看透篇👍👍👍
【CLINIQUE特約：Cleansing is Clarity・看透】 伍詠薇
世界可以係一塊鏡，令你淨係睇到自己；亦都可以係一塊玻璃，所有嘢你睇通睇透
伍詠薇21歲嗰年，本應係女神盡情享受收兵嘅年紀，佢選擇咗結婚。不過，結婚第13日，第一任老公心臟病發。佢嗰幾年黑過黑澤明嘅戲劇性人生就開始喇。人人死老竇死老婆都係得到同情同安慰，而當時伍詠薇最重要嘅親人過身，佢話當時成個世界對佢嘅comment係：「貪錢、剋夫、害死老公、劏豬櫈」，做女人都真係幾慘。嗰幾年佢出街都會畀啲師奶指住嚟鬧，話佢不知幾開心剋死咗個有錢老公啦，係呀，香港人真係會周街鬧一個你其實唔識嘅人，好似人哋去你屋企掐死咗你老公咁。後來啲人慢慢睇到佢演出嘅努力，得到媒體肯定，成個世界又由對佢由一面倒嘅批評變成欣賞，突然行出街又畀人讚返。佢睇透一個事實：「吖呢個世界都幾荒謬」，笑一笑，個心又輕幾両。
經歷就好似清水咁慢慢洗走心靈嘅霧霾，好似洗完面一樣，留低生命嘅光彩
上個月老公畀人影到同第二個女人過從甚密，佢即日出嚟處理家事大方得體到令人嘆為觀止。佢第一時間諗件事可能自己都有責任，可能係自己掛住拍嘢冇時間陪老公令佢要出去識朋友。不過真係冇返去鞭打佢？冇。佢話如果個人係有心留喺自己身邊，呢啲小事算得係咩？如果冇，咪Let go，哭鬧都冇意思。生離死別都經歷過，呢啲真係算小波折。如果你想同一個人一齊得開心，何必放大問題令佢唔開心？伍詠薇捉住老公隻手：「如果我哋想細水長流，我哋一齊努力吖」，老公冇出聲，望住佢，然後攬實佢，唔使講嘢，兩公婆明晒喇。有咁嘅老婆，男人仲想點，不過各位巴打都係唔好亂試，因為你老婆唔係伍詠薇。
伍詠薇最後話，嗱咁又千祈唔好睇化喎，睇化晒團火就熄㗎喇，唔係你嘅就由得佢，係你嘅就梗係玩盡佢啦！咁至係人生嘛，哇，伍姑娘，真係世事被你看透了。
By the way, 廣告時間：CLINIQUE「水磨砂」溫和潔膚水，潔面後，一抹即去除每日積聚嘅角質死皮，一掃晦暗，重拾透亮光采嘅肌膚。你都立即去死皮: http://mailer01.net/1/8fuXvc5
#CLINIQUE #溫和潔膚水 #一步新轉肌
