每一個Disneyland 都有淡季嘅時候.
喺好多人心目中每一日都迫爆嘅東京迪士尼, 其實每年一月新年假期過後都係佢哋嘅淡季, 天氣凍到連日本人都唔想入園, 就出現相中呢個冷清嘅畫面, 所以園方早幾年就諗到以"Frozen" 活動嚟切合返呢個凍到冇人入園嘅月份, 幫助帶起返人流.
加州迪士尼早前Galaxy's Edge 開幕後都出現咗冇人入Park 嘅奇景, 大部分設施都係唔需要等同埋設施內都係坐唔滿.
https://youtu.be/KGRgwcx5RJM
一件政治事件, 令好多潛在嘅問題浮面, 唔只政府, 其實香港迪士尼都係.
講咗好多年嘅Half-day pass, 香港人享有特惠門票價格等, 其實係有需要推出, 而且需要長期推出.
巴黎迪士尼曾經一度將免費入場嘅小童歲數限制由三歲放寬至七歲, 加州迪士尼亦有推出Southern California Resident Ticket.
每一個Disneyland 都有自己嘅問題要處理, 但人哋係會出現好多措施應對: 知道遠水不能救近火, 就俾個special offer 附近嘅居民; 知道自己個resort 主要係家庭客, 就免小童入場費用吸引更多家庭客入園; 知道入場人數減少並唔係因為票價而係因為天氣, 就構思更大號召力嘅活動吸引人入場.
呢D 係了解自己弱點同懂得靈活變通嘅例子, 而香港迪士尼, 業績本身已經唔多好, 應該發揮更多創意.
或者今次係一個好好嘅時機令香港迪士尼振作. 但首先係要園方認清自己嘅弱點, 可能呢個正正就係最大嘅阻力.
加州迪士尼門票價格 在 嚇到要收驚!! 加州迪士尼攻略別被它們的可愛外表騙了!! 的推薦與評價
在安排行程時，完全不知道會遇上 迪士尼 聖誕裝飾的第一天(雖然現在聖誕節已過)…身為 迪士尼 腦粉，當然會讓樂園行程順順利利，卻沒想到會被這些設施嚇到 ... ... <看更多>