其實，都講左好多次，做咩一個樓盤本地人唔買，要山長山遠黎俾香港人買咁趣緻？
係囉，鬼佬唔識貨，最叻都係香港人獨具慧眼是吧？大佬呀，你望下人地國家，一大條唐人街，大把香港人，人地炒樓炒地炒到風生水起，如果有著數，你憑咩覺得一眾移左民嘅海外香港人會唔自己買左先，要俾個機會你財務自由？
當然，你個別一間兩間屋去買，都尚算自己做足功課狩獵回來，可能真係會有點斬獲也說不定。但這些一口氣成個盤推出市面，就肯定有問題，到底發生咩事，先會搞到本人地完全不感興趣，要這樣隔山賣牛？
維尼主席講過「中國人不打中國人」，但他忘了告訴你「中國人專呃中國人」，豪華、高檔優雅，人人的理解都不同，但我倒是想知道有哪一個香港人會覺得間屋爛成咁，可以配得上高檔優雅呢四隻字？說好的底線呢？
總的來說，出國投資還是需要自己做足功課，有時候收益聽落好似好多，但唔好忘記，外國稅可以好重，仲要可能搵當地的會計師幫忙報稅，一來一回，隨時只能打個平手。
告訴你吧，全世界最好炒樓嘅地方，三甲之內必定有香港。大家就唔好身在福中不知福，有香港樓唔炒走去炒人地啲樓。己所不欲、勿施於人，當你在大叫強國人炒到你買唔起樓的同時，你又走去炒人地國家啲樓，施主，何苦呢？
最後，我有聽聞倫敦有個盤，話市中心豪宅樓花一大棟，四十幾萬鎊起有交易。我就無謂打爛人地飯碗啦，但只能講句：倫敦以至全英國咁多人都唔買，點解好野要益你？大家睇路啦下。
#瑞士山區屋
#我其實好佩服香港點解咁多人有錢俾人呃
#送百萬當係碎銀
#但平時買衫買菜又會驗屍咁驗揀完又揀
#咩邏輯
#我都好想有幾百萬可以俾人呃下
近年不少港人轉投海外物業市場，傳真社早前接獲逾20名市民投訴，懷疑受物業代理誤導，以最高市價4倍買入美國休斯頓的破舊別墅，涉款1,800萬港元。傳真社就此展開調查，發現有買賣合約列明買家放棄法例保障。涉案的美亞置業3年間在休斯頓已售出3.4億元物業，警方估計涉及近百受害人，去年6月以涉嫌串謀詐騙拘捕董事長梁健立等5人，但未就行動向外公布，公司至今照常運作。警方未有回應公布拘捕行動的準則。
足本報道：https://bit.ly/2RG6gjq
加入月捐，撐起真相：https://factwire.org/backus/
報料：Whatsapp/Telegram 9639 7479
