關於 冰格放咗五年嘅冰 ，我們在網路上蒐集到這些相關的討論、資訊與評價

今年書展我出書啦😎喺到分享一件因為尺度太重口味驚過唔到淫審處本書要包膠所以冇放入本書嘅柒事—【藍丁格爾の慘劇】
記得小學時期學校有學童保健服務，每年都要啲小學雞去做身體檢查， 而五年級有一次，班上嘅肥仔張同學去完學童保健之後返學校分享個女護士 摸佢JerJer，揭起佢包皮檢查，我心諗：痴L線㗎？仲有王法嘅！就真心膠地以為 高年級去學童保健會被護士姐姐摸JerJer，是類似成人禮儀式的一種，但冠瑤係 可遠觀而不可褻玩㗎！細細個已經知道要潔身自愛守身如玉潔冰清嘅我，就唔敢去 學童保健呢個褻玩兒童嘅邪惡組織（我細個誤會咗sor)，所以五六年級我都冇去學童保健檢查身體，成為我後悔一生嘅一個決定，因為冇去學童保健令我完全唔 知一個人人皆知而又極重要嘅性知識---男仔的下體要揭起包皮清洗。

為免太重口味太Hard core，以下內容開始會用「車厘龜」嚟比喻男性下體， 大家自行領會。

因為由細到大我見到我嘅車厘龜都係戴住頸巾，我誤以為車厘龜個頭天生就係 連住頸巾，條頸巾就係佢嘅表皮，頸巾入面就係內臟唔可以揭開，正如你手多多搣開你條頸層皮會點呀？死囉！所以由細到大直到中四整整十五年間，我從來都冇揭開過車厘龜嘅頸巾嚟清洗，日積月累之下，佢條頸嘅皮膚就一直痴實條頸巾越痴越實，更加睇落好似born to be like this佢天生就born with a scarf咁，Baby I am born this way～

我不疑有詐咁度過咗呢15年嘅歲月，直到中四性教育堂我先清楚咁喺張陰莖橫切面圖知道原來車厘龜條頸巾入面內有乾坤，要定時幫佢除落嚟清洗，唔係就會痴到實一實，入面會好污糟甚至發炎，我心諗死啦我咁多年都冇除過條頸巾今次GG了！

返到屋企我鎖住浴室道門，暗自下定決心今日一定要除到車厘龜條頸巾，如果唔係我唔姓劉！我打開花灑較到熱水不斷用最強力嘅水柱巨炮沖向車厘龜，因為我睇古裝劇啲古代女人臨盆都係用熱水嚟鎮痛，原理係你啲肉熱到熟咗就唔會痛，而喺高溫嘅加持下 好快我隻車厘龜就熱到暈咗開始冇乜知覺，我就用手出盡力咁嘗試搣車厘龜條頸巾落嚟，一開始都好順利我用秒速1mm嘅速度慢慢咁搣條頸巾落嚟，但因為龜頭嘅皮膚已經完全痴實條頸巾，所以過程仲係好痛呀媽咪呀我一度想放棄！從此改姓陳啦唔姓劉！但係我唔捨得呀因為姓劉嘅聽講都係劉備嘅後人，講畀人聽好威威，為了繼續做劉備的後裔，我將花灑嘅水較到最熱同佢死過！今次我要破釜沉舟！不成功！便姓陳！

高溫燒滾了我～一切！我一鼓作氣乘勝追擊出盡力一撕！Yeah！又收復一大片失地！ 慢慢地，我那十五年來一直被包皮覆蓋住不見天日嘅一片江山重現人間！原來真正嘅車厘龜頭係粉紅色唔是肉色㗎！U look so cute! 我人生第一次見到我隻車厘龜真實嘅面貌，車厘龜亦係第一次從包皮中探出頭來！就好似初生嘅BB一樣，Say hello to the world！

但正所謂：「一鼓作氣，再而衰，三而竭」，好快我因為長時間處於高溫又唔通風嘅浴室入面開始缺氧，而我以劉備嘅磅礡氣勢收復天下嘅大計亦都正式進入咗樽頸位，最難攻陷之地就係車厘龜條頸！有基本常識嘅人都知道車厘龜嘅頭部係上窄下闊，所以車厘龜條頸呢個位置地勢險要易守難攻！一來神經線比較密集敏感度70%UP！二來好似你著縮咗水嘅樽領毛衣咁，往往會喺你頭部最闊嘅位置撠住唔上唔落進退兩難，我久攻不下已經想放棄下星期再 搞，而且我屋企人已經狂拍門因為我喺浴室入面已經個幾鐘，仲問我搞咁耐係咪喺入面生仔，其實那時那刻，我真係好體會到嗰啲未成年少女被人搞大咗個肚喺自己屋企 廁所到生仔嘅嗰種徬徨！無助！全世界得自己可以倚靠嘅嗰種絕望！我們都只是因為 性知識不夠而闖了禍！Respect！Me too!

但前面就是劉氏最後半壁江山，寡人如果止步於此，天下人會恥笑寡人！就好似岳飛直搗黃龍就快打贏啲金人之際被昏君12道急Call返去無功而回仲被秦檜條Hihi逼死。嚟到呢個境地，我問我自己：

「Do you wanna be岳飛？」

No! I Don’t! I wanna be on top! 我仰天長嘯！力拔山兮氣蓋世！唏！我用盡吃奶的力一嘢扯下車厘龜的頸巾！Unbelievable！我不敢相信自己的眼睛，我成功了！車厘龜的頸部同條頸巾分離了！I am Free!Freeeeeeeeeeeeeeeeee！

但是下一秒我就後悔了，我發現，我把車厘龜頭條頸的皮膚成條連著包皮整片扯下來了！媽咪呀我整爛咗我條Jer呀！

OMGOMGOMGGGGGGGGGGGG！

瞬間我隻車厘龜血如泉湧HP-999陷入了瀕死狀態！鮮紅的血液不斷狂噴！染滿整個浴室的地板，如果我屋企人依家入嚟見到咁情況一定以為我真係喺到生完BB，我不斷抆廁紙止血，但用完成卷廁紙都止唔到血仲Billy爸拿～Billy爸拿～咁流，我心諗今次Hihi了我真係整爛咗我條Jer啦！點樣算？

呢個moment，我同自己講唔好驚，人生流流長，整爛咗一兩條Jer好閒㗎啫，行出街大把人爛Jer啦！冠瑤我有咩大風大浪未見過呀？臨危不亂是我的優點！人係天生天養嘅，以前啲原始人整親都冇醫生睇啦！咪又係自然癒合，Everything will be alright！相信Mother Nature！相信我地嘅大自然母親！Amazing Grace～I need ur embrace～

我有諗過Call白車睇醫生，但我驚聽日報紙頭條會係【中學生血染浴缸 除包皮陽具盡毁？】，心諗我當初仲係小學雞嘅時候唔去學童保健就係唔想被陌生嘅姨姨摸我JerJer，先保住咗我嘅貞節，唔通我依家十五歲大個仔先嚟去醫院畀人摸JerJer咩！What a shame！咁我童年時嘅矜持同堅持仲有咩意義？Meaningless！

男子漢大丈夫！流血不流淚！忍一忍就過去！（請各位醫生原諒我中學時期真係十分怕醜廿分保守，如果親愛嘅讀者遇到咁情況一定要睇醫生檢查，必要時可能要做手術麻醉咁切咗包皮，唔駛好似我咁raw自己嚟，古代女人分娩咁整到一地血+痛到hihi）

經過二十分鐘，我卒之止到車厘龜嘅血，就慢慢小心翼翼咁著返衫褲，步伐蹣跚咁竄出廳搵消毒藥水 同膠布，我幾經辛苦卒之喺櫃桶底搵到一支【藍藥水】，心諗馬死落地行，就搽咗成支【藍藥水】落去我那奄奄一息的車厘龜頭上。

就這樣過了一星期，我後悔了，我應該睇醫生的，I am Wrong，Quiz Wrong！

車厘龜的傷口在大自然母親的加護下慢慢癒合，一星期後，我赫然發現，我的車厘龜頭，變了紫藍色。因為【藍藥水】的色素沉澱，車厘龜頭頸部的傷口變成了一圈紫藍色的龜頭Tattoo，既搶眼又叛逆，我看著我那勁colorful 漸變色的車厘龜頭，我好驚，我好羞愧，我安慰自己，這隻車厘龜，只是Pokemon超低機率出現的色違 小精靈而已，而且車厘龜本身就是藍色的不是嗎？它只是回到了最原始最Original 的自己，而已。

我從此入男廁只會走入廁格，因為我好驚如果我去尿兜小便，隔離位男同學眼尾睄到我那蒼色の龜頭，會問我： 「咦？亞種嚟嘅喂！」

我更加驚呢件事會醜事傳千里，班上的男同學會幫我改花名做【藍丁格爾】，毁了她一世英名。

最後，我嘅擇偶條件也因此多了一項：
將來嘅另一半要有色盲，分唔到紅藍者為佳。

－－－－－－－－－－－－－－－
【2021香港書展】7月14－20日｜Hall 1A - D02
白卷出版社

【龔成問答信箱】（Q18861-Q18880）

Q18861：

龔sir Hello，以前我好唔鐘意睇書，但係最近睇咗你幾本書，同埋你推薦嘅幾本書，都獲益良多！

改變咗我唔少諗法，尤其係《有錢人和你想的不一樣》，而且令我愛上睇書！非常多謝你分享！

見到問答好多人都只係問你對邊隻股有咩睇法咁，你成日教人睇長線，所以我反而想了解龔sir你未學識投資股票時，係點樣去精通投資？

同埋有無邊幾本書特別推薦？（除咗你出嘅書！因為你嘅書我已經買哂返黎睇！哈哈）感謝龔sir！

龔成老師：

書本可以學到好多有用知識，保持進步！

我20年前，都是短炒者，技術分析者，用左幾年，輸足幾年，之後長線投資，就開始不斷賺錢。

我好後悔當時浪費左幾年去學這些分析技術，我當時不斷睇書、上堂學短炒，但最後都是輸，好後悔，只怪我當時無知。

之後做銀行同證券行，見大部分輸錢的客，就是短炒的一群！這是我10年見到的情況，這是行內的秘密，根本大家都知短炒者一定輸，但業界一定唔會講！

另外，如果你分析全球真正賺錢的投資者、經金經理，佢地都無人短炒，都是長線投資的，巴菲特更講明反對短炒，反對技術分析。

只要我地細心少少去想，都會明短短炒根本賺唔到錢。長線先至係王道。

以下是我認為不錯的書，部分要到圖書館找的，另外，如果想學好投資，就狂睇同巴菲特有關的書。

《我十一歲，就很有錢》
《經濟蕭條中，七年賺$1500萬》
《富爸爸，窮爸爸》
《思考致富聖經》
《秘密》
《財富金鑰匙》
《有錢人想的和你不一樣》
《世界上最偉大的成功寶典》
《洛克菲勒寫給兒子的38封信》
《解讀巴菲特》
《巴菲特傳-永恆的價值》
《勝券在握》
《智慧型股票投資人》
《非常潛力股》
《彼得林區的選股戰略》
《誰搬走了我的乳酪？》
《人性的弱點》

------------------------------------------------

Q18862：

老師早晨,我個仔啱啱出嚟工作,一年半前開始月供股票$2000,但兩年期免手續費快過,仲值得供落去嗎？因為手續費每月$50！

龔成老師：

如果手續費佔比去到1%，就未必值得

佢可以停一停，儲下現金先，等佢可以每月供到$5000時再開始翻（但如果佢是儲唔到錢的人，建議佢每月就算$3000、$4000都照供）。

------------------------------------------------

Q18863：

您好，小弟20歲仲係學生哥，3月起因為美股熔斷上曬新聞，加上自己online learning，就開始學投資。有以下問題，想請教一下:

1) 只有現金45k，只用了當中18k作投資，這金額是否太少? 是否應該等本金多一點才作投資?

2) 在過去幾個月，當持有股票的時候，忍唔到手經常望住股價，令到自己過分緊張。或者我沽出的時候，見到佢繼續去又想講粗口。呢個問題令到我成為短線投資者，投資心態其實應該是如何?

3) 股票應該幾時才做止蝕或賺? 早幾日因為2382大跌，所以止蝕離場。但是我睇財務報表符合預期，基本面上看好。但因華為消息令股價急插，若有下次遇到這些情況需不需要做止蝕?

4) 我是否應該當每一次交易都是獨立的，不好因為以往的買賣價格而影響自己決定? 三月時，我曾經在95元沽出3690，過一排見佢103元想買回，但係冇入到，因為曾經95蚊沽過，心諗而家上返車蝕咗升幅咪好傻仔。結果錯過咗一隻倍升股嘅機會。

5) 我呢幾個月都嘗試學習計算估值，不外乎是上下網睇下大行研報告等等。我覺得自己的計算如履薄冰，請老師指出當中的錯誤:

i) 用息率嚟釐定合理價，例如在計算823的合理價時，有5%息就係平，3%息就係貴。

ii) 在計算增長型股票時，列出過往幾年的各業務收入毛利等等的數字和變化，然後按比例估計今個財政年度數據等。

再按大行研究報告，給予該業務的PS值或PE值，計出該業務的業務價值，然後將該公司所有業務價值總和除股本，就應該是合理價。

見過大行指出，科網股今年的價格其實是下年度的合理價，所以計算2020年的合理價，要以2021年的估計數據作估值。

6) 平和貴的股票，平過合理價幾多先叫平。還是合理價不是一個指定價格，而是一個區間，跌出這個區間就叫平，升穿這個區間就叫貴?

7) 之前留言問過學估值要睇巴菲特的書，請問有冇特別推薦邊本?因為我見市面上都好多。

感謝龔Sir寶貴時間，祝 平安!

龔成老師：

你這年齡開始學理財、投資，十分好。記住，你要學「正確」的投資知識，要學最賺的人所用的知識（例如巴菲特），否則好易行錯路。

1）現時已經可以開始，但最好留翻$2萬點都唔用，要到股災先用。

2）你要平常心面對上落，這是心理質素的訓練，要練到「無感覺」，另外，建議你試下「訓練一個月唔睇股價」。

3）首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

你要分析企業的長遠發展，如果仍是優質，就可以守。

4）你絕對唔好比「過往的買入價」、「賺蝕」、「買過這股」等因素影響，過去無意思，分析這刻最重要。

5）要計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

如果要深入計算，基本上要好仔細的研究企業，要分析好多財務數據用比率，先至有較完整的答案。

6）你先要計到估值，例如這股的合理區在$50-$70，如果現時股價是$30，就是平。$71就是貴。

7）《解讀巴菲特》
《巴菲特傳-永恆的價值》
《勝券在握》
《智慧型股票投資人》

------------------------------------------------

Q18864：

老師 多謝你回覆 在剛剛過去一星期 我身處悉尼 朋友身在香港 想向代購生意發展 我在澳洲買貨 寄去香港賣 想在Facebook或Instagram做平台

打算以30-40女性為市場 因為她們有穩定經濟收入 亦係做媽媽既開始 我地打算主打XX、XX

你覺得呢個市場可以嗎？賣既野算唔算散？一開始可以點樣吸引人follow我地既專頁？

龔成老師：

我相信有市場的，最重要是定位要明確，做專唔好做雜，要有自己的獨特性，等人容易記得你。

我建議你最初可以同時試這幾個項目，之後如果有一邊反應較好，就收窄，集中去發展，如果客戶會同時買幾邊的產品就一同發展。

最初只能用你身邊的人，幫下follow，同時你想方法在不同的地方增加暴光率，如果可以找到傳媒幫手就更好。如果有資金，就可以賣廣告。

最初是難的，因為無人知你地的存在，所以要用不同的方法做宣傳，唔好直接賣產品，而是先做好你的平台的宣傳。

------------------------------------------------

Q18865：

老師，想問吓你，而家嘅經濟好似同以前好唔同，你仲係咪相信價值投資？

同埋你會唔會講吓投資物業例如樓，車位，納米工商單位？Thanks

龔成老師：

價值投資永遠都適用的，只是我地運用時要靈活，不能一成不變。

無論是新經濟股、舊經濟股，最終都會去翻佢地的價值，價值投資法一定適用，只是角度與計算的問題。

另外，唔好太過著重中短期經濟，要睇長期。

至於其他資產，你可以睇《大富翁致富藍圖》，部分都有講述的。簡單來說，物業類資產，現時都唔算平，例如住宅物業，投資價值唔算高，不過自住價值仍有。至於納米工商單位，投資價值就一般。

------------------------------------------------

Q18866：

師兄有問題想問你
我想入手06電能實業現在可以買入收息現金保險的保費可以嗎？

因為我想慢慢財務自由我知有點遲但係都要實踐
因為本人小時候好爛賭請放心現在唔會因為我現在有的現金大約500,000經過一次經歷學懂儲蓄因為想同師兄分享

是你本人嗎這個帳號因為我知道有好多是假的？

龔成老師：

放心，這個FB的專頁是真的，但我都知近期好多假野，其實最好的方法，就是你在我的書「作者簡介」，有寫我的FB網址的。

電能（0006）有質素的，但增長力唔強，是收息股，但就唔好對股價有太大期望。這股現價合理的。

如果你想財務自由，我地會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

------------------------------------------------

Q18867：

你好，成哥，想問一些問題：問題1，你覺得美团如何？

問題2，我係初哥，覺得d股票太貴，入場入5起，可以轉入佢ge窩輪嗎？

問題3,短炒同長楂分別那樣好？謝謝回覆

龔成老師：

1）美團點評（3690）有潛力的，佢之前出左業績，見到開始有正現金流，這是一個實質的利好因素，因為之前一直在燒銀紙，現時初步見到成效，市場對佢重新估值。

當然，現時仍有不確定性，估值唔易。

只可以話，潛力是有的，現價唔算平，但不是完全無投資價值，不過，一定不能大注。等回少少先開始小注，是較好的做法。

2）唔建議，我20年前都有同你一樣的想法，但後來先知，發行商食水好深，長遠你一定輸多贏少，唔好做水魚。

建議你月供股票，長線投資。

3）我20年前，都是短炒者，技術分析者，用左幾年，輸足幾年，之後長線投資，就開始不斷賺錢。

我好後悔當時浪費左幾年去學這些分析技術，我當時不斷睇書、上堂學短炒，但最後都是輸，好後悔，只怪我當時無知。

之後做銀行同證券行，見大部分輸錢的客，就是短炒的一群！這是我10年見到的情況，這是行內的秘密，根本大家都知短炒者一定輸，但業界一定唔會講！

另外，如果你分析全球真正賺錢的投資者、經金經理，佢地都無人短炒，都是長線投資的，巴菲特更講明反對短炒，反對技術分析。

只要我地細心少少去想，都會明短短炒根本賺唔到錢。長線先至係王道。

------------------------------------------------

Q18868：

你好 龔成老師，我今年23歲 目前全部現金總共八萬多港幣，每個月收入12000左右，除去家用3000以及大約500多的花費

其餘8500都可以存下來。我很早之前就對投資很有興趣，但一直未有實行，只是看很多的新聞以及學一些簡單的理財知識。

現在因為我內地的家鄉準備開通地鐵，我比較擔心直接樓價會大升而失去買樓的機會，但是如果買了內地的單位

我就需要消耗全部的現金以及背負大約60萬的負債，亦會失去現在進行投資的機會。我因為小時候比較窮，所以一直都很努力存錢

中學時期接觸到財務自由的概念之後就以這個作為自己的目標，希望自己有一日亦可以不需要做不喜歡的工作亦可以有足夠的收入。

但現在我實在感覺十分困擾，希望老師能夠指點迷津，多謝。

龔成老師：

如果開地鐵這個事件，當地居民已經知道，其實樓價已反映左，唔會因為之後正式通車而大升，最多少少上升的。

所以，你唔需要因此而心急做決定，只要用長遠適合你自己的財富配置進行就得。

所以你首先想清楚，自己的財富配置想如何，如果買樓，盡量儲多少少現金去等買樓。如果未有太快買樓，你就可以利用手上現金，部分買股票，如果未有投資經驗，就利用月供盈富（2800）進行先。

------------------------------------------------

Q18869：

龔sir 你好，自從上完你堂之後，而家見到比亞迪既升幅，真係多謝你之前既教導，雖然我投資數目唔大但見到自己有利潤就證明學得到野。

小弟係呢段時間，一路睇下有無其他野可以買，最後買入左一隻etf,（3175），小弟好好采係低位買入到2.3，我買入既原因係因為之前油價出現千年難見既現象（負油價）。

所以認為肺炎後世界回覆正常時油價就會回覆正常，但係之前熱炒（3175）時出現大量買入該股票，我係等熱炒過後先買入，之後一路分注買入

同現價差不多位置，我想問一下（3175）係跟住油價指數運行，呢個說法有沒有錯誤？

同時熱炒期間我睇新聞知道因為基金多人熱炒出現大量買入，係呢個情況會唔會影響佢既升幅呢？

我睇番肺炎前既價格，佢係受到肺炎影響而變至現在價位，我諗肺炎後油既供應同用量都會回覆正常，本質上產品沒變，所以我出現呢個想法。

請龔sir指點我一下思路同想法有沒有誤

龔成老師：

Ｆ三星原油期（3175）就是追蹤標普高盛原油額外回報數之表現，不過，唔代表佢能追足油價，第一，佢只是追蹤油價的相關指數，第二，佢的誤差率極高，第三佢的轉倉成本可以好大。

其實當中有點複雜，唔止關油價事，例如轉倉成本等因素，價格與期貨有關，而期貨會到期，所以要不斷轉倉，而轉倉要成本，就會令這基金價值減少。

即是說，就算油價上翻過往的水平，也不代表這基金會上翻過往水平，因為當中已經減少了價值。

中短期油價會好波動，風險高，如果油價持續不利，每月有成本，都好麻煩。因此，你一定唔可以大注。

------------------------------------------------

Q18870：

Hello 龔Sir, 想請教下你關於一啲 投資產品for 退休嘅 睇法

我比較緊 政府 扣稅年金同埋一般嘅儲蓄 保險， 根據 回報表所例嘅數字， 年金嘅回報率相對地會低啲， 但就 比較穩陣

而儲蓄保險個投資成分就會高好多， 喺回報表寫嘅回報數字 係比年金嘅 回報 多一倍或以上， 但當然 這是不保證的， 所以想睇下你嘅 意見， thx!

如果我想買一份作為防守性嘅投資工具, 去到 退休時最少有一筆錢在手， 選擇哪一個會比較合適

龔成老師：

退稅年金有好有壞，好處是稅務上的優惠，但就要強行投資一個較低回報的項目，你的資金會因此而被鎖死。

當然，如果你本身都想買的話，絕對是無問題的，但如果只是為買而買，就要清楚翻對自己是否長遠有利。

至於儲蓄保險，如果當中有投資成份，回報就有機會比退稅年金為高，當然，風險度都會高左。但整體上，一般都是穩健的。

如果你目的是較低風險，投資退稅年金會較適合你的。

------------------------------------------------

Q18871：

老師，價值投資法，可否只以月供方式進行？把現有資金加大額每月供股票？

我實在沒有時間經常看股價，待大市下跌分注或大手買入優質股。還有，心理壓力很大，也會錯過投資機會。

MPF已供有20年時間，也看到成績。可否效法只月供股票的方法？

龔成老師：

價值投資法的核心，就是視買股票如買企業，買優質企業，長線投資。

至於你用月供，或一次過入，這是投資策略的問題。

只要是優質股，你當然可以用月供模式進行，將現時的現金，變成月供金額保持進行，原理就是將現有資金投入，能有效平均買入價，策略上可以。

如果你無時間留意，以月供長期去買入，適合你。

------------------------------------------------

Q18872：

老師 兒子是舊年股票班舊生 今年18歲 剛出來工作 每月可有27000用來儲蓄跟買月供股票

想請教一下 應該如何分配 用多少來做儲蓄 剩下來應該買幾多隻股票

應該選擇邊幾隻股票適合他 他希望5年可儲500萬 有沒有可能呢。謝謝老師幫忙解答

龔成老師：

如果想平穩，就可以將資金$15000，去做月供股票。

佢可以考慮盈富（2800）$5000。

另外再加其他：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

如果想進取，想以5年$500萬為目標，就要更進取（當然，這是一個好高的回報，佢將會面對較大風險）。方法就是，全部集中投資潛力股。

現時每月將$8000買入潛力股，同時儲現金，等機會。

同時，每個星期要自己研究一隻潛力股，要比市場早一步發現，找到後如果價位合理，就買入，如果平，就大手入。

這是一個進取方法，有危有機，佢要自己決定。但每星期一定要花時間去尋找潛力企業，否則一定做唔到。

------------------------------------------------

Q18873：

龔成你好，我係一位保險Agent，好欣賞你一直以黎既無私分享，期待有一日可以成為你一樣既人

我經常都會同朋友討論起你，對於一般只會問你邊隻股票好既網民，反而應該先理解左你既投資理念，加油！！！

另外，有個小小既問題，對於保險產品，你持有一個點既態度。正面/負面 & Why？Thanks

龔成老師：

保險在理財中，有一定的作用。

我地投資，並不是炒炒賣賣，是理財，是建立一個財富組合，要平衡，要攻守兼備。

保險，就是將我地唔想承受的風險，轉嫁比保險公司，在理財中有防守的作用，當然，我地同時要有進攻，投資股票就是進攻。

------------------------------------------------

Q18874：

龔先生，你好，希望有些股票上的知識能請教你。

由細到大，媽媽教落，聖誕中，買匯豐，由129買，之後買了一路無理，跌時便一直侵，侵到在83個半，最後在$35放了，蝕了好多錢，這是有多年來的積蓄，好肉痛啊。其實正確嗎？

之後覺得一定要學投資，所以我買齊了你的書籍，只欠年報，因為怕自己看不懂，現在先看80後百萬富翁，待細仔考完試後，便會報名報讀你的課程

龔成老師：

我地投資，並不是盲目長線，而是要持續檢視，我地每隔半年，會分析翻持有股票的企業本質，了解翻是否值得長線投資。

匯豐（0005）在大約10年前，賺錢質素有所減少，其實其他銀行都有類似情況，我過往在銀行工作，都見證了佢地賺錢能向下。

當然，這不代表零質素，但質素減左，賺錢能力低左。這類股，我地就唔會持有過多，因此你不斷加注是錯誤方法。

------------------------------------------------

Q18875：

阿Sir你好，我有啲大目標想請教你，可能會浪費你好多時間睇，因為呢個係我人生規劃同目標:

我24歲:

喺大陸有樓,減咗租金每月供$3000港幣。

股票入面有53萬，主要比亞迪升咗帳面賺左16萬。其他都是優質股，不過暫時帳面下跌。
留有的現金18萬。

股票加現金共71萬左右。

喺香港每月盡力儲1萬5千。
我想兩年後有130萬-140萬
請問可以嗎？會不會太快？

因為我希望有100萬投資美國樓，因為我有親戚在那邊，說在那邊買比香港回報更高。

因為這71萬有30萬是親戚借給我投資的，所以兩年後我要還

我希望在美國買了後，然後在香港租地方住，大陸和美國收的租金用來在香港租住，然後再儲下一個100萬

龔成老師：

2年並不是一個好長的時間，所以好難確定投資能否有回報。而你$30萬是借貸的，在投資時不能太進取。

因此，你投資時，自有資金部分，進取少少都可以，但借貸部分，宜投資平穩增長類。

如果要兩年有$130萬，你可能要進取少少，這點要自己衡量風險，同時，你要有一定的投資知識，能比市場早一步，找到潛力股。

至於大方向，美國樓是否比香港樓一定高回報，這個未知，始終要睇當地的長遠需求。而香港樓，相信長遠會穩定，加少少增長，但就不是高增長，同時亦不會大跌。

你以大陸樓及美國樓去對沖香港樓租金，不是不可，但長遠來說，如果你在香港有自住需求，都要分析買樓自住的可能性。

------------------------------------------------

Q18876：

你好！請問老師，我28歲，有一個己供斷單位（樓齡50多年）是一個有lift既洋樓。之前都租緊比人住，而家想自住成立家庭

請問如果我想按樓價既50萬出黎做美股投資會否不智？

因根據走向，科技股既增進日益增強。想請問老師希咩睇法？

請問有更好既建議比我參考嗎？

龔成老師：

有利有弊。

加按投資不是不可，因為你年輕，可以承受風險，加上現時利息低，以及你本身無負債，因此，不是不可進行。

但比較關鍵的位，就是投資能否有確保的回報。

因為加按的原理就是借錢，你現時借錢投資，是否有信心得到回報？在你過往的投資經驗中，是否8成都能獲利？

投資不能睇表面因素，要經過詳細的研究，確保你本金的安全，以及得到合理回報。

如果你以自己資金，投資美股，最簡單是投資ETF，如VOO、QQQ，是可以的，但如果加按，就要更為小心。

------------------------------------------------

Q18877：

我最近在圖書館租了你的財務自由行, 了解到你的作風.
最令我欣賞不是你書中講解的理財知識, 是睇到你對財富的深入理解的和怎樣落實行動. 老實說, 理財知識其實不會太難

基本上好多人都知這些知識. 問題是怎樣做到知行合一, 我係你本書就看到這種特質. 很多人都知只靠打工收入是很難累積財富

亦知道要作出改變, 但就是不想改變, 寧願辛苦打工幾十年都不願持續努力幾年增值自己, 改變自己人生

這個感受我都是最新兩年前先開始慢慢深刻體會到. 我反而有興趣知道, 老師的爆發點先從甚麼時候開始?

你是看到一本書受到啟發, 然後決心改變人生?還是從小就有這個願境? 可否分享一下你脫變的過程嗎?

龔成老師：

可能我過往住公屋，都會想改善生活，所以我18歲已開始有目標，希望將來有$1000萬。

於是，當時仲讀緊書的我，就開始想方法去賺錢，在18歲就開始投資股票，最初有賺有蝕，後來蝕錢多，就問自己問題係邊，於是去圖書館睇書，先發現當時自己好無知，輸錢是合理結果。

當時我明白，如果我想有$1000萬，就要大量增加知識，當時睇左好多書，明白有錢人的賺錢方法，於是更相信，只要自己落實去做，就可以做到。

------------------------------------------------

Q18878：

老師，我有一個難題，困擾左我一段時間，想不通，我已經將股票+現金儲夠差不多一百萬，買哂股票，只留番比亞迪，夠比首期買第二層樓，但比左首期后，我只餘下約5萬現金，和2手比亞迪，值得去做嗎？

龔成老師：

如果你本身已有物業，就唔需要太急去進行這動作，因為你已經處理好自住問題，當你再買物業，就是「投資」。

我地會衡量，你同一筆資金，以股票模式持有，還是轉為物業，那個增長力會較強？

以現時的樓價分析，樓市未必特別平，因此，你持有股票，回報率會好D。如果你真的想買樓，就建議你儲更多資金先，當你儲到較多資金，已經足夠買樓後仍有股票與現金利，就可以行這一步。

又或者，你儲資金去到中途，見樓市明顯向下，成為入市機會，就可以進行。

------------------------------------------------

Q18879：

你好，本人47.5買入6060，請問可以幫忙分析一下短線和中線的走勢？值得繼續持有？

還有6060前景如何？

龔成老師：

眾安（6060）業務不是無潛力，但並不易分析的，到目前為止，佢的實質盈利未算好大，這刻的實質業務價值不大。

但佢做這類互聯網保險公司，的確有潛力，同時背後有支持，所以有發展，這部分產生了「概念價值」。

佢無乜盈利，但市值可以去到百億，當中大部分都是概念價值，而這個價值值多少錢，其實無人知，市場對這價值的看法不一，同時經常改變，所以令股價大上大落。

所以，之後的股價，仍存有相當的不確定。如果你貨不多，可持有，貨多就要注意風險。

------------------------------------------------

Q18880：

成功先生，我想問XXX有一個基本mixed 債券plan 叫XXX，我本身2017年已經有買，為期五年，買20萬每月有$1,2xx, 你認為值得加注投資？抑還是加注買有增長力股票eg 9988｡

另外我之前大概, 半年前買左融創中國43蚊買入，你認為咪繼續坐住先？

另外，我亦買咗857 ($3.5) & 883 ($13.7) 何時有起息？Thanks

龔成老師：

我無特別研究該債券，但初步睇，回報都不差，可以投資。

其實我地理財，最重要是平衡組合，做好配置，所以你可以在部分資金，持有這債券，作為防守部分，餘下資金，則進攻，投資股票。而防守不用太多的，所以，未必要加注，只要持有就得。

佢至於融創中國（1918）業務不是無質素的，有規模、品牌、銷售網絡，但同時有一定風險。

首先，中國樓市如果逆轉會有很大打擊，另外，這股的負債超高，無事就無事，有事大件事。

因此，持有這股不是不可，暫時都可以守，因為不是完全無質素，但要明白背後的風險，同時明白這一定會令股價較波動，自己最好控制注碼，不宜持有太多。

中石油（0857）雖然質素都算有，但不是最高質類別，佢對油價較為敏感。

雖然佢都有一定的規模，但卻不是最高質素的企業，這是由於佢的產品自主力較弱。

石油是商品，當中沒有差異性，佢地要將石油賣出，只能跟國際油價，這令佢地處於被動狀態。沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。

由於質素中等，唔建議大注投資，但相信油價上翻佢會上升的。中海油（0883）都有類似情況。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

帶著舊愛遺下的怨氣投入到新歡的懷裏，那種折騰原來比想像中更難熬過去。

新的男朋友對你越好，你就越是在想，以前那個，這分這秒，到底正在幹什麼。

想不到，半年零三天後的一個晚上，當她在浴室準備寬衣的時候，電話震動了一下，竟然是他的短訊。「Hi Monica，最近好嗎？前幾日執屋，你仲有少少嘢喺我度，我應該點畀番你？」

最有型的答法當然是，「唔要㗎喇，擗咗佢啦。」

不，on second thought，那樣回覆好像有點小家，不如說「速遞畀我啦」。

不不不，速遞的話，豈不是少了一個跟他見面的機會。就在這一刻，她心裏的怨氣突然排走了一半；謎團終於解開，內心的折騰，原來是怨氣找不到釋放的缺口；簡單來說，那個缺口，就是一個報仇的機會，而所謂報仇，便是要以前那個他知道她現在活得有多好。

這個大快人心的機會終於來到，爽極。

「星期日下午茶？」她，11:26 pm。

「好，」他，11:37 pm。

「我帶埋男朋友你介唔介意？你拍拖未呀，你可以帶埋女朋友㗎，哈哈。」她當然沒有察覺，滿腔怨氣的自己，打個 message 都是格外低能。

「我 ok，你鍾意。」可惡，他這樣答，即是會帶女朋友還是不會帶女朋友，即是有拍拖還是冇拍拖。剛排走了一半的怨氣，很快又捲回心房。

高級的法式咖啡廳内。

Moses 早到了十五分鐘，Monica 和她的男朋友遲了十五分鐘。

從 Moses 的視覺出發：他看到前度打扮得簡單卻十分漂亮，旁邊那位男士明顯不是常做運動的類型，但總算端莊。

從新男友的視覺出發：他覺得很奇怪，女朋友的雙手緊緊勾在他的肘彎上，小鳥依人得史無前例，臉上卻是橫著一股咬牙切齒的恨意。

從 Monica 的視覺出發：心情太複雜，但一切準備就緒。

大家都點了飲料之後，Moses 從身旁的袋子裏提出一本相薄。「呢本相薄，嗰陣你好鍾意，你應該想要番。」這本牛皮製的相薄來自一個著名的歐洲品牌，而且是全人手造的，轉手賣出去都有一定價值。

那刻盯著相薄的她，有點錯愕，不懂反應過來；她與他的，無論是面書上的 po，還是 dropbox 內的相，已經一滴不漏的刪除了，卻原來還剩下這本相薄。

五年的回憶倖存下來，她心中暗喜，口裏又是另一版本：「相薄周街都有得賣啦，我唔使要番喇，你鍾意咪你 keep 囉。」說這句，意思就是，「我覺得沒有什麼值得留戀的」，她要看他傷心欲絕的反應。

怎料，他只是弱弱一笑，把相薄擱在一旁，拋下一句「ok」。

就在這瞬間，她才意識到，他才是那個不再留戀的人。既然是這樣，那麼她只好，把最後一件值得留戀的信物都還給他好了。她從手袋裏拿出一枚舊裝錶，放在他面前。「呢隻錶，我諗應該畀番你。」

一路都很冷靜的他，看到這枚他與她在東京一家小店買回來的舊裝錶，靜若止水的心靈突然翻了一個巨浪。還記得在那家小店裏，他對她肉麻當有趣：「呢隻錶永遠都唔會停㗎，就好似我對你嘅愛咁囉。」她輕輕打了他一下，再依偎著他說：「咁我一世都戴住㗎喇。」

再也裝不來了，他拿起錶，仔細看清楚，錶竟然真的停了。

她怎會不知道他在想什麼，於是說：「已經停咗好幾個月。」

嘴唇抿成一條直線，良久無語，好半天，他終於呼了一口氣，說：「都差唔多喇，不如埋單。」

「今次我請，」Monica 的男朋友終於有對白了，「你唔好同我爭啦。」他一舉手叫伺應，就不小心打翻了面前的冰咖啡，相薄遭殃了。

「搞錯呀你！」最緊張的，想不到會是 Monica。

這本相薄就好像一部測謊機一樣，勾出了一個騙子的真實反應。

她連忙抽起相薄內的照片，準備用紙巾把咖啡抹掉，誰不知 Moses 一下子喝住她：「唔好抹呀！」

但太遲了，當她抹了一下才發現，原來每張熟悉照片後面，都寫上了字。幸好大部份的照片也安然無恙，只是她手中那張，有一半的字都化開了。

「Sorry，」Monica 代男朋友道歉，「我攞番去幫你清潔，之後先還番本相薄畀你。」

一星期過去，驟變的，除了溫度，還有人。

下班回家，他在屋苑樓下看到一個熟悉的身影。

「Hi，」她那雙精靈的眼睛，在他臉上溜了一圈才停下來，「想還番本相薄畀你。」

「咁......你介唔介意上一上嚟？我都有嘢想畀番你。」

給她倒了一杯蜜糖之後，他走入房間再走出來。「嗱，畀番你。」

「吓？我有話要番咩？」臉上一派天真。

「之前隻錶停咗啫......而......而家行得番，你咪考慮下囉。」

「行得番咩？」她覺得難以置信。

「隻錶笠咗油，即係錶身嘅機油乾咗，令到隻錶停咗。我去東方表行腕表維修服務中心，叫人幫我加番啲潤滑劑咪冇事囉。即係好似......好似愛情咁啫，有番滋潤，咪歷久常新囉。」

「吓？」她呷一口蜜糖，「我完全唔覺有咩滋潤喎。」

「你......咁你想點？」

她靠近他，幾乎貼著他的鼻子，說：「嗰張相後面，化咗嗰幾隻字，係寫乜？」

「喂小姐，」他抗議，「你唔係要我讀出嚟咁 leung 吖。」

「你話滋潤吖嘛，滋潤係咁 leung 㗎喇。」

「我唔記得自己寫乜喇，」其實他調轉來背也可以。

她沒有理會他，讀出她記得的上半部：「時間，每個人都有，但每個人都唔知自己有幾多；可以係一分鐘，可以係五十年，但只要......究竟只要啲乜？」

只要能夠和你在一起，就算再多一百年，也嫌不夠。

===== ===== =====

東方表行全新腕表維修服務中心，提供符合瑞士及德國製表規格的一站式腕表保養及維修服務。維修中心設備齊全，特別從海外購置高科技儀器，而在維修中心的表匠平均更達二十年的工作年資，經驗和實力毋庸置疑。

Everyone likes to learn swearing first, in any language
Cantonese swearing is pretty scary???
But besides this very popular method, learning idioms, proverbs, and expressions very useful.

#廣東話 #GAG #減壓 #屎尿屁
#放鬆 #中文 #Joke
#poo #pee #farts
#牛皮燈籠 #單眼佬睇老婆 #老公荷包
#神仙放屁 #冰格放咗五年嘅冰 #AUNTIE唔識字
#Cantonese #Chinese #English
#遊戲 #輕鬆 #學習
#Relax #Laugh #Fun
#好玩 #搞笑 #開心
#Happy #Funny #Smile