初初入職嘅時候，我覺得公司每次開會嘅氣氛都好奇怪，簡單嚟講全部人可以分成兩種，一種係圖書館管理員，全程陪坐唔出聲，另一種就係老細話乜就乜，徹頭徹尾係一條應聲蟲。
有次開會尾聲，老細問大家有咩意見，明明記得隔離條友成日鬧公司個system好廢，輸入資料嗰部份勁多bug，而對面條友就經常諗到啲好橋sell客，有創意得嚟又貼地，但點解公司畀機會大家表達同發揮，個個又鵪鶉咁既？
後來有個前輩同我講：「少年，你太年輕喇，老細叫你講，佢真係會聽咩？」
唔怪得每個人都收收埋埋啦！其實肯畀意見，肯分享idea，係反映大家對公司有熱誠，老細如果信任同支持，士氣自然大增，最終受惠嘅都係客人。
舉個好簡單嘅例子，噚日我哋幾個同事落樓下星巴克買啡，新推出嘅 #凍荔枝椰果咖啡，仲有 #薰衣草意式特濃鮮奶咖啡，就係由佢哋兩位工作咗一段時間嘅夥伴設計，咩夥伴？即係員工呀，星巴克會以夥伴相稱，地道啲嘅講法就係大家拍住上。
呢種文化唔單止包含信任，仲有實際行動去支持，因為星巴克提供埋平台畀夥伴發揮，將設計獨特嘅飲品同顧客分享，為繁忙嘅都市人提提神，打打氣，希望你都會抽時間去細味兩杯新飲品，順便同佢哋嘅夥伴交流，感受呢份創意、心思，仲有熱誠。
#荔枝椰果咖啡 #薰衣草意式特濃咖啡 #夥伴 #2018星巴克創意咖啡大賽 #熱誠
