讀者投稿《離譜零衛生奶奶篇》
有左之後幾乎產後抑鬱，因為62迫99幫我湊b，本身傾掂數我阿媽幫我湊，因為我覺得99唔適合湊，但最後某d原因我好唔想咁比99試湊。點解咁驚，原因好多。
1. 話說奶奶幫佢疏塘親戚湊小朋友，湊小朋友應該要乾淨，但出街後無洗手已經算少事，有次同奶奶出街，佢湊個女仔掉左奶咀係街，唔見左，但奶奶走黎問我佢奶咀係邊？bb車佢推開，我同我老公喺佢附近行街而已，我話點知呀奶奶，跟住要我陪佢係街搵。。。我心諗，奶咀一個幾廿蚊姐，咁都要搵？點知真係比佢搵到，勁，跌係街咁污糟，但奶奶入鋪頭借廁所搵水喉水是但沖兩沖，就塞番比個女仔，勸佢都無用，話唔怕。。。
2. 我爸媽一路唔信我奶奶有幾不濟，話我誇張，有次生完我阿媽我家姐去探我，奶奶即刻曬野，show條新鮮魚比我阿媽睇，條魚生既，佢掂完無洗手，就meet蛋糕比個女仔食。我同一家人對望，O哂咀。但其實超擔心我的初生仔會否同一遭遇，最終差點產後抑鬱。
3. 有次我泵緊奶，奶奶係廳餵我仔飲奶，我突然聽到玻璃樽跌落地下嘅聲音，我下意識立即停止泵奶，點解？因為要仆出去睇下奶奶有無洗或換個咀，我用左30秒出廳，發覺我個仔已經繼續飲緊奶，而我即問奶奶，頭先係咪跌左樽，跌左要洗個咀，佢話已經洗左，你信唔信30秒可以從sofa到廚房洗咀再用熱水滾個咀？佢話洗左我可以點。。。？我肯定以99性格一定用手撥兩撥就算，99屋企仲要成日有蟑螂行。
4. 媽咪探我話原來發覺我奶奶唔浸菜，只係搵水喉沖兩沖就得，我阿媽有話一定要浸，唔係有農藥，奶奶話如果有農藥浸極都會有，唔聽意見。仲有，原來奶奶煲蓮藕湯d蓮藕係無洗成條去煲，我媽話點得，好多泥，奶奶話係師奶教咁煲先好飲，唔好飲就奇，泥湯。唔怪得我經常肚痛。。。
5. 奶奶洗碗洗咩都極求其，經常發現周圍都有頭髮，餸菜一定有所發現，再唔係d碗或筷子一定痴住頭髮或發覺有異物，因為無洗乾淨。
6. 有次同99一家飲茶，入左一間房飲，位都幾迫，但bb車放到係我隔離，99竟然話要將架bb車放係起碼200米外的位置，話呢邊無位，話唔怕啦，果邊都睇得到，我話點睇到呀，初生b訓緊覺喎，要睇緊d喎，又危險呢無人睇住，傻架咩我心諗，真係好燥囉我。
7. 有次99陪我去健康院陪b打針，話要陪b入房打，我心諗，護士要問家人知唔知打咩針喎，99一定唔識又唔認真聽人講，但佢死都話要陪，我話好，你陪囉，點知99竟然連我個仔叫咩名都講唔出，又講唔出打咩針，最終在健康院大聲吼叫我求助。跟住阿b要飲奶，99拎左枝暖水出黎，我話唔夠熱唔沖得奶粉，跟住我用熱水沖，沖完熱得滯阿b未飲得，大喊，99係健康院又大聲話我，都話叫你用我枝水沖啦，搞到佢大喊啦，我用左比較惡既語氣反擊，99呀，要用70度熱水沖奶架，唔係會有細菌架，佢先收聲。我真係好嬲，要我比你湊b?我一定抑鬱死。
8. 有次我帶b返99度，我b同99湊緊既女仔玩緊，跑跑跳跳，99無拿拿呢個時候走去拖地，最終令個女仔滑到撞到頭。我有叫唔好拖，但99話，唔怕啦，唔怕啦就係我99口頭禪。
最後我決定自救，在悲劇未發生前任性的帶同仔仔離開返媽咪到住。叫我老公安撫奶奶先，因為我知咁落去我仔仔一定好危險。仲有太多恐怖野啦，遲d再機會再share。
#退一步海闊天高
#我的極品四大長老
👇設計圖片
