依排天氣已經咁熱，真係好懷念短暫既冬天❄️。喺今年最凍嗰幾日，我跑上 #大帽山 想睇霜，可惜就睇唔到，不過總算完成一個checkpoint，上過 #全港最高既山🏔；之前一直忙搬屋執屋，擺到夏天都未post🙈行得咁辛苦，又變埋雪條🥶，請容許我不合時令地比堆相曝下光🤪
講到大帽山，好多人都覺得好難行，咁就錯啦，其實只係 #入門級路線 黎✅，景觀卻隨季節和時間各有特色。好似我去嗰陣超凍，睇霜同芒草🌾，蒼涼得黎都幾有feel; 春天就名付其實變「大霧山」仙景一般☁️；夏天走到上到觀景台以上，好彩遇上波瀾壯闊既 #雲海 景緻，一定好壯麗💫。仲有日出日落🌤，唔少人會專登上黎睇甚至喺度紮營，可俯瞰荃灣、深井、錦田、元朗等景色，笑看風雲，真係人生幾何😎
乘車到大帽山郊野公園落車反方向走會到達起點扶輪公園及營地，這裡有小食亭和厠所，之後沿途再冇補給站同廁所㗎喇，帶小朋友一定先休息補給同解決左先🚽。上山既路程全走馬路上斜，有點吃力不過並不難行，只是要小心車輛就得🚗。
走大約45分鐘去到 #大帽山觀景台，可稍作休息，依度影相已經居高臨下好開揚，遠處有塊叫「#卧龍石」，我同姐姐兩個唔怕死學人跑上去影，三爬兩步上到去再回頭望，腳軟了😱😱.... 唔敢企起身🥶原來拍網美照真係需要好多膽色😵 另一奇遇係遇上「豬」隊友，一隻見慣大場面，跟人一齊行上山從容不迫嘅 #大野豬🐷 我就少少驚，佢行左，我咪行右🤐不過基本上唔騷擾佢，佢都唔會攻擊人既，保持社交距離好了😬
山頂既 #天文台氣象站 係終極目標，朝住個波波行越高越不勝寒，真係超超超凍🥶🥶沿路有好多芒草，不過又唔算太靚，反而走入枯草堆影仲正🍂！全程上斜既關係，都幾索氣，又走了45分鐘才到達，可惜天色唔好見唔到日落，只係凍到眼耳口鼻無左知覺，QB全程2個幾鐘無呻過，完成到認真抵讚👍！雖然稱唔上十分Kids Friendly, 但4-5歲以上絕對行到無問題, 咪當鍛煉下體能💪
交通：荃灣站D出口乘搭51號巴士，於「郊野公園」下車
需時：2-3小時（連拍照休息）
難道：⭐️⭐️（全斜路最甘）
注意：可能有野豬出沒/ 小心車輛出入/ 空礦無遮擋物，記得塗防曬/ 帶備電筒下山時用
#hiking #芒草 #親子好去處 #行山路線推介 #郊遊樂 #嗰日真係凍到痴左
卧龍石 在 臥龍石澗＋左龍石澗＋黃龍石澗 - Facebook 的推薦與評價
See More Photos… 臥龍石澗＋左龍石澗＋黃龍石澗 by 「虐」行 2017年6月5號星期一分享路線：東涌>赤立角村>黃龍坑>臥龍石澗>臥龍絕壁>左龍石澗>黃龍石澗>東涌交通：東 ... ... <看更多>