Search
有煩惱的話，
究竟諗唔諗好？
你會選擇諗定唔諗？
有時同朋友傾計 講下煩惱
大家都會話：唔好諗咁多啦
其實諗深一層⋯⋯
都係！唔諗就唔洗煩～
不過長大的世界跟小時候不同
唔係唔諗就可以逃避
就算唔諗都係要面對
試過一次突然好煩惱
走去同朋友傾計
越傾越大壓力
好似放大咗個煩惱咁 講到已經想喊
但到咗一個momemt 好似氣氛唔同咗
一邊傾自己呢段期間失去了甚麼
一邊察覺到呢段時間自己其實都得到好多
好似⋯⋯情況也不算太差⋯⋯
反而覺得現況也好像不錯
畢竟比上不足
比下有綽綽餘
講咗咁多！
我嘅結論係⋯⋯
如果煩惱的話 又控制唔到自己唔諗的話
那。就。盡。情。諗！
諗清諗楚自己嘅處境
係咪真係咁差！係咪真係冇彎轉！係咪已經冇晒辦法！
逃避⋯⋯又係咪其中一種辦法？
諗啦 慢慢諗～
很多時情，真的是一念之差
想通了，「煩」就變「順」了
今天很開心🤍
📸： @wongkitian
#macau
阿妹，想食乜！同你介紹返咩係菜！
亂鳩咁黎系列，啊，應該係全職炒散系列話做就做，今日，我係菜檔陪同店主賣左半日菜，真係眼界大開，唔講太多，去點！
1）是日任務，賣菜！地點，屯門新墟街市，下午時段
2）政府街市，非領匯，檔口係兩個連位，目測菜品種類超過三十款，每款都唔算多
3）第一單生意，菜芯，一斤，廿蚊（覺得貴？咁要睇埋落去）
4）首先介紹返店主先，八十後，用五百蚊入行，零晨五點係街市前走鬼，然後投標入左街市擺檔，新墟檔口已經有八年歷史
5）店主只有一人，無請員工，返工時間，未發達前，凌晨四點幾五點，到晚上八點，幾乎你收工就要返屋企訓等聽日再開檔；發達後，朝早七點半，去到檔口叫早餐嘆，六點收檔走人
6）賣菜都會發達？一日搵幾多？黃金年代一日純利四五千走唔甩，今日就唔同講法，想知今日埋數賺幾多？慢慢睇到最後一點
7）如果想入行賣菜人工幾多？店主分享，你連菜芯同芥蘭都唔識分咁做，都一日700，當你熟手，甚至一手就可以精準拎到一斤菜時，就由一日900－1200不等，但你要搬菜，無體力請自重
8）有冇假放？你見街市有冇休息？幾乎只放新年，唔好講周末假期，長短周，連紅日你都要返工，店主聲稱只會去旅行時先會放假
9）付出咁多，你得到咩？養妻活兒，買樓唔太大既樓絕對無問題
10）睇到呢度，想入行做店主？請睇後面，會講晒所有條件比你聽
11）開始你問我答環節，咩季節食乜最好，低級問題，夏天食瓜果豆，冬天就菠菜豆苗西洋菜西芹粟米蘿蔔
12）菜芯公價係幾多？無所謂公價，唔同地方有唔同價錢，同樣係菜芯，由貴至平既排列大約如下：City Super，一田，大型連鎖超市，街市「執」菜檔，街市「唔執」菜檔，街邊大型菜店（夜晚會放晒出黎一份份平到五蚊有交易個種），而店主既菜芯係20蚊一斤
13）五蚊斤菜芯其實你都買到，點解店主會賣20蚊斤？上面講到一個「執」字，會執既菜檔普遍都貴，因為店主會將唔靚既菜頭菜尾都幫你處理好，唔好睇同壞既菜會丟左，你返到屋企只需要洗一洗就可以直接煮，有別於「唔執」檔，其實佢地有三分一都用唔到，佢貴係貴在個人工錢（其一）
14）有機菜合集，點去分辨有機菜？當你發現檔口有一大個「有機產品」Logo時，佢先「有機會」係有機菜，無Logo就一定唔係，想保證有機，請去大型超市就一定唔會呃你
15）有機菜係咪無農藥？錯，有機菜都有機會有農藥，只係係規管下你唔可以用多過幾多農藥，就算你食有機都「可能」有農藥使用過
16）有機菜係咪好食D，店主話根本難以分辨，味道口感同營養都唔係因為有機同無機而出現分別，你覺得有機菜好食既就食有機，開心就好
17）店主係咪賣有機菜？唔係，但店主主要係賣本地農場既菜，亦因為咁，呢個係佢貴過外面既原因之二
18）本地農場係咪好食D？唔一定，但一定會比進口菜新鮮，因為係運送過程會比進口菜短好多，本地菜由佢收割到街市，大約一兩日，店主話，大陸菜芯係寧夏過黎，唔通飛機空運咩，陸路過黎，又要車程又要過關，黎到香港去批發再派貨，自己計放左幾多日啦，當菜新鮮，自然就無咁老咁多渣
19）幾點前買菜最好？中午前啦，中午後就開始有野賣晒，當然你食大路野都會比較易買到
20）幾多錢先送蔥？店主話真話係，睇佢心情，我見佢有時送蔥有時送辣椒有時送蘑菇，靚女係有多D野送（以我觀察）
21）超甜粟係咪真係甜？係，但你要確認到佢真係超甜粟，最簡單分辨係粟米粒有黃有白，如果粟米鬚呈銀色就係極品（我打開粟米見到有條死蟲，店主話呢種通常都會捐去食物銀行，黑心店就會切走照賣）
22）讀者你問我答環節，有部份我都答左係上面，蕃茄係咪個底有粒星就甜？唔係，最緊要紅同軟，因為熟到軟既先代表甜
23）有機菜係咪會多d蟲，係，因為用少左農藥，整體會「樣衰」過無機菜
24）點樣洗菜最好？浸，然後洗兩轉都夠晒
25）入貨有冇MOQ，你一百蚊都可以買，有錢就得，有機菜要買唔難，但你要再轉賣有機菜就要有牌
26）菜係咪一定要噴水，係咪呃秤？店主即時展示佢既霧化噴壺，噴完之後佢問我，你覺得重左幾多？點解要噴水，店主有兩個解釋，一，依家街市有冷氣，比冷氣吹到菜乾左會唔好睇同老，所以冷氣位一定會噴水；二，因為大家都理解有水既菜先新鮮，為左滿足大家既心態，佢噴比大家開心下
27）菜有水係咪好快爛？唔係，店主話，你條菜乾到無晒水份，你放幾耐佢都係咁，但一定唔係好事，水係有助保存
28）如果買左菜食唔晒點保存？浸冰水，溫度會令菜保鮮；想放雪櫃點好？浸完水，飛水，唔好滴住咁放入雪櫃，唔駛乜報紙啊保鮮袋等等，其實都差唔多，因為家用雪櫃有抽濕功能，所以放保鮮格係會有助菜保留水份
29）菜係咪海鮮價？可以話係又可以話唔係，之前講到，有機、無機、本地、進口、地點、有冇執過都會影響價錢，當一棵菜芯係你眼中只係菜芯，咁就係海鮮，但你知道佢係一條本地有機執過既菜芯時，就係物有所值
30）冰菜上面既冰係咩？鹽份，所以冰菜有咸味
31）點氹師奶？店主教路，男既全部叫老闆，女既全部叫阿妹，呢個問題係我聽到佢叫緊一個六字頭既阿嬸「阿妹」後問……
32）點打敗家農呢類菜品店？有錢，你有一百億既可以同佢鬥過，但店主表示自己有一百億不如收息嘆世界，點解仲要賣菜？
33）仲請唔請Partner？店主無意開分店，依家佢賣菜係興趣（從佢撩阿姐既行為中，我信佢係真心喜歡賣菜）
34）點解每種菜唔同價錢但收幾錢就咁快計到？店主話當你日日都計，計足十年，你都可以
35）芫茜同蒽點樣可以放得耐啲？店主無奈表示，食左佢啦，真係要放，冰水，曾經有客問佢菜可唔可以放兩個月，店主指左對面間菜乾店叫佢買菜乾
36）每日賣淨既菜會點處理？一，食物銀行；二，賣比餐廳，通常都唔會掉，收檔時我見佢薯仔、薑、蒜頭呢類貨會留之外，其他全部入膠袋，夜少少會有人收走送去餐廳
37）平均一斤菜有幾多利潤？唔定，愈大路既菜利潤愈少
38）有冇人收陀地？無，最多都係舞獅派財神，十蚊打發走個種（佢係政府街市）
39）老老實實賣菜係咪生存唔到？係，答案太長，下回分解
40）如果你想入行，可以點？店主表示，如果你可以申請到政府街市，一個月租金平到你唔信，只要你開舖都唔會憂，領匯就唔好諗，原因太長，下回分解；以佢舖位做例子，起動成本只係兩萬以內，是日入貨1052，本真係唔算多
41）如果聽日係世界末日，店主只可以食三種蔬果，佢會食乜？非本地系列：日本產香菜、法國番薯、荷蘭甜椒；本地系列：香港椰菜、荷蘭豆、扁豆（原來兩種豆係唔同）
42）有關點揀菜……篇章太長，我會之後再解釋，今日記野都記到我頭都暈
43）是日進貨成本，1052；是日銷售額（只計紙幣）3800
44）是日本人收獲，老細請左我食外賣，一條老細精心挑選既蘿蔔同粟米，同埋一堆聽極都唔厭既賣菜知識趣事，請容我叫老細一聲，師傅！！！！
作者的話，今日真係獲益良多……我對菜真係一無所知，比佢笑左我好多次，對於一個完全無架子，願意分享成行所有情報同潛規則既店主，仲完全不求回報，佢話唔好開佢名，以免比人點錯相！我代讀者們再一次多謝佢，而我都同佢講，我仲有好多問題想知，一定會定期再搵佢！
所以讀者們如果有問題想再問既，請留言！！！！！！！！！
如果喜歡呢個系列，同埋想感謝店主既分享，請比Like Comment and Share！！！！！店主有偷偷睇Post！
賣菜系列將會下周再來！而我亦準備做圖文版本，需要較長，敬請留意我既更新
《第一次搭叮叮》
♂：早晨
♀：早晨
♂：岑雪兒，我好掛住你啊……
♀：掛住我乜
♂：好多喎，你想我逐點講你知？
♀：免喇，肯定無好野講，你成日都蝦我
♂：今日係唔係又見你唔到啊？
♀：乖，唔好咁痴身啦你，呢d野應該係我做先係嘛！
♂：我有冇同你講過我都幾女人
♀：睇你寫野都感覺到，但估唔到你真係咁女人
♂：喂我有個哲學題想問你，一個男人，佢鍾意一個好似男人既女人係同性戀，定係一個好似女人既男人先係同性戀呢？
♀：定義黎講應該係後者
♂：但佢對於男人係完全無好感，要佢都覺得外表好女人既先會鍾意喎
♀：咁應該唔算掛
♂：我尋日睇左篇新聞，有個男人扮係TB去溝一個Les既，然後入左房先知佢真係男人，呢d真係新聞，完全係聞所未聞，我寫故事都唔夠膽咁寫
♀：證明你份人仲唔夠天馬行空，欠缺想像力囉
♂：咁我檢討下……
♀：其實呢……以前都有女仔鍾意過我
♂：唔出奇啊，你咁靚，男女通殺都好合理
♀：係嫁，以前我讀書係街都成日比人搭訕嫁
♂：我以為你係個種唔喜歡人地話你靚既人
♀：有段時間我都真係想人睇多少少我既內在美，個陣我特別唔打扮自己添，依家諗返真係覺得好傻
♂：靚咪靚囉，好客觀既事，我對於一個天生就靚既人強調自己唔係靚呢件事，會覺得好虛偽，謙過頭就係假喇
♀：我覺得人地只係講靚，只不過係內在美唔夠，當你內在美強到人地要讚嘆，覺得你再靚都無內在咁有講既意思時，先係最成熟既做法
♂：之前我睇過一套漫畫，有個平凡人好努力，佢問如果遇到一個同自己一樣咁努力既天才會點，答案係無解，依家我面對你就好似面對一個永遠都追唔到既目標一樣
♀：咁你有冇諗過，有醫生有律師有富二代有富一代溝我，但點解我最後都揀左你
♂：我有諗過，但我諗唔到答案，連我都說服唔到自己
♀：因為你比到我好需要但又從來搵唔到既野我
♂：咁係咩呢
♀：自己參透啦，如果你自己搵唔到個答案既話，我會好失望
♂：其實我覺得自己好平凡
♀：係，你個人睇落好自信，但心底裡好自卑，雖然你無講出口，但我感覺到，頭先你講既天才問題，唔係無解，每個人都有長處，呢樣你未必鬥得過佢，但可能係另一方面你比佢更有天份，人生唔係只有一條路，大家一定要賽跑嘛，做人要開心，最緊要係搵到自己適合既位置
♂：適合既位置……呢句講得幾好，等我記低佢先
♀：收你版稅啊！
♂：喂，咁今日係咪真係見你唔到
♀：我係中環收十一點
♂：我過黎搵你
♀：搵我做乜先，我有野要返屋企拎，聽日要帶去做野
♂：咁我送你返屋企啦
♀：真係送我返屋企？一陣返到去你又叫我去你度啊，我睇通左你喇！衰人！
♂：真係送啊，我對天發誓！
♀：好啦，你唔介意陪我一段路就可以
♂：等我安排，我十一點前到中環啦
♀：喂，我收工喇，你係邊？
♂：置地對出
♀：行緊過黎
♂：點啊，今晚呢個第一次特唔特別
♀：真係估你唔到……不過真係幾特別
♂：有人第一次見，特別唔搭電梯拖長個見面時間，咁我揀個龜速交通工具都係學你姐
♀：入秋喇，今晚無咁熱，我聞到秋天既味道
♂：如果太熱我唔會同你搭電車囉……一陣成身汗就難搞
♀：你覺得我地可以有幾多個第一次呢？
♂：理論上係無限既，有些微變化都會變成新既第一次嘛
♀：係，就算做同一件事，只係當中講左一句好特別既野，呢段記憶都可以好新鮮
♂：同你一齊我唔怕會厭，做乜都好開心咁
♀：你個衰人，做乜要發誓呢！
♂：等你今晚會掛住我囉，有時唔見比見到更令人難忘
♀：我真係鍾意同你send msg多d
♂：或者我長處就係打字喇
♀：其中之一
♂：原來我有咁多長處！！
♀：讚壞左你！唔講喇，晚安！
♂：晚安，我都好掛住你啊岑雪兒
♀：都……用得好
第二部的最終回見面版已上載Patreon，連結
https://www.patreon.com/....../chang-qing-bu-di......
四條仔去Staycation的上篇都在patreon可以觀看
中篇 響30 晏少少更新
#長傾不見 #蔣薇 #小說 #故事 #好久不見
未睇過既重頭睇：
https://www.patreon.com/maydreaming/posts?filters[tag]=長傾不見&sort=published_at
Support our channel! :)
Payme : http://bit.ly/paymegoo
Payme QR code : http://bit.ly/paymegooQRcode
Paypal : http://paypal.me/hall1c
由未來偶像走到今日睇真啲再走到加拿大個魚塘再走返嚟縱橫四海ATVTVB再做埋視后然後離開再到今日接手成間公司嘅打雜/管理。
到底田蕊妮在阿邊個以外係咪真係無嘢好講？ 今集就試試。
Song links :
田蕊妮《兩口子》 : http://bit.ly/kristaltwo
莊正!《想一起》 : https://bit.ly/lestertogether
Show Links :
黃詠詩Facebook : https:// bit.ly/wongwingsze
ASKGOO-問問題/發表意見 : https:// bit.ly/askgoogleform
JOIN HOCC's Email list! : https:// bit.ly/hoccviplist
感謝字幕組：Candy, Bonnie!!
---------
▶︎Like and Subscribe to our channel！
Join Hocc's Membership site : http://goomomoon.com
Official Merch : http://hall1c.com
?Follow Hocc
http://www.facebook.com/hocchocc
http://www.instagram.com/hoccgoomusic/
For collaborations or inquiries
please send email to info@goomusic.com.hk
－－－－－－－－－－－－－－－－－－－
橫頭磡舊邨鬼小孩，被遺棄入唔到屋！鬼上身想食豬頭肉！(恐怖在線重溫 第2391集)
第2391集 (29 Dec 2017)
橫頭磡舊邨可憐鬼小童入唔到屋
恐怖在線 www.edmondpoon.com
逢星期一至五 晚上十一點半到凌晨一點
每日免費收睇直播
視像月費重溫$40
聲音月費重溫$30
相關影片:
1. 風水師傅畀鬼跟原來仲要係自己屋企人～兩位高靈人士破解〈恐怖在線〉[嘉賓 蔡偉雄師傅]第3287集 2021-06-10 (https://www.youtube.com/watch?v=DFo9BxbyNjc)
2. 前大台化妝師大爆某一線女藝人見到飛頭靈體〈恐怖在線〉[嘉賓 馬法彤師傅]第3286集 2021-06-09 (https://www.youtube.com/watch?v=9aWzEiCT5_k)
3. 爸爸曾在傳聞猛鬼地龍鼓灘釣魚失蹤十天要求助〈恐怖在線〉[嘉賓 戚法誠師傅]第3285集 2021-06-08 (https://www.youtube.com/watch?v=dK371FUgO6w)
#恐怖在線 #潘紹聰 #橫頭磡 #StayHome #WithMe #跟我一樣 #宅在家
親戚無視遺囑爭家產，阿爺出手教訓入青山！後代壯年必患癌！(恐怖在線重溫 第2367集)
第2367集 (27 Nov 2017)
親戚爭家產，去世阿爺親自教訓
恐怖在線 www.edmondpoon.com
逢星期一至五 晚上十一點半到凌晨一點
每日免費收睇直播
視像月費重溫$40
聲音月費重溫$30
相關影片:
1. 好友患絕症離世送別人士一齊酒店見到死者鬼魂〈恐怖在線〉[嘉賓 盧法鏗師傅]第3281集 2021-06-02 (https://www.youtube.com/watch?v=O51TVFNmgwo)
2. 呢個世界真係有報應！一個聽到咬牙切齒嘅個案〈恐怖在線〉 [嘉賓：陳法齊師傅] 第2950集 2020-02-21 (https://www.youtube.com/watch?v=BksvjZbG3mc)
3. JJ終於出山變師傅高靈感應準到驚〈恐怖在線〉[嘉賓 JJ詹朗林]第3278集 2021-05-28 (https://www.youtube.com/watch?v=6D5BgUDeplo)
#恐怖在線 #潘紹聰 #親戚 #StayHome #WithMe #跟我一樣 #宅在家
關注我哋 ：https://bit.ly/34bU786廣州咁好玩 ：https://bit.ly/2RFChaN更多街訪 ：https://bit.ly/2E5JclF街頭粵語大挑戰，邊個唔識邊個癡線#你 ... ... <看更多>
港實測#普教中#政策唔講普通話 係咪真係 好蝕底？ 香港「普教中」是否可行？香港教育局一直考慮在全港學校推行「普教中」，政策是否可行？ ... <看更多>
係咪真係 在 看板HKMCantonese - [問野] 都係嫁，真係幾好的意思 的推薦與評價
HELLO，各位晚安:p
請想問下
"都係嫁,真係幾好" 的意思是什麼呢？
還有，我們說你人很好
朋友說在廣東話是說：你很好人
還是"你幾好人"呢?
謝謝各位的解答，每次都上來麻煩，真的很感謝:p
--
※ 發信站: 批踢踢實業坊(ptt.cc)
◆ From: 111.243.161.231
... <看更多>