《讀者投稿》
本身6299都係父權主義到爆，咩都要話事，要人就佢哋，同佢哋住就好似軍訓咁，唔知係咪因為咁，佢哋個女好早就離家出走同人生咗對仔女之後失婚。
可能佢哋覺得自己欠左個女，成日走去照顧佢個女D小朋友（但有時唔問我奉旨要我幫手湊）
過左一年沉默生活，終於可以出嚟自己住。
話說今晚同99慶生，睇住老公準備哂所有野（餐廳蛋糕）
仲要邀請埋佢的失婚家姐連仔女連工人出席（請求的請）
去到8人長枱，老公家姐、一子一女加工人4人坐一邊，咁我就坐工人對面，之後老公，6299。
點餸果陣，我講左想食咩，不過冇人理，因為小朋友想食咩/食得咩先可以叫（或家姐想食都得），其實我想叫一人一份唔使煩，不過照舊冇人理。
食物黎到，按禮貌畀壽星99食先，之後就老公家姐、小朋友，夾完都唔會畀你，因為要睇個小朋友仲食唔食，佢哋一家又要唔要先，小朋友想食就要再畀，小朋友中意食就留哂畀佢哋。
就係咁，成餐飯，我同個工人，你眼望我眼，繼續飲水，反正有新野黎，佢哋想食新野，就會傳食完的野畀我同工人。
老公雖然叫坐中間，不過佢都係招呼佢雙親為主，果刻我覺得做工人都叫有錢有飯食，我成副人工去左供樓（好彩算搵到少少），今餐又look我張信用卡（老公話會畀返我），我卻感恩有個工人同我分甘同味。
完左餐飯同老公表示不滿，佢話我發咩脾氣，唔通我連嬲的權利都無？
＃我的極品四大長老
分甘同味 在 分甘同味谭咏麟& 陈百祥(歌词版) - YouTube 的推薦與評價
分甘同味 谭咏麟& 陈百祥你身边的我最清楚你每天都给你惊喜但要可知你再加起我至可以算完美艰苦建信心更分享悲喜豪情重爱成为真理平淡见细心更增添生气 ... ... <看更多>