話說最近睇移民谷，我越睇越唔明，甚至我開始懷疑緊到底我係咪住喺佢地口中嘅英國。
一方面啲人話黎英國投資買樓，回報好高又保證咩5-8%租金回報；但另一方面zone 1嘅樓出緊zone2租金價都俾人嫌貴，然後仲要有人話zone 4, 5 好多東歐人因為英國脫歐而唔再租，業主肯減10-20%...
我覺得我處身在某一個混亂的折疊時空之中，而我只係想講句：乜能呀？！
好好好，我當然明白大家講話疫情只係短期，長遠經濟好轉大家又會返返黎， 然後倫敦樓價 「it’s so high high high 我買左倫敦（識唱嘅一齊唱）」。但係呢幾個月，大家都講緊New normal，好多公司已經發現完來好多人根本可以work from home而唔需要返公司，甚至好多IT公司索性連office都不要了，我公司係典型老牌銀行，依家都準備緊「擁抱新日常」，淨係租啲meeting room大家要開會，就去book啲meeting room，無事就在家工作「得閒飲茶」，日日返公司嘅日子係404不存在，唔好話佢地，我都想搬遠啲，平啲又寧靜啲。
到底今次係recover定係new normal，大家要自行推敲，每一次疫症大流行，都會從根本改寫人類社會，問題只係改變的程度有幾大。
利申：已經在某國的二線城市買左樓，今日俾埋尾數，原因係我睇死啲人會離開首都，但又想搬去「有啲人氣但又唔好太貴而生活又比較簡單，加上一個月返兩三次公司又唔會太遠」嘅二線城市。
#大佬佢疫情一開始佢恐慌性拋售
#我有提大家要執平貨架
#唔係自私食囉
#八折再八折
#巴黎鐵塔反轉再反轉
#淘大咁款
#即刻打俾老公落order買
#咁都唔買會俾雷劈架
#唔好問我按揭
#現金一炮過
#師奶平時去超市搶減價貨慳埋慳埋就係咁用
#佢出九成我出一成
#廣東人做雞有很多方法.jpg
#我係倫敦娜娜
#我有俾佢_架
#搞文件搞左我半年
#煩到HiHi
#呢篇文嘅主旨真係唔係同大家講我買左樓
#唔好錯重點
#我只係一個慳家嘅鄰家少婦
倫敦樓價 在 香港人英國資訊分享| 2022年英國樓價預測 - Facebook 的推薦與評價
倫敦樓價 亦將繼續上漲，但與英國其他地區相比，增長速度較慢，預計上漲3%。 ... 英國房屋租賃仲介HomeLet公佈最近英國住屋的平均租金及樓價漲幅度等數據。 ... <看更多>