當人們處於極端既恐懼、迷茫，以至睇唔到前路既時候，人們就會求神既庇佑同憐憫。到底人要受到幾大既欺壓、委屈，令佢感到生存係受到威脅，就連對正義既價值觀都已經被扭曲、沉淪，佢至會卑微到祈求有一日，神會降臨，會清算一切作惡者既罪孽？佢至會絕望到一個點，而產生無力感，並迷信只有神至可以解除邪惡，讓人可以得到重生？
如果你有一刻，請你停落黎，唸一唸。到底悲不悲哀？
响人同神之間，其實仲有一股勢力，叫英雄。响一個墮落、頹廢既社會裡，英雄可以擔當精神既食糧，助人們對抗恐懼；亦可以响神還未降臨、報應尚未昭彰之前，帶領人們走出困境，激勵蒼生。而其實英雄，並唔單只係存活响虛擬既世界裡，擁有超能力既人，仲包括所有响黑暗與渾沌裡頭，仍然堅持、唔肯放棄，守護人性光輝至善既每一顆心。
剛看了一篇影評，是「艾同學莫西」睇完《黑暗騎士》（2008）既觀後感：「蝙蝠俠不同於一般英雄，他不像蜘蛛人有超能力⋯他與你我一樣只是個平凡人，因目睹雙親被殺而產生了為民除暴的使命感…他的強大是來自骨子裡那憤世的心，而面具及披風就成了他深埋情感的掩飾。人是要在面臨重大變故時，讓隱藏在深處的另一個自己挺身而出⋯」
#借道向所有盡忠職守嘅消防救護記者同一眾無名英雄
#致以最崇高嘅敬意
