關於 仲有一班上網識人扮關心再sell課程同產品的人渣 ，我們在網路上蒐集到這些相關的討論、資訊與評價

#婊揚好人好事

正所謂你唔搞政治，政治會黎搞你。我以為會搵上門嘅麻煩，只係政治，但是原來除了政治外，仲有一樣野係會主動搵上門：傳銷。

話說早兩日屋企人突然問我：有冇聽過某J字頭的公司？

我臉色一沉，通常咁樣劈頭問落黎，都唔會係啲咩好公司。係好野嘅話，以香港呢種咁鍾意出攻略同跟風再互抄的媒體生態，我地係無可能會唔知嘅。原來我家人早前到了他們的講座，當中他們很努力推銷公司的前景，卻沒怎樣推廣他們的產品。我的家人一方面覺得「都唔係咁hard sell」，但另一方面又覺得好似有啲問題，所以就走黎搵我起個卦趨吉避凶。我稟完google神大後，唔駛標童都知瀨左污糟野啦。

我第一時間估呢間野係傳銷，網上search一下，我＿，真係傳銷。

其實，sell前景而唔sell產品，唔令人覺得hard sell，係洗腦的第一步。畢竟要sell人先要sell自己，將黎聽講座嘅人變成自己的sales，到時候唔駛佢公司主動提，啲sales都會乜S都幫公司買、就算明知係S都會sell。

好啦，講起S，我就順手講下一隻好多傳銷公司鍾意推的健康產品成份：白藜蘆醇。

基本上都係吹到有病醫病、無病強身，駐顏美白、返老還童，係架，如果返老還童係由智商黎講嘅話。

「白藜蘆醇」好似好冷門未聽過？咁「法國人成日食牛排同薯條，但因為飲紅酒，所以好少有心臟病」，你聽過未？（拿，我唔係話紅酒對身體無好嘅影響，你唔好塞字入我口呀）有個來自美國康涅狄格的學者Dipak Kumar Das，就認為原因係在於紅酒裡的「白藜蘆醇」成份，於是就宣稱「白藜蘆醇」能夠對人體有不同的益處。

每次講到呢度，一眾吹銷員都會陷入集體高潮，彷彿他們都學了嗑藥老祖宗嫦娥，high到上月球了。如果故事黎到呢度就結束，呢個世界就真係太完美了，但可惜「想得這麼理想，早註定有劫數破壞甜夢一場」，翻查維基百科，「2012年康涅狄格大學開除了畢業於印度的Calcutta University的Dipak K. Das教授，因為他在白藜蘆醇的研究中造假……關於紅酒中的白藜蘆醇Dipak K. Das總共發表了150篇文章；但是康涅狄格大學調查發現多於150篇是偽造數據的，其中包括他開除之前2012年1月的文章。」

陰功豬… 原來全部都係假嘅。

我明架，一定係康涅狄格大學妒忌呀印度教授，所以砌佢生豬肉，係咪？而有趣的是，掌握了如此神奇物質的教授，竟然67歲就死了。雖然死因不詳，但若果是刑事的話，一定是大新聞，能掩蓋得如此周密的話，就幾乎可以排除他殺或交通意外等外來死因了。到底，他是吃了「白藜蘆醇」，結果67歲就釘蓋；定係其實佢本人都冇食開「白藜蘆醇」？

就事實來說，佢本人都非常偉大地以身証道：67歲就蒙主寵召。建議一眾67（拿！我無講粗口架），不，吹銷員努力向教授學習，加入67黨，解決香港人口老化問題。

好啦好啦，我知道一眾吹銷員依家一定好嬲我抵毀你地嘅「白藜蘆醇」，好都幫下你地講好說話啦，我繼續翻查wiki「Howitz及Sinclair 在《自然》雜誌上發表了白藜蘆醇延長酵母菌的壽命的論文，隨後的研究採用爬蟲、果蠅及老鼠為樣本，也有類似結果」

原來有效架！前提係如果你係果蠅同老鼠，就有效架啦！作為社會垃圾同人渣，同呢啲害蟲其實都冇乜分別，我絕對真心相信你地食左白藜蘆醇後，唔止駐顏強身，隨時連大腦都可以再次數段發育，智商飛躍提升，達到輕度弱智的水平了。

認真補一句：到2011年為止，還沒有足夠證據證實白藜蘆醇可以延長人類的壽命。

#一到夏天就好多呢啲野
#吸納學生
#搵新水魚
#留名等睇吹銷員衝出黎護航
#仲有一班上網識人扮關心再sell課程同產品的人渣
#我遲下再出文婊揚
#依家依家係咪正常食野就會死
#人人都要健康攻略
#唔好加班咪健康囉