［英超停擺，球會輸幾錢？］唔算多圖，但兩個圖好重要，睇medium啦
1. 作為睇國家隊多過球會，睇歐聯多過德甲（更甭講英超）嘅鍵盤球迷，除咗「幾時有返波睇」外，我就只係關心好實際嘅問題：數字。所以以下嘅分析評論，絶不涉及任何個人感情或道德判斷。
2. 點解要睇數字？like it or not，多得全球化，亞洲中產（即係你同我）冒起，電視廣播，仲有歐聯，波士文等等，歐洲足球產業已經係一門極大嘅生意。同你接唔接受，鍾唔鍾意已經無關。唔鍾意嘅，去睇第四五級別嘅地區聯賽，搵返你嘅足球社區感覺。
3. 我認為金錢，對足球嘅影響，就算唔係完全正面，都係中性偏正。否則我一句同你講細細個我楊屋道同老豆睇完波，在酒樓仲見到顧錦輝隔離枱食飯，就可以講，拿，呢啲先係社區呀，就可以否定晒新一代而家啲足球體驗。但現實係大家選擇咗億萬富豪踢波娛樂班窮撚（你同我）嘛
4. 講遠咗少少。想講金錢係足球極其重要嘅一部份，而家肺炎疫情停擺，當然你會問有幾大影響。而可以話你知，你量化到個影響，知道影響有幾大，邊啲球會影響最大，你就知道會有乜發生。腰唔腰斬？閉唔閉門？減唔減人工？你冇數嘅，講乜都係鬥大聲，或者鬥價值觀，鬥得閒。你寫一萬字講足球唔係生意，佢寫一萬字講球員搵百萬鎊周薪唔係生意係乜，浪費大家時間。攤開睇，睇到數字，你咪知會點。
5. 以下講英超，而英超嘅財政已經比較健康（同意甲或西甲比應係）。其實我差不多係照搬著名 足球財經博客 Swiss Ramble嘅東西 （https://bit.ly/3cgEVLh）。如果你識英文又有心機嘅，大可以自己睇，繞過我。圖我都係用佢嘅。我建議你開個推特去科勞佢，提升下自己嘅水平，咁我呢啲中介人就唔使存在。我已經send咗email希望佢畀我用佢嘅圖，暫時未有回覆，如果佢話唔得，就當然成篇文下架。
6. 言歸正傳，先睇，就當然係疫情對球會收入嘅影響。當然佢有提到，好多數字都唔準，只係上季。但英雄所見略同啦，有大約嘅數字，好過你空口講白話吹水。未必好準，但唔會爭太多。
7. 首先明白，英超雖然係最富有（＊）嘅聯賽，但入面嘅分野都仲好大。20間會收入52億（英鎊，下同），但所謂嘅迫悉匙，六大會，已經佔咗30億，六成。剩返22億其他14間分。亦都所以，影響都好唔同。
8. 最富有嘅曼聯，一年收入6億3 ，最窮嘅諾域治，1億3左右（估計，因為升班，之前啲數唔肯定），相差5倍。而迫悉匙最窮嘅阿仙奴（估唔到呢！），近4億。去到第7嘅韋斯咸，1億9—畀你見到迫悉匙同其他嘅分野幾咁大。
9. 一句，如果踢唔完球季，有幾大影響？答案係，好撚大。英超主席Richard Masters提過，話損失係11億—留意呢種損失好實際，唔係咩「企業因為員工返公司屙屎每年損失幾多」之類。好實際，咪就係你樓上見到，英超球會嘅收入，會冇咗幾多。作者自己計都係計到差不多，證明英超主席啲數口都幾好（或者根本係同一班人計）。11億即係幾多？相對於52億。冇咗兩成收入咯。作者畀埋個碧丹你，比賽日收入1億2，電視轉播7億6，商業收入2億5。加埋11億損失
10. 睇到呢度，其實都唔使再睇落去。你就知道，必撚然係要繼續完成賽季（否則會冇咗20%收入）。驚感染？就當然係閉門。閉門當然你會近乎冇晒門票收入，但，殘忍嘅真相嚟啦—現場嘅球迷，係唔多值錢嘅—你估你張飛真係好貴咩。何況好多係高價買，都唔係落球會袋。你見比賽日收入真係事少，必要時連商業收入都可以犧牲埋，但電視轉播係命根，命根，命根。老死都要踢埋佢，老死都要播！冇現場就冇現場。冇球迷打氣冇意思？戇居，除非你畀6倍價錢入場，或者買返十件八件大蝦三文治。
11. 亦都可以再解多次，歐洲球會，基本上全部都係三種收入來源：比賽日（門票季票食熱狗都可能計），電視廣播（本土加全世界），商業（贊助，合作，賣波衫賣頸巾，留意賣波衫並唔太好賺，咪撚以為你一千銀買波衫有九百蚊去咗球會度）。電視廣播一般成個聯賽咁去傾，入面點分就自己傾掂佢，英超應該係比較大鑊飯，人人差不多，西甲嗰啲就真係強隊立好多。盃賽應該另計，所以你見無線當年會播德國盃又有埋德國國家隊，因為呢兩味係德國足總，但德甲係另一檔。
12. 至於咩買賣球員，唔好打太多機。冇錯都係球會一部份，但唔計落去恒常收入，係non operating items．仲有歐聯獎金之類，唔同地方唔同人有唔同分法，但一般不計入上面呢三類。當然不代表不重要。但絶大多數隊係冇歐聯踢嘅，所以有係錦上添花。
13. 樓上個圖你睇到收入碧丹，比賽日收入，係最唔重要嘅！冇一隊波超過三成，好多都十幾巴仙，甚至單位數。總數先佔13%。而中下游球會差不多一定係電視轉播佔最多（講過，英超相對大鑊飯）。大會就有時係商業收入佔得多啲。但總之，比賽日收入，係最唔重要嘅。社乜鬼區丫，而家咁嘅售價，啲當地球迷已叫救命係咁鬧，何況你班Asian好多仲係幾倍價錢入場。
14. 樓上講咗總損失11億（20%總收入），但亦話過你知，唔同球會收入水平唔同，收入結構亦唔同。呢11億當然唔係平均咁損失，但又不代表損失最多嘅最到肉（霍建寧收少200萬同你收少100萬係兩回事）。計金額曼城曼聯損失過億，利物浦都近1億，但，霍建寧嘛。
15. 上面呢個表，就係每隊損失幾多，同埋即係，會少咗百份幾多嘅收入。有幾傷。咁大約都估到了，既然樓上有提，損失金額最多係轉播，而又話過你知，中小型會好靠轉播，就梗係中小型會仆街啦。迫悉匙嘅，講緊唔夠20%—好似就只係呢六隊唔夠20%。其他就去到三成都有。拉勻晒，就係成個聯賽收入冇20%
16. 入面啲細數，我唔再一一細講。例如話比賽日收入損失1.2億點計？咪計返之前一場收入平均幾多，然後睇下仲有幾多場未踢咁，分析員101啦。當然要玩牛角尖嘅你計埋對邊隊都得嘅，你剩返六場都對迫悉匙，收入咪多過六場太公波—但呢度又要講judgement啦—反正門票收入都唔多，就唔好花呢啲時間lun．要快定要準？咁梗係自己拎個trade off，就係呢啲判斷最難學嘛。你鍾意逐場run regression計埋溫度估啲人飲幾多啤酒都仲得架，但why bother？
17. 重要嘅講幾次，廣播很重要—所以根本係啲海外球迷養英超，英國人覺得難受都要講，如果只諗本土嘅就死咗十世，你睇意甲？英超轉播收入，佔總收入60%，玩晒的。最極端係般尼茅夫，88%，即係冇電視佢執笠。13間會都佔超過7成 — 亦差不多所有迫悉匙以外嘅會。
18. 至於話電視廣播冇7億6，點計？其實都係計冇30%總廣播收入。而你見大約都係大鑊飯，隊隊都分咁多 — 好景時咪對細會好，但而家齊齊減差不多嘅數，細會就好大鑊。
19. 再講一次，睇到呢度，都唔使點討論。電視廣播佔咗英超總收入60%，重中之重，所以寧願閉門都一定要踢埋佢，或者去新加坡或邊度踢埋佢。否則電視台唔找尾數就死得。
20. 呀仲有，歐聯收入。「其實唔使點計」。利物浦熱刺出咗局啦，車路士基本上都出咗局（作者話的，唔係我話），係曼城仲有關係。
21. 商業收入，作者話頭，其實最難估。因為透明度低，咩terms唔知，有冇保險唔知，有冇不可抗力條款唔知，甚至分分鐘贊助你嗰間都執埋笠（你估啲航空公司執笠先定球會執笠先呢？）。但我見有個畸屎，法甲嘅，酒店集團Accor（題外話：呢間啲啲sales煩撚過煩精），贊助PSG。講到明，如果腰斬嘅，唔畀錢。但如果復賽嘅，仲會照畀。咁你又睇到，點解點都要復賽。
22. 講咗咁多，只係講收入呢方面。下篇講開支，但其實結論都好簡單，如果復賽嘅，球會而家可能唔使減薪，減咗都可以加返。但如果賽季收皮唔復賽，邊撚度變錢出嚟？球會最大開支就係球員人工。你冇咗一大截收入，唔郁球員，郁邊個？所以你話送球員去死都好（但，屌，你自己咪又係星期六去長洲去西貢），但我估復賽，六七月快手搞掂埋佢，閉門又好，去新加坡又好，點都踢晒佢。電視廣播肯找數，贊助商肯找數，球星減少少人工（唔會太多），會方食少少，大家好做。
23. 但當然個變數係，球員係極重要嘅人物。唔係睇低咩行業，但你公司冇個分析員冇個會計師冇個CEO冇個空姐冇個廚，畀多啲錢，花少少時間，好歹搵個頂住唔難 — 但我當曼城First Team全部工業行動罷工，咁你總冇可能推預備組出去咁掛？雖然，好似係電視錢照收 贊助照收。觀眾柴台？你有得入場柴咩？掟爆自己電視機咯。定或者玩個全球封殺，邊個罷工就全歐永不錄用？「到時就真係C朗踢中超」 ，just saying．但其實億萬富豪罷工，有冇人同情架？球會一招「感情勒索」（其實我好憎呢個詞），講到你班大帝唔肯出汗搞到幾千人被炒，即時拎晒高地的。
24. 總結定，既然足球係大生意，基本都係睇到大生意嘅兩大定律：1. 危機下當然係強者越強弱者乞米。2. 講到尾都係巴京拎包華，球員咪有，底層員工就冇。當然球員可以做好心捐錢，正如冇人阻止霍建寧捐錢畀你同我，但球員堅持唔肯踢嘅，基本上必然係大攬炒。
（＊）寫過無數次，一般講呢啲都係講收入，因為球會係唔多賺錢嘅，全歐洲都係，所以同其他行業唔同，唔會睇純利。當然如果睇Balance Sheet嘅，你可以睇負債多唔多嘅，另一角度。理論上可以有啲收入相當高但負債重嘅會。
全聯小熱狗價錢 在 [美食] 全聯(淡大店)裡面的熱狗王- 看板TamShui - 批踢踢實業坊 的推薦與評價
今天中午到北新路上的全聯淡大店(就在燦坤旁邊)去買飲料，買完後要出門口前，不小心
瞥見旁邊的一家小吃攤正在6折特價於是不自覺的停下腳步看看。它的店名叫「熱狗王」，
專賣熱狗為主的餐點，它的特色是香腸是以德國香腸為主打內餡，而延伸出大熱狗、超大
熱狗、熱狗堡、和其他如薯條的配菜。 其實在進來之前已經買好了午餐，只是它的特價很
誘人，因此決定點了個大熱狗試試。
接下來則是我會推薦它的原因囉：
此時我看到了它的餐車的透明保溫櫃(還是叫做展示櫃?!)中放著一份兩塊的鬆餅，金黃兩
塊小小的上面立著大塊的的新鮮奶油，賣相很吸引人，因此又不自覺的問了老闆娘價錢如
何？(因為價目表上找不到) 結果回答讓我差點摔倒：「喔~這是對面攤賣的啦~ 很好吃喔
~又不貴 可以試試喔^^」 有趣的誤會讓我笑了出來，也轉過身去逛逛那家小小的
cafe' corner. 只是覺得買的東西已經太多，所以還是忍住衝動打算下次再買。 而回頭要
回去等熱狗時，熱狗攤老闆娘已經將她的「蜂蜜奶油鬆餅」其中之一切了一半，隔著餐車
送到我的面前。卻之不恭的情況下，我說了聲謝，就品嘗了她的好意。「恩，外酥內軟，
加上剛出爐的熱度引出的香味，真不錯^^」我心裡想著，也跟老闆娘稱讚這鬆餅的好吃。
最後，我點的大熱狗也出鍋了，雖然外表沒時麼特別之處，但在老闆娘依我的喜好塗上
了番茄和芥末醬後，一整個就很有型囉 ^+++^。最甘心的是，老闆娘還將另外一半的鬆餅
包好放進了袋子中：「這一半再拿去嚐嚐，感覺好吃下次再來買喔~」
當我走出大門時，我突然覺得心情很好，不是因為賺到了一塊好吃的鬆餅，而是感受到了
這兩攤老闆娘間的友情和蘊含大氣的濃濃人情味！ 我想，這是我下次還會再去買的主因^^
當然，也推薦各位鄉親大大去試試喔^^
---------------------------------------------------------------------------------
A: 好熱喔~ 到底有甚麼好吃的阿？
B: hmm....我帶妳去吃大熱狗如何？這熱狗又大又濃，妳吃完一定會超~感動的^^
A: (未吃先打) >///<
B: 阿就真的很大，又帶有濃濃人情味，偶錯了嗎？偶錯了嗎.........
--
※ 發信站: 批踢踢實業坊(ptt.cc)
◆ From: 122.116.173.246
... <看更多>