《 #巧生活 — #孩子跌倒如何是好》
#1至2歲嬰幼兒 #學步 時間腳步不穩，或者未能同時兼顧手腳協調並眼看四周，都會容易跌倒，孩子跌倒只係等閒事，而且係 #學習過程，大人唔好急於奪去佢地成長機會。既唔想孩子受傷，又想孩子 #學習堅強，有以下三個重點。
第一， #確保環境安全。保持屋企 #地板簡潔，唔好擺放太多雜物，玩具、圖書都要放好。另外，要盡量保持 #地面乾爽，倒瀉液體或粉狀要立即清理，如果拖完地未乾，就要安排小朋友係另一個乾爽既空間玩。枱角同櫃角要貼 #防撞膠，電線都要收好，唔想小朋友接觸既物品同利器要放係隱藏而且較高既位置。屋企未必需要做到一塵不染，但起碼萬一跌倒都不致頭破血流。
出街比小朋友落地行都係用同一原則，安全第一！停車場我唔會比呀女落地，一來地板粗糙，二來倒車、泊車其實會有盲點位，跌倒係可以致命。馬路同扶手電梯我都會抱住呀女，佢地同屬高危。相反，公園既地面雖然粗糙，但跌倒唔會致命，而好多商場地板都好光滑，跌親都未必會受傷，我會教呀女要眼睛望前面咁行。
第二， #判斷孩子狀況。有冇生命危險？有冇傷及筋骨？有冇能力自行起身？如果已經遠離高危地點，就可以撇除對生命既威脅。如果小朋友情況比較嚴重，可能真係會痛到起唔到身。但更大多數情況，小朋友其實傷勢只係好輕微，甚至幾乎冇任何損傷。
第三，給予適當回應。萬一小朋友真係跌倒，無論任何情況，大人都要 #保持冷淨。由呀女識行開始，我已經開始提自己要保持冷靜，佢次次跌倒，我個心都離一離，內心高聲尖叫，但面上會保持微笑。如果小朋友真係傷得比較嚴重，冇能力起身，大人可以扶起小朋友，一邊處理傷勢，一邊給予安撫（切記唔需要過度）。
更多情況係，小朋友係有能力起身，大人無需太急於抱起小朋友，只需 #以溫柔語氣鼓勵：「好！起身先！拍下膝頭，無事！」確定小朋友無礙後，需要 #進行檢討：「頭先跌親係因為巧兒向後望，眼睛無望住前面」最後，#提出改善建議：「一陣行路既時候，眼睛望住前面，咁就唔會跌架喇。你做得到，加油！」
父母如何回應直接 #塑造小朋友價值觀。如果父母完全唔理會小朋友跌倒，小朋友會誤會父母對自己漠不關心，長期下去，會安全感不足，變得比較膽怯同消極。如果父母嘲笑小朋友（多數都係以開玩笑作出發點）：「你咁渣架，行平路都跌親」，小朋友會積累憤怒，日後有機會成為欺凌者。如果父母把責任推給地板：「地板曳曳，媽媽打打」，小朋友就學會推卸責任，埋怨環境。如果父母能夠讓小朋友感受被關心，又知道如何改善，佢地就能夠 #滿有自信 地 #從錯誤中學習。
💡其他好文回顧💡
《巧巧成長—點解爸爸媽媽要返工》bit.ly/parentsgotowork
《巧巧成長—接納孩子的恐懼》bit.ly/allowsfears
《巧巧成長—Trouble 2 變Lovely 2》bit.ly/trouble2lovely2
《巧生活—慶祝節日的教育意義》bit.ly/celebratingfestivals
《巧生活—戒奶咀》bit.ly/byebyedummy
《巧生活—工人姐姐不能取代父母》bit.ly/helpercantreplace
——————————————————
❤️Like Facebook專頁 www.facebook.com/daniellemamaedu
一齊分享家庭教育、親子活動、有趣玩意
以溫柔語氣鼓勵 在 老味鋪卡哩卡哩- 老味舖祝 各位爸爸父親節快樂 ... - Facebook 的推薦與評價
... 小手 在學習的路上失敗了， 依舊用寵溺的眼神、溫柔的語氣鼓勵我們繼續往前這些記憶雖然模糊，但心裡依舊清晰可見 他們在我們面前像一顆屹立不搖的大樹 . ... <看更多>