我聽過最恐怖嘅職場性騷擾／性侵犯例子，係嚟自一位candidate，為咗表達得清晰啲，以下稱呼佢做Helen啦！
Helen上一份工經常要返大陸，因為佢結咗婚兼有小朋友，所以盡量唔過夜，間中公司飯局先勉強住一晚酒店。有次又係大陸嗰邊晚飯，席間啲人係咁劈酒，有高層趁一個女仔行開咗，滴咗啲嘢落女仔個杯度，Helen見到就問係咩嚟？高層冇答，直接行開，然後Helen問身邊另外兩位國內女同事睇唔睇到？呢兩條女一齊支吾以對，佢急起上嚟發火：「如果係落藥迷姦咁點呀？」其中一個女同事竟然話：「應該只是玩玩。」
杯嘢被加料嗰位女仔去完廁所返嚟，Helen即刻同佢說明一切，跟住拉埋個女仔走，期間不斷叫個女仔報公安，但係對方唔肯，話唔想搞大件事。
Helen覺得好荒謬好嬲，第二日打算拉埋老細質問呢位高層，點知人哋先下手為強，佢一返到去已經被解僱，不過疑似被落藥嗰個女仔冇炒，Helen擔心佢有事，提議佢都辭職一齊走，但個女仔話唔好，想睇定啲先，成件事真係令人好費解。
至於詳細嗰啲解僱法例同埋賠償等等，我哋冇再討論落去喇，因為我當日係同Helen interview，佢仲有另一份工要趕去九龍見，淨係記得Helen講咗句：「雖然我又老又醜，班高層唔會搞我，不過見到呢啲情況真係好恐怖，最嘔心係有女同事見到唔出聲，女人竟然唔幫返女人，所以我而家先至reject晒所有要返大陸嘅offer，寧願搵少啲都要留喺香港。」
印象深刻，因為真係太離譜喇，呢單係我聽過最嚴重嘅case，另外再分享咗幾單職場性騷擾見聞，無論係男男女女，都要小心避開呢啲陷阱。
https://youtu.be/wVwg46s59OE
公司飯局 在 一場公司飯局，我們的命運從此改寫 - Facebook 的推薦與評價
一場公司飯局，我們的命運從此改寫. 215 likes. 一場公司飯局，其中一位同事神秘消失，之後有份出席飯局的人相繼遇害。主角奮力追尋真相，最終發現結局出人意表…… ... <看更多>