【全民造星】可以話係近排最熱嘅綜藝節目，網上討論度不斷創新高，據稱連古天樂都有留意比賽添喎！
香港觀眾推熱節目，不過有連登網友就出帖指節目組過橋抽板，話佢地優待大陸觀眾，「大陸人優先」，唔尊重、唔珍惜同忽視香港人，仲去 ViuTV facebook 洗版。網友列出幾宗罪，包括：
1-節目組開live，但忽視facebook觀眾，只係顧住喺微博嘅大陸網民；
2-參賽者、節目組同大陸網民一齊喺微博group交流，但香港網民無份；
3-花姐率先喺微博group宣布決賽資料，邀請大陸網民去抽飛睇，但香港仲未有官方公布詳情，話佢地好大細超。
監製花姐今晚喺 ig 同網民道歉，直認自己「有d低能」，以為ViuTV已經公開決賽詳情，所以就同咗大陸網民講，佢就向香港觀眾派定心丸，話對所有觀眾一定一視同仁，令香港網民唔舒服佢覺得唔好意思，向大家道歉！
一定要一視同仁呀，香港觀眾一直好支持你地節目㗎！
#全民造星個個禮拜都有新聞 #勁😂
（連登網友帖文討論：http://lih.kg/812564）
