每個星期都要嚟Chill下。點解唔厭嘅？
今日終於明白，點解啲工人姐姐個個星期都要去公園坐🤣 真係好relax㗎！
（當然我地全職媽媽比工人姐姐慘，冇收工冇假期，坐公園咩？仲要睇住個女㗎🤣！）
睇住黃花逐棵慢慢開，花開花落，真係好寫意。
喺呢個疫情下，少出街，冇學返，真係好攰。
加上大女前排報升中，細女又要日日zoom追功課。
每日停不了的家務，真係好易屈到病。 所以間中都要俾自己抖下，給自己一個喘息的空間。
全職媽媽，一年365日，每日24小時，不停地對住2個小朋友，日日嗌交爭野嘈嘈閉！
個個都以為我好得閒，以為我唔洗做好爽？
但壓力有誰知？ 邊個話我唔洗做！
一日煮幾餐，又要煮又要洗，煮飯洗衫做家務。停課期間仲要做埋小老師。教功課簡直係破壞親子關係。間中想抖下靜下嘅機會都冇。
全職媽媽嘅壓力有人會明嗎？
Thx Dear 每星期陪我出嚟hea下飲下傾下。
充電後又繼續努力！ 每日都係好開始！
生活雖然苦，但一家人健健康康在一起，應感恩、滿足了，不是嗎？
正能量滿滿🥰💪🏻💪🏻💪🏻💪🏻💪🏻
各位媽媽們，記得都要俾自己抖下，唔好屈到病呀！ 加油💪🏻
#媽媽們 #加油呀 #共勉之
#南昌公園 #黃花風鈴木
#全職媽媽
#春天來了
#我最愛的碎花裙出動🌸🌼🌻
#偽metime照
