//支持本Page請Click入內文比Clap，已為Medium收費會員請直接Click入內文閱讀，謝謝！//
台灣總統選舉結束，一如所料，蔡英文大勝韓國瑜，突破800萬成為史上最高票總統；民進黨立委繼續過半，意味往後蔡英文唔需要睇細黨面色，可以繼續堅持進行佢心目中嘅各種政策推進（當然台灣政黨有黨團協商機制，再加埋拉布，仍然係可以造成一定阻礙）。我並唔係台灣選舉專家，唔敢響度班門弄斧，只係響度提供一啲客觀數據，再同大家作少少分享。
首先借用「小聖蚊的治國手日記」入面嘅10點觀察，比大家睇睇前後兩屆選舉嘅得票升降：
1.民進黨總統票 56% > 57% 多1%
2.民進黨政黨票 44% > 34% 少10%
3.國民黨總統票 31% > 39% 多8%
4.國民黨政黨票 27% > 33% 多6%
5.親民黨總統票 13% > 4% 少9%
6.親民黨政黨票 7% > 4% 少3%
7.時代力量政黨票 6% > 8% 多2%
8.民眾黨政黨票 0% > 11%
9.迷你黨 不到1%
10.4小黨 大於1%小於4%
然後再睇下立委數字變化：
民進黨：68席 > 61席
國民黨：35席>38席
民眾黨：未參選>5席
時代力量：5席>3席
台灣基進：未參選>1席
1. 其實同香港區議會選舉一樣，蔡英文票數增加唔係因為民進黨支持率大增，而係投票率大增促成嘅結果；
2. 又，藍營票數無你想像中小，得票率甚至比上屆多；韓國瑜雖然大敗，但由於國民黨之前已慘敗過一次，今次反而有少少觸底反升，立委席次仲要不減反增
3. 響「臨戰體制」、大台瘋狂抹黑之下，淺藍淺綠小黨各自被邊緣泡沫化，當中最大受害者自然係時代力量同親民黨：
雖然後兩者分都響不分區比例代表制攞倒過百萬同50萬票，但不分區立委就只有區區34席，所以時代力量只得3席；親民黨更係連當選門檻都達唔到。
然後分區立委同區議會一樣，係Winner takes all機制，所以就算小黨每區都有相當支持率，基本上面對國民民進兩大黨嘅歸邊遊戲底下，除咗基進黨有一席同個別地區人士，全部比兩黨搶哂剩番六十幾席，時力、民眾、親民皆全軍覆沒。
4. 時代力量全面被邊緣化，雖然政黨得票率增加，但議席反而由5席減至3席；黃國昌不分區排第4希望保送戰友上車，自己卻慘死，個人實在覺得非常可惜──呢個完全係民進黨高明策反手段所帶黎嘅結果。所以當見倒洪慈庸呢個叛徒終於求仁得仁，我其實係相當高興，唯一可惜係林昶佐死唔去。
5. 相比起總統票，政黨票民進黨同國民黨差距極少（480萬vs471萬，差距少過10萬），分別就在於其他細黨得票。假設韓國瑜多出嘅80萬總統票入面，大多數係黎自民眾黨，咁蔡英文除咗受惠於時代力量＋其他細黨之外，仍然有大概一半左右係屬於民眾黨票。
換句話說投柯P嘅，仍然有一半係討厭國民黨，可以接受蔡英文嘅泛綠票；但同時卻拒絕幫民進黨立委含撚嘅選民──話民眾黨係國民黨打手，只能夠話係偏離事實。而亦正正係因為柯文哲堅持擺脫藍綠嘅選舉路線，佢先至能夠比時代力量多拿50萬票，避免一組黨就泡沫化嘅結果。
6. 總括黎講，國民黨總統選舉大敗係無可否認嘅事實，但響立委層面卻挺過最艱難嘅戰役而無被一舖清袋；只因蔡英文當選總統而高興未免太早，只要年輕人上流問題、貧富懸殊問題無辦法解決，縣市長選舉就係共產黨再次展現滲透力嘅時候。
而民眾黨表現理想，幾乎可以肯定下屆柯文哲會參加2024年總統大選，但如果佢仍執迷於同蔡英文間嘅私怨，因為貪圖郭台銘嘅財力支援同共產黨嘅經濟牌，繼續實行「1分打藍9分打綠」嘅政策，都幾難可以突圍爆冷。但始終4年後實在太遙遠，政治一日都嫌長，香港人都係時候將焦點放番響自己嘅抗爭前路上面，同埋唔好妄想，可以靠一個殘廢嘅選舉制度改變政治現實。
區議會選舉2024 在 《2023年區議會(修訂)條例草案》委員會會議(2023/06/09) 的推薦與評價
2023年 區議會 (修訂)條例草案》委員會第七次會議日期： 2023年6月9日(星期五) 時間： 上午9時至11時地點： 立法會綜合大樓會議室1 修訂議程(截至2023 ... ... <看更多>