股價都冇穿，真係「貨源盡在強者之手」。一跌落去就大把人爭住買啦。
（＊）都係返返去我成日講嘅一個故事。當年我啲中學同學打籃球，咁摩門教士唐長老好鍾意去波地踢人入會，就用籃球同佢地打開話題。咁呀唐長老（白人嚟的）都幾好波的，著住恤衫西褲皮鞋都係咁打（但，我啲同學都係咁打架啦，係冇打呔之嘛）。然後佢露兩手後呢，就同我同學講，「不如我教你入樽」（唐長老當然識講廣東話）。我嗰位五尺四嘅同學回佢一句「扯，入樽之嘛！我都識啦！不過入唔到之嘛」
（＊＊）In this case點解重要？因為港交所係pseudo quasi de-facto 國企，冇FS（波叔now）批準，冇任何人或法人可以渣到超過5%。唔小心或霸王硬上弓買咗咁點？好簡單啫，你用手拍個波入網會點？咪就係你個 stake冇效，嘔返出嚟，兼且罰錢起碼，釘牌亦得，唔知會唔會刑事添。
＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折
＝＝＝＝＝＝＝＝＝＝＝＝＝＝
代客泊車犯法 在 【嚴厲執法• 打擊黑社會代客泊車非法行為】... - 香港警察Hong ... 的推薦與評價
行動中，警方鎖定區內26名涉違法代客泊車成員，當中包括七名非華裔男子，他們分別涉嫌「勒索」、「刑事恐嚇」及「盜竊」罪被捕。同時，警方在區內代客泊車黑點進行交通 ... ... <看更多>