多謝大家嘅鼓勵！尋日出咗 #黃標事件 嘅影片後，大家都 send message 來鼓勵我，好感動！想大家去 Patreon 出錢出力支持我 Vera 呢個人嘅話，我覺得都要比大家知道我嘅工作係做乜，同埋理想係乜，所以寫了以下的長文解說，睇完之後如果你覺得我做的事情和理念跟你的價值觀和想法相近，歡迎訂閱我的 Patreon 多多支持！www.patreon.com/veralui
1）性教育工作者
由幾年前開始我就已經到大學做客席講師，每年都有機會到不同的大專院校同學生分享性知識和情慾自主，去年更加好幸運地入到兆基創意書院舉辦性教育小組，至今已經舉辦了兩個學期，每期為期8堂的小組。除此之外，我不定期都會係不同場合同不同團體合作做講座。另外我亦係2019年修讀了一個性教育證書課證，已經畢業成為一個認可的性教育工作者 (Certified Sex Educator)。將來我希望做更多不同年齡層的性教育，最近的目標是辦幼兒性教育班，因為性教育應該是由一出生就做起的。🙋🏻想我來做講座電郵：event@sallystoy.com
2）YouTuber
除了做講座講性教育之外，我相信大家對我最熟悉的就係我係 YouTube 上面的影片，當中會分享一些性知識，最新的玩具資訊，還有少不了一些搞笑體驗片。雖然近年我的產量減少，但其實拍片和剪片是我其中一樣最喜歡做的事情，所以我是不會放棄的。 有了 Patreon 後，我日後會係 YouTube 發片，亦希望能夠拍更多嘅性教育片，講多啲不同開於性同性別嘅議題，因為我覺得性教育性歡愉呢樣野係好重要同人人都有權去知道。YouTube就放啲基礎人人都要知嘅野同埋開心Share嘅野，但我亦會不定期係 Patreon 發布一啲特別嘅性事題材同埋進階性技巧嘅分享去答謝支持我嘅你。 Subscribe: http://youtube.com/sallystoy
3) Sally Coco / Sally's Toy 創辦人
老實說我喜歡賣野，但其實我更喜歡教育，所以來到店內的客人我都希望能夠帶給他們正確的性知識和觀念。Sally Coco 是一個無論我有多少身份我都不會離棄的地方，因為 Sally Coco 不論是網上還是實體店的存在都是想為香港人帶來一個談性的平台，讓大家認識到性是美好的，性不是一件骯髒的事。雖然我地要交租出糧就要有人買野，但係我地的理念係為香港創造一個正面談性的文化，讓每一個人都可以有美好的性生活，所以如其說是一門生意，我更覺得係社企。沒有網店 Sally's Toy 和店鋪 Sally Coco 就沒有隨之而來的機遇。 睇玩具睇文章：http://www.sallystoy.com
4) Women's Festival 創辦人
Women's Festival 的出現亦是 Sally Coco 的延伸，多年來在店內或是網上遇到的不同人，聽佢地傾訴和溝通後，我發現到一個人要得到性愉悅，甚至是心靈上的滿足感，其實必須先由愛自己出發。所以機緣巧合下上年有機會和 Sonia 和 Chantal 一起創辦了 Women’s Festival ，希望提供一個開放而友善的平台，讓大家可以自由探索和交流更多「自愛」的主題，例如對自己的身體抱持正面態度、身心健康、父母的角色和困境、身心靈話題、情慾自主等等 —— 希望為香港帶來一個貼地貼心和貼身的女人節。我哋三個都係無糧出無錢賺的，門票嘅收益扣除成本後我哋會捐比不同嘅慈善團體，例如風雨蘭、HerFund婦女動力基金、香港女障協進會等等。睇返上年有乜玩：http://womensfestival.hk
5) 電視節目主持人
個天真係比好多機會我，前幾年有機會參加 viuTV 的真人騷《慳D啦Honey!》，2019年竟然有機會係 viuTV 同 Picco 同娟姐一齊主持《啪啪 Partner》。我成日都話媒體對於一個地方的性文化是有好大好大的影響，不論審美觀或是親密關係的相處，媒體的影象和訊息都由細到大植入腦海。所以一有機會不論報章雜誌網台電視電台邀請我去做訪問做節目我都會去講，只要有機會把正向性觀念帶比觀眾，就算只係得一個人睇我都會去做的。 重溫上：http://viu.tv
6) 專欄作家
我相信我父母阿妹都唔會諗到我呢個唔鍾意寫野的人竟然會有人搵我寫專欄，老實講其實我今時今日都唔係好相信我寫的東東是有人睇同覺得好睇的🤣🤣。因為從少寫作就係我的弱項，錯別字啦，文句不通啦，總之一到做功課要寫野我就會頭都痛埋，但唔知點解到而家只要係我相信值得寫的東西，我就會好似開左水喉咁寫呀寫，文筆好唔好就另作別論啦。如果大家有留意，其實係好多網上平台都會見過我的專欄蹤影，不過最近忙，所以好多都放低了。兩星期前有出版社聯絡我哋有意想幫我哋出書，希望明天能夠推出！
7）Buddhist Counselling 碩士生
那會想到會考得 14分的我竟然有機會係香港大學讀書，由2019年9月開始我展開為期兩年的碩士生涯，讀乜？我諗你一定估唔到，因為我都估唔到會收左我，就係「佛學輔導」WHAT!?!?!? 係，施主你無睇錯，是佛學的輔導。因為自問你地成日同我訴心事我真係無足夠的能力和知識去做輔導，所以一直都想係輔導呢一方面進修，再加上人大左身邊經歷好多生老病死令我覺得一切都是無常，所以想去學下佛了解一下到底人生是一件乜野事，同埋人愈大做野愈耐我覺得學懂點去處理壓力和情緒是一個重要課題，所以順便修下心學下點樣輔導自己。至於目標嗎，其實我無，就是佛系地讀，讀到就讀～阿彌陀佛 🙏🏻 。睇到呢度有無覺得我個人是很有內涵呢？好多人同我做野後都會話乜原來你係咁認真，我就會回一句：「攪笑其實只係我的其中一個特質。」🤣
好感謝你睇到呢度，睇完如果你覺得我做的工作、理想同你理念一致，你想支持我繼續做以上的工作，每月只需要一材黑糖珍奶的價錢，就可以支持我地性愛救港，歡迎訂閱我嘅 Patreon: www.patreon.com/veralui
另外想更了解我個人，可以係以下渠道追蹤我：
Facebook: sallystoy.vera
Instagram: sallystoy.vera
性教育 YouTube: sallystoy
家庭生活 YouTube: veralui
我哋嘅鋪頭：sallystoy.com
兆基創意書院 好 唔好 在 香港兆基創意書院- #書院人類出沒注意Lezlie！... 的推薦與評價
書院 人類出沒注意 Lezlie！ //一度對前途人生感到迷惘的Lezlie，逃離飽受白眼的 初中傳統學校，在兆基書院遇上人生中的伯樂，「好幸 ... <看更多>