辯論是我的靈魂
【唔係做戲】龍貓嫂黃穎君化身辯論導師教路 幫4D辯論賽4強學生升呢 備戰港區總決賽
咦,「龍貓嫂」黃穎君(Burmie)又有新角色?但演技備受肯定嘅佢,今次唔係演戲噃,而係做「老師」啊!
香港齊心基金會和香港青年聯會攜手主辦、圈傳媒及青識教育基金會協辦「青聨齊心盃─大灣區校際多角度辯論賽」,比賽即將喺5月8日進行香港區總決賽。主辦單位日前特別為港區出線4強隊伍,準備咗一個多角度辯論賽備戰工作坊,邀請咗星級導師黃穎君(Burmie)向同學傳授辯論技巧,配合分組討論同埋台風訓練,相信總決賽將會更有火花。
黃穎君:辯論最重要係越辯越明
Burmie係港大教育系學士畢業,亦係中大社會系碩士,曾參選港姐,現為電視節目主持同演員,最近期嘅代表作喺《降魔的》飾演嘅龍貓嫂。Burmie曾經係港大辯論隊成員,攞過「最佳辯論員」,以佢嘅經驗同同學講解辯論技巧最適合不過。佢話同學應該搵到自己嘅強項同建立個人風格,先能夠喺隊伍中發揮所長,喺比賽中展現優勢。不過,Burmie都坦言自己都輸過比賽,佢向同學傳授比賽心得:「打比賽唔係只求勝敗,最重要係喺準備嘅過程中令自己越辯越明。」
今屆多角度辯論賽將首次推展到大灣區,為咗令同學更了解大灣區發展,大會喺工作坊後仲安排咗「淺談大灣區」交流環節,介紹咗大灣區發展同香港機遇,相信同學準備迎戰時可以更加得心應手。
賽事版圖擴展 港區冠軍將出戰大灣區賽事
「青聯齊心盃─大灣區校際多角度辯論賽」香港區總冠軍將會喺5月8日誕生,並將喺7月初代表香港出戰大灣區總決賽,同另外3隊來自大灣區不同城市嘅隊伍爭奪大灣區總冠軍殊榮。
香港齊心基金會過去幾年致力透過舉辦原創辯論比賽─「多角度辯論賽」(4D Debate),突破傳統正反兩面的辯論模式,讓學生透過代表四個不同持份者角色,設身處地考慮不同持份者需要,理性務實地提出解決問題方案,從而讓學生擴闊思想領域並關心社會發展中不同需要。今年聯同香港青年聯會將賽事拓展至大灣區,讓學生透過參與賽事認識大灣區發展及相關需要,有機會讓本港學生與澳門及內地學生交流意見。
#黃穎君Burmie #香港齊心基金會 #香港青年聯會 #仁濟醫院王華湘中學 #保良局羅桀成1983中學 #保良局甲子何玉清中學 #保良局蔡繼有學校
想知道星級導師Burmie嘅成長歷程,記得繼續留意 Looop.hk !
Search