［諗起派彩，卒之尖東跳海］今次嘅主人翁，就未等到派彩，自己已經先行一步。廿歲仔就咁死咗。最慘係都幾無辜。所以未見棺材真係唔使咁急流眼淚。
TLDR：美股喪炒，極多年青散戶入市。呢位仁兄以為自己輸咗七十幾萬美金，睇唔開自殺—但其實佢根本冇輸到咁多錢！分分鐘有得贏。只係唔識睇。
1. 死咗人，so sad．但都係比較冷血（in a neutral sense）地寫篇文，純技術分析．埃汾唔會幸災樂禍，但亦唔會濫情。
2. 故事原本好簡單，有人炒股輸錢自殺咯。咁其實，冇乜特別，耐唔耐都有啲咁嘅人。
3. 你問埃汾，好多人就當然係玩得太盡。埃汾幾時都叫人，唔好借錢投資（買樓除外，但亦只限係自住）。當然，好多人做槓杆，玩衍生工具，好似都同借錢差不多。但當中有少少分別。例如你去炒輪炒牛熊證嘅，咁你兩萬蚊買落去，你可以輸晒嘅，就係兩萬蚊。係有槓杆，但你最差就係可以輸晒。
4. 有冇得比輸晒更差？當然有啦。之前咪話中行啲乜乜原油寶，啲客畀人追差價，輸晒自己錢仲要爭銀行錢補差價，後來國情特別處理後話。正如你去借孖展，兩萬蚊騰訊按九成借錢再買阿里巴巴再碌上去買網易再按七成買京東，玩loop loop 大法，股票狂瀉時，你一樣有機會輸突要補錢。而你去炒期指，亦都係有機會要補錢。呢啲東西，係唔建議大家玩嘅
5. 不過今次呢位仁兄，就唔止係借錢炒股反艇咁簡單啦下。
6. 呢位美國大學生，廿歲。發生咩事？佢見到佢個戶口，係負73萬美金！你諗下你廿歲嗰時如果見到咁銀碼會點。基本上，只有破產。咁睇唔開嘅，咪會尋短見（不幸地，埃汾都有朋友係咁，已經死咗多年）。
7. 咁當然係so sad，但純技術討論，都冇乜特別。咪炒股票輸錢咯。衰啲講句，本質上，同啲友（阮民安？）去澳門賭錢輸仆街畀人夾返嚟香港，或賣去做雞（仲有冇呢回事？）差不多。你會唔會特別好同情？你唔係買自住樓喎，咁你贏錢時也文也武又另一回事啫
8. 似乎話，事主驚輸錢，累到屋企人。但，美國公司，打開門做生意，唔係黑社會，冇子債父還呢回事架下話？你老破唔還，大不了做唔到CFA（其實得唔得？）打唔到銀行工，但，唔使死掛？
9. 事主在遺書中，怪責公司（陣間講）做乜好畀佢受咁大風險。其實，都有啲賴皮？你自己走去賭喎，斷估唔係間經紀派叉燒飯引你下話？亦都冇人做媒話瑞士山區肺好賺掛？我見美國連登嗰啲股神，唔係媒喎
10. 曲折離奇嘅就係，主人翁，似乎係枉死。因為，佢根本冇輸咁多錢！只係佢唔識睇戶口數字。咁都得？
11. 到底點解輸咗咁多錢？死人唔識講嘢，但佢親戚有講。首先假設佢講真話（否則唔使討論）。事主就當然係以小搏大，玩期權。咁但，正路地，你買期權，最多就輸晒期權金啫，唔會倒輸。咁，一係就單邊sell期權（自己write），咁就可以無限風險輸仆街了（＊＊）。一係，就因為做槓杆咯。你得幾皮嘢，但你玩嘅嘢唔只幾皮。（原則上即係你九成按揭咁，但樓唔會一跌就畀人追差價）
12. 再睇深入啲，應該佢係買put（＊），同時間沽股票，「覺得應該offset」，「但唔知點解唔係」—即係，計錯數，？或者我理解錯英文？(He claimed the puts he bought, and the shares sold “should have cancelled out”)。
13. 但另外有其他梳屎，就有其他講法。簡單嚟講，都唔知佢買咗乜。但好似當事人堅持自己冇做孖展，做乜會輸咗73萬美金？！
14. 問題係，根據種種證供，呀事主，就係根本冇輸到咁多錢！咩回事？你當佢個 trade做兩隻腳。而兩隻腳係有關嘅，正路係一贏一輸。之但係，佢去查嗰時，第二隻腳未派彩！佢只睇到第一隻，就以為自己輸咗73萬美金咯！其實根本唔係，另一隻會cancel out 大部份！甚至可能有錢贏。但唔係即時見到的。咁你可以話係公司界面問題之類，唔知，但，真係未見棺材唔使咁早流眼淚
15. 講返間公司，Robin Hood，應該近年最有名氣嘅FinTech公司之一，如果近一星期就沒有之一添。最出名係乜？就係真零佣，任你trade，點賺錢後話，但亦助長咗好多炒到癲嘅人，好多係年青人，仲要封城冇嘢做，冇得賭波，而咁啱之前美股又強。免費嘢，係好難抗拒嘅。呢排美股好多妖象，都被視為散戶入市嘅反映，而Robin Hood就係其中一間成日畀人講嘅公司。
16. 公司之前已經畀人發現有漏洞，可以近乎做無限槓杆，但已修正。今次事件，矛頭都係指向，公司做乜會畀個冇收入嘅大學生，做咁大孖展？但，公司似乎堅持係冇，死者都好似話自己冇做。暫時唔知，但表面證供，似乎真係只係有人睇錯嘢，「以為自己輸咗好多錢」
17. 但，埃汾完全局外嘅評論，就係：點解唔識睇，都仲要炒？嚟緊，我其實想寫篇投資十二鐵律，但唔係我原創，係譯的。其中一條，就係simplicity beats complexity。使乜搞咁撚多嘢呢？之前恥笑啲咩loop loop loop plan九層塔，都係同一個道理。你見買股票可以上岸或小康嘅，有幾可係玩啲好複雜嘅嘢？多數都係幾隻股票，捉位捉得靚，或者長渣到靚股，搞掂。甚至乎以前啲師奶，有錢就去買層樓，就係咁簡單。
18. 當然，期權都唔係極之複雜嘅嘢，唔識睇個戶口，亦都唔係死罪。但，應該話畀信得過嘅人知嘛。可能唔敢同屋企人講啦（正常），又或者冇乜朋友，或者朋友都唔會炒股，而貼上美國連登又怕畀人恥笑。
19. 教訓？都係嗰句，唔好借錢。另外，simplicity beats complexity。同埋，有事應搵信得過嘅人，唔好自己收埋。
20. 有機會講多啲，但埃汾細個都闖過禍，中學時特別多。喂咁嗰時，真係覺得世界末日架嘛，好大鑊架嘛。但好彩，最後發現，咦，又冇事架喎。原來罰抄校規抄唔晒，係唔會出事的。原來偷睇數學搣時 — 張分紙，雖然畀佢斷正，當場狂炳，但最後都係冇事架喎。大個就發現，喂，有時真係人無恥則無敵架！未見棺材，使乜咁早流眼淚？好多你當刻以為好大件事嘅嘢，幾年後就覺得，根本咩都唔係。
21. 記得教書時，好似都係咁同啲小朋友講。呢刻你梗係覺得畀仔畀女飛世界末日啦，但世界很大。呢刻你梗係覺得會考仆街好大鑊啦—咁其實都係好大鑊的，但，唔大都大咗啦，就唔使死嘅。大把人西下西下都活得好開心啦。
22. 明明講炒股票又變埋勸世文。
（＊）好簡單講一次，put期權，代表你有權利，但冇義務（呢句好重要），可以用某個一早講好嘅價，質股票畀人食。咁我梗係想股票跌。舉例，我個put係300蚊港交所，過兩日中國同美國打仗，港交所跌到100蚊—但我依然可以質條友300蚊食咗佢。咁我梗係爽。你話，如果港交所升到500蚊呢？冇嘢架，我冇義務做任何嘢，唔使平賣畀人。居然有咁著數嘅嘢？咁所以，呢個put期權，你係要畀錢買的。就係所謂期權金。實務上好似買保險咁，出事咪有得賠，而你唔會倒嘔畀保險公司，但要之前畀錢。所以期權金同保險金都係叫premium
（＊＊）唔知咩係期權嘅，睇返（＊）。但我想講一樣嘢，唔少人知道，買期權，call同put，睇好同睇淡，損失有限（輸晒期權金），利潤空間無限。咁所以，你對家，sell 期權嗰個，就係你鏡子，佢賺有限，輸無限。然後好多普通人就覺得，頂，仲使諗？咁梗係買期權啦，limited downside unlimited upside。但，再諗深一層？即係沽畀你嗰個係低能仔？你話呢？事實係，好多人對咩「無限」嘅理解，就真係好有限。好簡單例子：咁你買隻隻股票都係無限upside架啦，但你發咗達未？小學雞嘅講法，咁你1/2 + 1/4 + 1/8 ……（＊＊＊）一路加到無限，出嚟係咪無限丫（你答係嘅，PM埃汾幫你補數學）。高深啲嘅講法，咪improper integral 咯，你拉到無限遠都好，個面積係咪一定無限？
（＊＊＊）更令人抓狂嘅係，1/2+1/3+1/4+1/5…..加到無限，又真係無限喎！死未！應該話，根本日常用語講「無限」，係好唔嚴謹嘅。
前叉單邊漏油 在 [問題] 前叉左邊避震器漏油- 看板biker - 批踢踢實業坊 的推薦與評價
如題
小弟GT125(購買約4年) 前叉左邊的避震器漏油，煞車皮沾油，
在騎機車按右邊煞車時會出現聲音，不曉得是不是因為漏油導致
不過避震器漏油勢必要先解決，想請問各位建議我換單邊新的原廠避震器約2000
或是換油封，防塵套，重新灌油 約1200
可以幫我推薦東海附近這方面做得不錯的機車行嗎？
謝謝
--
※ 發信站: 批踢踢實業坊(ptt.cc)
◆ From: 112.105.52.93
... <看更多>
相關內容