Search
【公僕點將錄—水務署高級水務督察】
大家安坐家中就有穩定優質嘅食水供應，實在有賴同事們嘅辛勤工作。今次由我地嘅高級水務督察黃耀威先生同大家分享吓佢喺水務署服務超過30年嘅經驗，希望各位睇完之後可以對我地嘅工作認識多啲啦!
#滴惜仔
#公僕點將錄
#漏損管理組
#高級水務督察
#水管滲漏
#水管爆裂
#更換及修復水管計劃
#多謝各位水務英雄為保護食水出一分力
【馬拉松男神女神】
無論馬拉松選手有幾有體育精神，都唔及佢哋嘅服務精神：每位幫手喺賽事後急急清理賽道嘅食環署潔淨組人員！多得佢哋，先可以盡快重開啲路俾大家使用，多謝佢哋！
#清潔男神女神 #多謝 #馬拉松都要清潔
【公僕點將錄－食環署潔淨組】
一年一度嘅體壇盛事香港馬拉松今日舉行，唔少政府部門同事都有出一分力提供協助㗎！食環署潔淨組同事係其中之一，嚟自唔同分區約200位工作人員今朝特別出動，喺賽事後清理及收集賽道上嘅垃圾。佢哋同跑手一樣要同時間競賽，兼且要有團隊精神，分工合作清理不同路段，令道路可以盡快重開畀市民使用。
#公僕點將錄 #食物環境衞生署 #潔淨組 #香港馬拉松
【清潔男神女神——年宵篇】
今日大年初一， 喺唔少市民放緊假嘅時候， 食環署清潔組同義工隊正努力令年宵場地還原，同埋轉送花卉俾有需要人士。 我哋齊齊為呢班清潔男神女神鼓掌！
#潔淨組 #義工隊 #狗年有愛
【公僕點將錄－食環署潔淨組】
今日大年初一，我哋食環署潔淨組嘅員工一早就「開爐」做嘢，超過250個同事、幾十架垃圾車同水車齊集喺維園，清理年宵市場嘅垃圾，務求盡快將場地還原。
唔單止潔淨組同事，食環署義工隊今日亦會出動，將不同年宵市場檔主送出嘅花卉同盆栽，轉送畀安老院、殘疾人士院舍同公立醫院。
謹祝大家新年進步、萬事勝意！
#公僕點將錄 #食物環境衞生署 #潔淨組 #義工隊
