Search
【唔係一句對唔住大哂㗎！】
其實男朋友激嬲女朋友，除咗講對唔住之外，仲可以做咩？🤦
阿冰 - PingpingNg JefferyKwan - 阿J 程人富 童童
#睇到最尾呀 #求教呀各位兄弟 #YouTube個片尾有童童呀冰真情剖白 #佢地討論得好激烈 #對唔住呀各位女朋友 #同一做法不同命運 #記住搶先看 #Pomato #小薯茄
----------------------------------
快啲上埋我地YouTube睇下啦，啲片尾係唔同㗎！
仲有限定片睇呀！
https://goo.gl/cdCiUR
(Caption入邊有絕密內容）
之前我哋出咗一個 post 係關於 謝安琪 Kay Tse 喺某個表演入邊耳機失靈，造成佢係極艱難嘅情況下完成嗰個表演！
到目前為止，嗰條片係Facebook有超過400萬views 同超過1600個comments.
部份網民認為「就算無左 Ear Mon，都唔應該影響表演，以前啲歌手都冇㗎啦!」或者「唱歌要用Ear Mon 即係唔夠勁!」因而引起激烈討論！究竟呢啲講法係咪真嘅呢？
有見及此，谷Live為咗俾一個專業嘅答案大家，請左有20年經驗嘅 資深演唱會音響工程師 Frankie Hung，佢主理過無數大大小小演唱會音樂會，相信經過佢解釋之後，大家都唔使再拗啦！
今次呢條片，得以完成仲要要大大力多謝
Dear Jane
Warner Music Hong Kong
全靠佢哋借出《Dear Jane Yours Sincerely Live 2019》嘅舞台，我哋先可以咁全面解釋比大家聽！無言感激
最後希望大家睇完條片之後，好好記住每個表演入邊台前幕後都會打醒十二分精神確保演出嘅質素！
除咗歌手樂手專業之外，其實仲有好多幕後功臣！大家要記住啦！
多啲鼓勵多啲欣賞！廣東歌先可以繼續發揚光大！
《絕密公開》
呢條link係對比舞台上同舞台下聽到嘅聲，好大分別㗎，唔信你自己聽下：
http://c2.wsp-service.com/musiclivevalley/台上台下.mp4
#下次有咩唔明直接問我地 #唔使估估下 #香港音樂人 #香港製造 #MadeInHongKong #廣東歌 #香港人撐香港音樂 #撐廣東歌撐谷Live #香港音樂 #Kay真係好型
12月1日是「世界愛滋病日」，今年已經踏入第30周年。「愛滋病基金會」最新一份調查結果顯示，有受訪者首次性接觸的年齡僅11歲，超過一半人進行性行為時未有使用安全套，而他們平均相隔約三年，才接受愛滋病病毒抗體測試，最長為十六年，情況令人憂慮。
講起愛滋病，香港人的印象是怎樣？
「以前喺街派傳單，啲人見到係『愛滋病』呢三隻字，佢就唔會要，我諗你派十個可能只得一個接。」從有十多年預防愛滋病義工經歷的何永康(Howard)的分享中，或可側面窺探到香港人對此的態度。
愛滋病觀念保守 大廈不准機構「落水牌」
「我七月嘅時候去咗阿姆斯特丹參加世界愛滋病嘅會議，同好多唔同國家嘅人交流，我發覺亞洲人係特別難做愛滋病預防，譬如佢哋嘅海報好大膽，就咁『AIDS』都可以出，但(預防愛滋病)機構好多時候都唔可以(喺大廈大堂)『落水牌』。」Howard無奈地說。
Howard自言對預防愛滋病教育有很大的情意結，皆因自己在中學年代遭遇學業上的挫折時，機緣巧合下在學校的活動中，接觸到「青少年愛滋病教育協會」，從小酷愛話劇的他，有機會在協會中發展興趣，更在他心中播下種子，促使他兩年前創立「選擇劇場」，希望用較軟性的手法推廣預防愛滋病教育。
「選擇劇場」滲入愛滋病元素
「『選擇劇場』希望觀眾喺當下，如果你係一個主角，你會點諗。」Howard解釋，普通舞台劇是較單向地向觀眾傳遞訊息，「就算係留白都好，觀眾嘅角度都係設計好。」而「選擇劇場」則設環節，容許觀眾討論及投票決定劇情發展，「如果觀眾可以影響劇情，係會更加投入同將心比己，『如果我係主角，我會點幫佢揀呢』，觀眾愈投入嘅話，教育成份嘅效果會愈高。」
為了推廣預防愛滋病教育，Howard在「選擇劇場」中滲入愛滋病的元素，例如讓觀眾決定劇情中一名教師，是否公開自己患有愛滋病，「討論嘅時候係好激烈，投完票、完咗件事後，好多人留低繼續討論，『如果我揀綠色(公開)劇情會點呢，紅色(不公開)又會點呢』，佢哋會想知另一個結局會係點，呢個效果正正係我哋想要，我唔需要佢哋搵到答案，但起碼佢哋曾經思考過。」
透過藝術降低恐懼 冀擴闊觀眾視野
Howard又表示，藝術可以有一個安全距離，讓在議題上比較無知的人，有一個機會嘗試接觸，而很多人因為舞台劇認識愛滋病，因而降低了恐懼，「要觀眾完全唔驚真係無沒可能，但我希望畀個窗佢哋望吓，呢個窗好多時都係閂咗，但如果我開到窗口畀佢自己望一望，我覺得已經做到公眾教育嘅效果，而呢個窗可能遲啲會變成門，可能佢真係會行出去，可能我哋真係喺公眾落咗啲種子。」
感染個案年輕化 大眾由驚恐變輕視
然而在香港推廣預防愛滋病的挑戰，又豈只於保守及認識不足？Howard有留意衛生署衛生防護中心有關愛滋病的報告，引述去年上半年的報告指，愛滋病病毒感染個案有年輕化趨勢，29歲或以下的感染者，佔整體感染個案超過三成，情況令人非常擔憂，表示青年對預防愛滋病的意識不足，未有掌握保護自己的能力，甚至在朋輩影響下進行不安全性行為和濫藥。
「青少年愛滋教育協會」總幹事程翠雲，亦是當年引導Howard走出學業低谷的恩師，她有超過二十年預防愛滋病教育的經驗，表示早年大眾對愛滋病都很驚恐及有誤解，後來經政府大力宣傳下，情況有改善，然而據她觀察，近年市民是由「驚恐」變得「輕視」，「以前(愛滋病感染者)係成年人多啲，依家好大部分係年青人，而且係一群一群。」
她分析指由於互聯網的普及，現在愛滋病對於年青人的危險性更大，「因為佢哋喺網絡上嘅互動好大，加上性活躍嘅時間較早，喺保護意識唔係好高下，唔少人係喺網上認識然後群交，令年青人感染愛滋病數字上升。」
程翠雲補充指，一直在找好像Howard這樣的年青人，運用朋輩間的影響力，去做青少年的愛滋病預防工作。中心規定參與的義工，須先參與有關愛滋病知識的工作坊，透過參與戲劇等節目，年青人學到怎樣去保護自己，他們的朋友亦同時因為朋輩之間的影響，而減少對愛滋病的恐懼，從而加深認識，達致教育的效果。
今集《港。故》用6分半鐘，帶大家走入「選擇劇場」，讓大家認識愛滋病之餘，也代入患者的角色，易地而處地想想會做怎樣的選擇。
-------------
《港。故》：東網每周專題習作，講故事、講香港人的故事，請關注《港。故》FB：http://bit.ly/oncckonggu_FB
Follow埋《港。故》IG，睇更多精彩靚相：http://bit.ly/oncckonggu_IG
