（純個人意見，隨便鬧）
其實每日150個單程證點會cut？首先，呢班人係落嚟「一家團聚」，香港有你想像唔到咁能多男人返大陸娶老婆，又老又窮嘅一心傳宗接代又有，上去搵所謂高質女又有，而家仲多咗港女返大陸識男人𠻹。喂咁結咗婚同另一半一齊住好合理啫，拎個單程證既能一家團聚，又做到中港融合，一舉兩得，香港政府/大陸樂見啦。
講乜嘢無制度審查新移民，所以嚟香港嘅都係低技術低學識只係識拎福利嘅蝗蟲。都係嗰句，呢班人係嚟「一家團聚」，唔係技術移民呀，審咩查啫，總之同到個有香港身分證嘅人結婚未搞掂囉。跟手仲可以帶堆大陸兄弟姊妹老表姨媽姑姐嚟團聚，點嚟？唔係仲要問呀？
咁點解一家團聚要嚟香港團唔返大陸團呀？喂香港醫療又平又有信譽，香港有十二年免費教育，香港有公屋住有綜援攞，咁你會揀住香港定住大陸？
其實香港真係回歸咗中國，慢慢被中國化亦都無可奈何。一開始擺明車馬話五十年不變，唔經唔覺都過咗差唔多廿二年。起高鐵，起港珠澳，不停增加口岸，就係要香港同大陸越嚟越接軌咋嘛，遲早香港都只係一個無特別嘅廣東省香港市。
醫院迫爆？人手唔夠？引入內地醫護囉。權貴橫掂唔會用公立醫療嘅，安唔安全關佢能事咩。
咁唔夠屋住點呀？DLLM返大灣區住囉，樓又平又大，嚟香港返工搭高鐵好快咋嘛，仲有鯇魚刺身食𠻹。
香港人團結力量有幾大？雨革已經見真章。未就係努力都唔會爭取到啲咩囉。又，繼續爭取會點呀？未梁天琦咁坐幾碌囉。想入議會嘗試爭取發聲？sorry未入閘都D9Q咗你喇。
同共產黨鬥？從來都無可能。六四已經夠清晰喇嘛？
實會有人話移咗民講呢啲好仆街，不如問吓點解我要移民啦，你估移民好好玩呀？你估移民無嘢煩呀？
