關於 克羅地亞足球排名 ，我們在網路上蒐集到這些相關的討論、資訊與評價

慘酷戰亂電影的佳作 - 石琪

《突襲安全區 (Quo Vadis, Aida?) 》不是那種男性陽剛戰場片，並無戰鬥情景，而以一個中年女教師為主角，女導演自己編劇。劇情人物比《IS 殺錄：摩蘇爾戰線》豐富，慘痛程度有過之而無不及，而有更多感人元素。相信男女老少觀看都會受到感動。

這是波斯尼亞與歐洲多國合製，描述 1995 年的「史利賓尼察大屠殺 (Srebrenica massacre) 」。當時南斯拉夫解體，內戰慘重，人多勢眾的塞爾維亞軍，報復攻打回教徒為主的波斯尼亞，波斯尼亞城市史利賓尼察雖被聯合國指定為安全區，也遭塞軍殺入，數萬民眾逃往聯合國維持和平部隊基地，然而多數人無法進入。終於有八千多個波斯尼亞回教男子及男童被屠殺。那場波斯尼亞戰爭，亦稱波斯尼亞種族滅絕。

Jasna Đuričić 飾演女主角教師阿依達，當上來自荷蘭的聯合國維和部隊英語翻譯，見証了數萬同胞湧來求救的苦況，無能為力，連聯合國也不能制止塞軍橫行，維和部隊長官亦左右為難。此片拍出基地內外的難民人山人海，能夠入內的也缺水缺糧缺廁所，污臭不堪。

女主角唯有千方百計，爭取維和部隊讓她的校長丈夫和兩個青年兒子進入基地，臨危躲藏。劇情發展下去，塞軍與維和部隊及市民代表談判，又派兵入基地搜查，還假慈悲派麵包，安排大批巴士運送難民離開險境。真相怎樣呢？觀眾可以預料必有悲劇，但也不易估計後果怎樣惡劣。

主演的 Jasna Đuričić 五十多歲，外型普通，但演技優秀，把教師／翻譯阿伊達演得非常真切，為救丈夫兒子東奔西跑，對維和部隊死纏窮追，而兩夫婦都情願捨命救兒，可是怎能脫離地獄式厄運呢？尾段是多年後白雪紛飛的寒冬，雖然和平了，又見學校兒童的天真歡顏，但屠殺記憶怎能遺忘？

上網查查，這位女主角本人是塞爾維亞資深演員，不是波斯尼亞人。其實南斯拉夫的族裔很複雜，本來和平共處，片中有些塞爾維亞士兵是阿伊達的舊學生。阿伊達亦在夢中回到內戰前的盛大餐舞會，狂歡熱舞，連女教師也扮靚登台「選美」，可見當地人本來熱情奔放。但分裂內戰就勢成水火，狂暴殘殺。

女編導 Jasmila Žbanić 是波斯尼亞人，現年四十六歲，今次拍戰亂慘況很出色，得獎甚多。片中維和部隊的荷蘭軍官與士兵，亦演得充滿真實感。

其實早在九十年代，已有好幾部描述巴爾幹半島前南斯拉夫內戰的名片，印象最深是 1994 年北馬其頓製作的《山雨欲來 (Before the Rain) 》，獲得威尼斯影展金獅獎。希臘電影大師安哲羅普洛斯 (Theo Angelopoulos) 在 1995 年拍成《尤利西斯的凝視 (Ulysses’s Gaze) 》，劇情就是波斯尼亞戰爭爆發時，主角在巴爾幹半島各地尋尋覓覓的輾轉旅程，由希臘到阿爾巴尼亞、馬其頓、保加利亞，而至薩拉熱窩，交織着過去歷史與當前紛亂，百感交集。

坦白說，我始終對巴爾幹半島「火藥庫」的複雜情況難以了解。至於南斯拉夫解體後，現已分成多個國家：塞爾維亞、斯洛文尼亞、克羅地亞、波斯尼亞和黑塞哥維那、黑山、北馬其頓等，科索沃亦自行獨立。

戰亂之後，這些國族似乎和平發展，最可喜是湧現體育健將，塞爾維亞的祖高域就是當今世界網球排名第一的高手，克羅地亞是上屆世界盃足球亞軍。由廿多年前《山雨欲來》到現在《突襲安全區》，則可見馬其頓而至波斯尼亞都有電影奇才。事實上，巴爾幹半島自古就能文能武，人材濟濟。

#電影 #娛樂 #政治

［文化］羅馬尼亞越多「斯古」越好波？

任你點講，大家都係留意美洲國家盃，或者U21歐國盃，甚至J League，多過女子足球世界盃。根本係咁推嘅嗰啲友自己都唔睇。

講返U21歐國盃（寫呢篇文時踢完頭兩輪），羅馬尼亞U21足球隊今屆表現相當不錯，頭兩場已入8球，兩場已經出線，擊敗嘅對手係克羅地亞同英格蘭。世界圍住佢轉嘅當然只留意英格蘭大敗，或者今日先發現原來一代名將，所謂嘅「東歐馬勒當拿」赫傑，個仔小赫傑，都入咗國家隊 。

（又其實赫傑係 Maradona of the Carpathians，因為保加利亞嘅史岱哲哥夫又同時係「東歐馬勒當拿」，嗰個年代個個都係乜乜馬勒當拿，正如高比拜仁又好Grant Hill 又好個個都係新米高佐敦，同時後來又有德國奧雲迪斯拿印度奧雲中國奧雲，而家就有德國美斯馬連同埋日本美斯）

小赫傑第一場入克羅地亞波後，呢場又對英格蘭入波（http://bit.ly/2Yd7ClS）。呢場波十分痴線，最後最後15分鐘入6球，英格蘭兩度追平。同場加映當然係大賽必備嘅英格蘭龍門派膠。

羅馬咁勁，梗係留意有乜人在陣啦。唔識好正常，羅馬尼亞U21咋，咪認到赫傑個仔。仲有個名普斯卡斯，不過同匈牙利球王無關。

但我留意嘅除咗係有條友姓Ivan （其實1964同1994代表隊都有，唔知係咪爺孫父子），但另外就留意到嘅就係……
做乜一件「斯古」 都冇？

正如韓國多金多朴，越南人人姓阮，波蘭多斯基（2012歐國盃揭幕戰波蘭對希臘，絶對係講波佬惡夢），冰島多臣俄羅斯多夫多娃，咁羅馬尼亞，出名多「斯古」。

我等老嘢，應該記得當年羅馬尼亞好多「斯古」，做乜而家冇晒？一件不留。留意係姓唔係名，冇理由同潮流與改乜有關，畢竟改姓嘅人好少。唔通多咗移民？但就咁望又唔多似。

另一理由可能係，根本當年都唔係咁多「斯古」。都有少少孟德拉效應，望返，老嘢如我睇赫傑嘅1990 或 1994，其實大半隊都唔係「斯古」。

只係咁啱，斯古嗰幾件又好似特別出名，又好似好波啲，又好似多啲出外。樸比斯古，盧比斯古，杜米迪斯古，彼特斯古，仲有教波嘅 艾奧丹尼斯古（佢踢波年代一樣名將，布加勒斯隊拎歐聯冠軍添，但再早啲了）。當然仲有冇踢波但鍾意睇波最後個頭畀人當波踢嘅，壽西斯古。

但又到另一問題，係咪叫「斯古」嘅家族好波啲？定有錢啲？做乜佢地特別出名特別外流？定只係咁啱啲姓＂聽落＂差不多先有咁錯覺？反正 赫傑 列度斯奧 摩度雲 伊利 等等一樣都外流，沒有「斯古」。

科學少少，數一次，我睇晒歷任咁多隊踢大賽嘅羅馬尼亞隊嘅名單，唔計教頭。係有偏差架啦，踢大賽又唔代表所有足球員，足球員又唔代表所有羅馬尼亞人（等於你諗下，德國隊中嘅黑人比例，肯定多過全國）。但舊文話齋

鳩up最簡單，最撚好廿蚊有靜岡蜜瓜你食。但我地落手落腳寫文或做研究嘅，永遠係簡單／準確／快手之間拎個平衡。

結果如下，唔係講笑，原來史前係真係冇乜「斯古」。係真係去到阿叔睇波年代先忽然暴升，果然係嗰幾個「斯古」好波啲。打後就冇乜「斯古」

有睇開波嘅你，見到個圖仲諗到乜？就係，根本呢個圖，同羅馬尼亞足球隊國運，係差不多嘅！一樣係8/90年代開始上力，去到2000年無以為繼。當然，其實都可以話，係因為嗰幾位「斯古」好波

下面呢張圖係國際足協排名，93年先有，反映唔到最初上力嗰浸，但反映到2000年冇力嗰浸

而信不信由你，見唔見到羅馬尼亞排名，由2010開始反彈？發生乜事？登登，睇返上面個圖，「斯古」在2008去到谷底，之後就反彈！完全一致呀喂！

（但，其實只係由0變到1，仲要只係因為艾奧丹尼斯古教波啫，踢嘅一樣一個「斯古」都冇，正如今屆U21都冇一個係「斯古」)

無論如何，而家人名真係少咗「斯古」，就似乎係真的。睇下有冇高人講到我知點解。係只係咁啱足球隊入面少咗（因為多咗移民？），定真係全國都少咗？似係前者。

睇多少少，根據維基，其實乜乜「斯古」仲係好常見嘅姓，但呢個調查都十年前咁滯。不過又搵到羅馬尼亞仔講嘅四十大姓，都仲有好多「斯古」（http://bit.ly/2Yg802E）
另外，一如所料，乜乜「斯古」，同斯拉夫嘅乜乜「斯基」乜乜「域」之類一樣，都係代表邊個邊個個仔。留意，十分重要，羅馬尼亞語係羅曼語系，唔係斯拉夫語，十分獨特，同意大利文法文葡文西班牙文同源（事實上東羅曼語系就死剩佢地）。

佢地十分自豪十分執著，至少我在羅尼尼亞啲友係咁講，佢地亦都唔認為自己係「巴爾幹人」，「巴爾幹人」係隔離班成日打交嘅生番。正如克羅地亞人都唔講自己係「巴爾幹人」，原因同上，但克羅地亞語都係斯拉夫語系

有關羅馬尼亞足球，仲可以睇下著名羅馬尼亞電影新浪潮導演 Corneliu Porumboiu嘅 「陸軍對警察：二次開波」 （The Second Game ）(http://bit.ly/2YgpzzC)。此人之前套 「布加勒斯特以東午後八分」12:08 East of Bucharest係電影節偽文青恩物。信我，呢套 「陸軍對警察：二次開波」 （The Second Game ）十分精彩，你想像唔到當年在電影節上，完場時觀眾嗰種無力感。

我都寫過篇影評，但信我，劇透咗就冇意思(http://bit.ly/2Y8RdyD)

［卡塔爾真係好撚堅，比你想像中仲要堅］

卡塔爾真係堅，全勝捧亞洲盃，七場入19球，唯一美中不足係決賽破身失1球。贏南韓大炒東道主阿聯酋贏日本，全屆賽事冇一分鐘落後過。食半打蛋拎去勞改嘅北韓佬可以眼閉了。

但卡塔爾唔止戰果勁，仲係克服好多先天不利因素。換個講法：睇牌面根本唔應該咁勁。

每次講「喂點解中國亞洲盃八強就垃圾 英格蘭歐國盃八強就打飛機」甚至更傷心嘅「勁揪香港入四強未？」，總有人講「應該」乜乜乜，哦，中國應該乜乜乜。所以又貼返呢個圖。真實賽果同埋（根據一籃子因素估嘅）「合理戰力」。從來冇人話人多會勁（印度印尼？），要睇有幾多人踢波，經濟實力之類。

詳情睇返舊文，費事解多次（http://bit.ly/2K6bOQl　咩國家先會踢波叻？其實中國已經比預期好）　

先自抽，德國咁多年，雖然係歐洲捧盃最多嘅國家（係呀可？），但其實表現係不如預期（又唔係差好遠，略為不及預期啦），留意呢個圖仲未計入2018年世界盃德國嘅恥辱出局。正如Simon Kuper話 拜仁慕尼黑underperform一樣。五屆歐聯冠軍都underperform？係喎，因為同佢「牌面」相比。德國作為歐洲最多人口，亦其中一個最富有，仲最多人睇波踢波嘅國家，有咁嘅成績其實都仲爭少少先勉強收貨，理應捧得更多盃。同樣地，Simon Kuper話頭，拜仁慕尼黑作為歐洲最強國嘅唯一班霸，理應捧得更多盃（所以你估到了，利物浦其實好撚堅抽，in this aspect）

好啦，重覆一次講，德國以外，其實多數列強都係outperform嘅 （好合理，有人不如預期就當然有人勝預期）。巴西阿根廷最誇張，西班牙葡萄牙克羅地亞都堅（再講一次，未計2018添），英格蘭其實亦都交足貨，冇欠球迷任何嘢。正如 Simon Kuper本書嘅吸睛副題: Why England Lose　—　因為英國（或英格蘭）根本先天就不足，有咁嘅成績係合理嘅。經濟學人亦寫過無數文講，你睇返英格蘭嘅排名之類，八強貨仔偶然四強就係合理預期。

比較得意嘅係啲underpeformer，匈牙利啦（近年好似有啲起色？），東南亞越南同緬甸啦（而越南近來好似又係突飛猛進，我FB成日見啲越南妹貼），小國盧森堡啦（盧森堡個畸屎有得拗，人均GDP係高，但主要因為幾間大公司啫，係咪好富有都有得拗）。同埋最特別嘅，美國加拿大。事實美國真係唔爭氣（加拿大都係，但除咗孟晚舟外WFC？又，拜仁都簽咗個加拿大仔）。美國人口多，富裕，踢足球睇波嘅人亦多（「美國人唔睇波」係一個都市傳說，你不妨睇下MLS入座率，或者直播世界盃嘅收視），但偏偏未如預期。如果我冇記錯Simon Kuper 地係鬧MLS個大聯盟系統嘅，認為唔應該行NBA NHL 嗰套

然後又講另一堆outperformer．唔知係好消息定壞消息，但中國國足一樣交足貨，真係冇撚欠你半個人情。一來中國窮（人均GDP排幾多？），二來少人踢波（不過多人睇），你睇中國真係comfortably outperform 的。可惜搵唔到香港在邊，你可以去問作者，或者得閒我研究下點reverse engineer 啲data 出嚟 – 但to be honest，我整都整台灣先啦，你估我好鍾意香港？日本韓國亦唔知去咗邊。

仲有，中東孖寶，沙地阿拉伯同卡塔爾，其實都係outperform。沙地阿拉伯固然好多時係笑話，係歐洲隊大炒嘅對象，但畢竟都成日打入決賽周。

卡塔爾先真係勁到離晒罩，重要嘅講三次，呢個表仲要係2018世界盃前，即係未計今屆卡塔爾嘅表現。卡塔爾冇錯係有錢（人均GDP 真係前列），但除咗錢真係冇乜嘢，人口極少，踢波少睇波亦唔多，兩百幾萬人，仲要九成（你冇睇錯）唔係卡塔爾人，痴膠線的。

所以，係真係值得研究的。就唔係一句「搞青訓」講完，鳩唔撚知咩。

當然啦，你可以質疑呢套方法評估「牌面」客唔客觀。同樣地，只睇咁多賽事「得失球」亦可以抽秤—畢竟有啲隊（例如意大利）太公波懶懶閒但打淘汰賽越戰越勇的。